(((بسم الله الرحمن الرحيم)))
أحبتي أسعد الله اوقاتكم بكل خير... وكل عام وانتم بتمام الصحه والعافيه...
من جديدي عسى ان ينال رضاكم استحسانكم...
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ليه يا خلي تخليني وحيد=وانت خابرني ليا ضاقت فزوع
كم على شانك ثنينا فالحديد=وكم على يمناك وقفنا جموع
وكم كتبنا دونما تطلب جديد=وكم عطينا بس ما تلبث تجوع
وكم بدعنا لجل عينيك القصيد=لينما صارت حروفي لك شموع
في غياهب رحلة الحب الاكيد=كنت اضوي لك حروفي يا ولوع
وكم زرعت الورد في كف الجليد=ولاجنيته بس انا طبعي قنوع
لين ذاك الليل أعلنت الشديد=وهلت الدمعه وانا ماني جزوع
بس بعض اْحيان احس اني بليد=وأرتخي فالحب لكن ما اخوع
ارتخائي عزه وضعفي مجيد=ومن نزولي كم تعلمت الطلوع
شامخاً مثل الجبال الشم حيد=ولا ارتخى راسي يكوده فالركوع
بس شوقي فالحنايا ما يريد=غير اساهر نجمة الصبح بدموع
لين صرت اسهر واهيجن بالنشيد=واطلع المرقاب ما عندي ربوع
وصارت القصه مثل حبٍ تليد= بين مركى سهرتي واْهموم كوع
ولجل وعديْ لك اتيتك يوم عيد=ما أخلف اْوعودي ولا طبعي قطوع
عيدك مبارك عسى عيدك سعيد=وجعل ريح الورد في عيدك يفوع
ما انكث اْوعودي ولو راسي عنيد=وساقني طبعي اهنيك الربوع
قلت لك يا نور عيني ما يفيد=كنت اقوله قبل أعلان النزوع
لني اعرف لا رحلت اْ تقول نيد=بس انا في وقتها ما اقول طوع
لو فراقك يقطع فقلبي وريد=ولو ظلام الليل فالفرقى يروع
وكنت خايف من فراقك لا يصيد=قلب ناصر وادري الفرقى تصوع
كل هذا لجل ما ابقى وحيد=لني ارفض كل فكره للرجوع[/poem]
رد مع اقتباس
-new.gif)
