ولكن اظنك يابنت النـاس سكرانـه

[بندر بن خالد]

البارحـه كلمتنـي بـنـت مبلـيـه * ومعاملتها صراحـه معـي تعبانـه

قالت كيف الحال قلت اهليـن يابنيـه * قالت بغيت البنـات قلـت غلطانـه

قالت تمـزح قلـت احكـي بجديـه * انا رجل والرجـل ملـزوم بلسانـه

قالـت بـلا دلـع رح نـاد بدريـه * وان كانت نايمـه صـوت لسلطانـه

قلت الحقيقـه تراني من الكباريه * والكل منا يابنت النـاس فـي شانـه

قالت بسولف معك لو تسمح شويـه * تراي قبل اتصلبـك كنـت طفشانـه

قلت اهرجي زيـن وصفـي النيـه * وانـا بسولـف معـك بنيـة زانـه

قالت تحب قلت احب اللي حواليـه * احب ربـي ثـم الكنـق واخوانـه

واحب ديني واحب اراضي السعوديه * محبـة ماعطاهـا الخـل خـلانـه

قالت بضحكه وش باخلاقك تجاريـه * اصلا يوم اسولف كنـت خسرانـه

انت وش فيك ماتعلمـت الرومنسيـه * انـت ليه حياتـك مالهـا خانـه

قلت اسمعي زيـن كانـك طبيعيـه * ولكن اظنك يابنت النـاس سكرانـه

انا بندر واذا ابغاكي اجيبك لهنيه * ماني من اللي يطرد كلامه عالسانه

[x ذبحهم غروري x]

اخي المبدع ..

تجعلنا نعيش الحرف ..

ننتظر الكلمة تطق ابوابنا وجدراننا ..

لنعانق العذوبة انسانا نشتاق اليه دائما ..

دمت للجميع..
ودام قلمك شامخا ..وحرا ..

والى الامام دائما..وبالتوفيق ان شاء الله ..


((( سجل اعجابي المتواضع بما خطيته وبما ستخطه )))


كانت حروفك بلون المطر..

وروعه السحر...

ولقد شيدت قلاع الجمال بحروفك

واصبح للروعه دروب وحرفك هو كل دروبها ...

لطالما رغبت برؤية شيء كتاباتك

وها انا اصاب بالذهول فلقد اعجبتني جدا

مثلك لا اعلق على كلماته

بل انا لك مادحه

سيدي


دمت بكل ود


اختك

غرور

[النجلاء]

صح لسانك اخي بندر


يعطيك العافيه

[بايعه للحب]

قالـت بـلا دلـع رح نـاد بدريـه * وان كانت نايمـه صـوت لسلطانـه

.................................................. ...........
طيب يمكن صدق غلطانه البنيه تبي سلطانه ولابدريه

صــــــــــــــــح لسانك اخوي

[خــــالـــــد]

[align=center]
بندر بن خالد

صح سانك وعلا شانك

رائعة يا بندر

رائعة

أشكرك

[/align]

[عنزيه وكلي فخر]

راائعه .. راائعه .. راائعه

والله كلماات الدنيا كلها ماتكفيك يا بندر

اخوي اسمح لي اسميك ::

مــلــكـ الحــرف لانك بجد تملك الحرف وانت تتحكمـ فيه

كتبت فأبدعت اخووي

[احساس أنثى]

المبدع

بندرخالد
صح لسانك مليووون ولا تكفي ولاهنت يالغالي


سلمت اناملك


وما ننحرم منك ومن قصائدك الرائعة


انتظر جديدك بكل شوق



تقبل مروري المتواضع



تحيتي وتقديري واحترامي لك



احساس أنثى

[جواهر عبدالله]

الله يعطيكـ العافية ..

القصيدة سبق ومرت علي .. هل هي من كتاباتكـ الخاصة ؟

[نشمي مقعد العتيبي]

الله يعطك الف

عافيه وصــح

لسااااااااااانك

[كبرياء الجنوب]

هههههههههههههههههاااااااا ااااااااااااااااااااااي

تلعب على مين يابابا


الابيات مو لك انت سارقه والمفروض للامانه الشعريه تكتب اسم الشاعر ياخوي



ترى اللي يسرق يحطه ربي في النار


والله المدح خساره فيك



ياناااااااااس ترى الابيات للشاعر المعروف ضيدان بن قضعان

[عـاشـق هـم]

اخوي بندر الله لايهينك,,,,
ولكن هذه القصيده ليست لك وانا ناسي الشاعر ولكن راح اجيب اسمه .
الله لايهينك بنقلها لنا ولكن يرجى منك ان تذكر ان هذه القصيده منقوووله ..

لكي لانفهمك غلط ..

ودمت سالم .

[محمد الجبريني]

القصيده هذي انشهرت في البلتوث مع كل الناس شاعرها مجهول

ويبدو انه من البجاديه لانه ذكر حبه لربه والكنق والبجاديه ويصف نفسه بالبداوه

ومعي في الجوال بس معرف اسمعكم أيها بس اعتقد انها ماهي لشاعر ظيدان ,,,ومسجله بغير صوته
الي اذا لم يظيفها الى ديوانه او
لعدم اقتناعه بها الله اعلم ويمكن تكون لشاعر بندر الله اعلم

ومن عنده علم اليقين ياتينا به وله الشكر .

[ناصر محمد السبيعي]

ههههههههههه قال انا بندر واجيبك هنيه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههه
التصحيح:
انا بدوي ماخظعت الراس موليه=الا لربي عزيز الجاه سبحانه

ياخي عن السرقات العلنيه هذي اخوي كانك تبي تسرق اسرق قصايد مو معروفه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه

[ناصر محمد السبيعي]

وحاط صورتك بعد ههههههههههههههههههههههههه ههههههههههههههههههههه

عيب

عيييييييييييييييييييييييب

وشق جيب

[مشاعر حالمه]

هجوم قوي على الأخ بندر بن خالد ..

قد يكون كاتب القصيده اسمه بندر

والاخ بندر بن خالد لم يذكر انها له أو لغيره يعني كوبي آند بيست ..

وماله داعي هالضحك كله ..

اللي يعرف اسم الشاعر الحقيقي يحط اسمه وترى السرقات واجد يعني كل شخص لازم يحرف في القصيده

أما انكم تقولون هذي القصيده لفلان أو لعلاّن ولاتذكرون المصدر الموثوق فماله أي داعي هالهذره كلها ..

عالعموم يابندر قصيدة راائعه جداً وأشكرك على الطرح وراح أنقلها لقسم المنقولات الادبيه حتى يتم التأكد من صاحبها

هل هو أنت أم غيرك ..

ننتظر جديدك أخوي ..

تحيتي لك / مشــاعــر ( عزأبــوها )