[poem=font="Simplified Arabic,4,black,normal,normal" bkcolor="transparent" bkimage="backgrounds/6.gif" border="none,4,gray" type=0 line=0 align=center use=ex num="0,black"]
" قابيل وهابيل "
قــــال الــذي ماعـــجّزته الكتــابه = و أليا بغى القيـــفان تاتي مقابيل
هــلّــت عليّه بالمــعــاني سحــابة = وأسقت ضمـيرٍ هــايــم للتـــماثيل
أمثــال مــن عـــدٍ نــقـــي شـرابه = قامـت تطــارد كنـّــها سبّق الخيل
من شاعر درب التجارب مشــابه = شاف الهنا وشاف العنا والغرابيل
وأدرك عــلـــوم في بداية شـبابه = حتى غـــدت قـــّدام عــيــنـه قناديل
خلاّ التــجــارب والنصايح زهابه = نــصـح النشاما والرجـال الحـلاحـيل
راع الردى لــو يـعـجبك في ثيابه = الّلبس ماطيّب عــفـــون الــرجــاجـيـل
مازيّــن الــعــلــقـم خصوبة ترابه = وقــاع الـصـبـخ مـازيــنـتها المخايـيـل
وراع الكــبـر بالناس ماله مهابه = واللي نــقــص بـالـكـيل يـنـقصلـه الكيل
أبعد عن الـكـذاب لـو هـــو قرابه = مــايــلـحـقـك غـيــر الـشقـا والـبـهاذيـل
لياصار ماهو صــادقٍ في جـوابه = قربه فــشـيــلـه وابـتـعـاده مــحـاصـيـل
ممـشـاك خـلـّه مـع خـطاة الذيابه = مزبنك بالــشـدات والـضـيـق والـمـيـــل
تـعـرف خـويـك في نـهار الطلابه = مــاتـعـرفه وقـت الــرخـاء والـتـعالـيـل
والـقـوس مـايـغـنـّي بليا ربــابـه = ورجــل بـلاصـاحــب كــحــل بــلا مـيـل
وبعض البشر ياناس مغرم صبابه = عــاشق ؟ " ولكن عاشق القال والقيل "
لوهو ظهر بعض الغلا في خطابه = مثــل غـلا قـــابـيــل لــخـوه هـــابــيـــل
شيّمت نفسي عن عـلـوم الخيابه = وأخـتــرت عـلـمٍ يـرفع الـراس لسـهـيل
مـابغى اتـجمع مع كثــير الــعيابه = الاّ أن تجمع واهــــج الشـمـــس والليل
وصلاة ربي عد ما رسل سحـابه = وعــداد قـــاعٍ فــوقــها يـــدرج الســـيل
على الذي فضّل علينا الصحابه = ثم رتــب الــتــفــضيل جيــل بعــد جـيل
[/poem]
اتمنى ان تنال اعجابكم
دمتم بود
رد مع اقتباس
المشاركة الأصلية كتبت بواسطة سـعـد الحويماني
