[poem=font="Arial,4,orangered,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياونتي ونة اللي طاح مسجوني=محد ٍ درابه ولاحد ٍ شاف غاياته
او ونّة اللي يتيم مات مغبوني =تسمع حطيم الثنايا عند زفراته
ولا كما اللي وحيد ٍ عاش مهيوني =خلّوه ربعه يعاني علقم امواته
ولا كما اللي سليب ٍ راح مجنوني=يشق جيبه وفوق الراس عفراته
اون والدمع ماتلقاه في عيوني=متحجر ٍ في عيوني خوف شماته
وليا تعديتهم ماعاد شافوني=قمت اتوجد ودمعي زاد ذرفاته
اغسل هواجيس قلبي وبعد اشجوني= واذكر زمان عسى الله يرجع اوقاته
من سبني في غيابي قلت يخسوني=محد ٍ غدا مثلنا هيهات هيهاته
اهل الحكي بالقفا ما غير يرموني =شغلت ضعيف البصيره قل حيلاته
حنا رقينا مكان ٍ صعب يرقوني =مثل الجبل راسي ٍ ماهم ميلاته
لكن برجي اله الخلق والكوني= رب ٍ رحوم ٍ على عبده برحماته
يغفر ذنوبي ويا خذني على هوني =في سكرة الموت انا برجيه عفواته
انا ابن آدم الهي وين با كوني =اذا خذوني وعاف الجسم كسواته
ثم احملوني على سلّم ويدعوني =في حزة ٍ جعل ينفعني بدعواته
في حفرة ٍ ادخلو جسمي وخلوني= ويا جعلها روضة ٍ من طيب روضاته
مواعظ الموت عبره للي يدروني= لهل العقول النجيبه عرف عبراته
دنياك يا سرع ما تمسك بسنوني= هذا زمان ٍ تقفاني بيبغتاته
كم مرة ٍ ضاحك ٍ والسّر مكنوني= بقصى الحشا مسكنه باقي وكياته
وين انت ياراعي الفزعات يا عوني=اللي عضيدي وتعجبني محاكاته
ان كثر غمي وهمي ثقل يجلوني=وان ساربك طيب ٍ تعجبك هقواته
لاشك لاشك هذا الجرح والكوني =آثاترها باقيه من اثر شفراته
وختامها بطلب اللي له يصلوني= يغفر ذنوب ابن آدم له وزلاته [/poem]
رد مع اقتباس
