كيفكم ياحلوين ؟؟؟؟
ضيفتنا اليوم مايحتاج لها تعريف أو مقدمات ,,,,,,
معاكم أمل عبدالعزيز تحكي لكم بروحها المرحه وقلمها الممتع الساخر هالمواقف :
=============================================
والله يابنت الحلال المواقف حدثي ولاحرج وكل موقف أزود من أخوه لكن خوذي ياوخيتي على الحساب موقفين/
الأول:
قبل سنة ونص تقريباً كان عندنا زواج وشارية فستان المهم احتاج قبل الزواج أني أسوي له تضييق( الله لايضيق علاانا)
المووهم
لابد نوديه لمشغل موب أي شخص يقدر يعدل فيه لأنه شد بلده فلازم اليد ألي تضبطه تكون تعرف تخيط زين موب سعاد ألي في حبل المودة تخيط وهي عمياء :mf_popean
عاد وديته أنا وبنت أخوي عند واحد خبير في الشغلات هاي وقلنا له ترى العرس الليلة وأحنا بصراحة ننصب عليه بس مافينا نقول له العرس بعد يومين ويشق فينا ويأخرنا ومن هالشيء ,,طبعاً هو فرح الرجال ووده يخدمنا ياهملالي
قال :خلاص هذا جوال المحل دقوا عليه بعد نص ساعة بالكثير تلقونه جاهز
فرحت أنا قلت وش هالحظ نص ساعة ويزهب
وبالفعل جلسنا أنا وبنت أخوي نلف وندور في هالسوق ألين قضت النص ساعة
ودقينا عليه هاااه خلصت؟ قال / ربع ساعة بعد
قلنا يالله ننتظر ,, وبعد ربع ساعة دق قال: تعالي خوذي فصطانك اختي( الأخ قلبها لبناني)
وجينا بسوورعاه وأنا مانزلت من السيارة خليت بنت أخوي تنزل تاخذ الفستان منه
جات يمه وقالت هات الفصطان , قال وين أختك؟ قالت له عند الكوافير( تكتيك كامل) قال: طيب والمصيبة أننا نسينا وحطينا شال الفستان معه وهو مسكه عنده
المهم دقايق وهو متصل علي, قال: سلام, قلت هلا , قال: تعالي مري علي خذي الشال تراكم نسيتوه,, قلت مافيه وقت خله عندك وقفل الخط
شوي دق: رديت قلت نعم , قال هاه بشري كيف الفستان هاه عساه ضبط عليكِ؟
قلت بخاطري: أم الحالة ياأمل رحتي فيها مع هالمصفوق دوبنا ماوصلنا البيت عساك المصع ياوجه القرد
أنا عاد لحد هذيك اللحظة بعد ماسويت حفظ لرقمه قمت تهورت وخشيت على رقمه وحفظته
تخيلوا بايش حفظته!! باسم( كلب)- وأنتم بكرامة - وحطيت له نغمة ( ها و هاو هاو هاو )وسبحان الله قلبي حاس ان فيه عالم من هالنمونه الكلابيه كرمتم ياحلوين فحفظت النغمه استعداداً لهم :mf_popean
صار يدق كل شوي ( وتخيلوا عاد يطلع بشاشة الجوال الكلب - كرمتم -يتصل بك ) وأنا ميته ضحك ولا أرد مامداه إلا وهو مرسل لي مسج رساله من الكلب( والقاري يكرم) يقول/ شفيكِ زعلتي؟ الله مسرع نسيتونا أنا كنت بس حاب أتطمن على الفستان صار زين ولا لا؟ خسارة بس..:زعلان:
بخاطري قلت الله ياخذ عمره على الفستان على أبو جد الحالة
فنصيحتي لكل بنت يجيها أذية على الجوال تسميه كلب( وأنتم بكرامة) وتحط له نغمة ( هاو هاو هاو) ووالله ياجماعة الخير أنه وقف بعد فترة لكن شوفوا كيف الفضاوة بس..
.
.موقف ثاني:
قبل فترة كنَّا بمكة في الويك إند ( أخص يالعنقليزي بس) المهم تعرفون المسافة بين دار التوحيد والفقه هههههههه قصدي الحرم الموووهم
أنا أشوف العربيات ألي تسوي توصيل بين الحرم والفنادق حوله
عاد أنا بغيت اركب العربية بعد العمرة مافيني حيل أمشي الخطوتين ألي أنتم خابرينها بين الحرم والأوتيل , بس الموضوع بقلبي ودي أجربها
عاد يوم صليت الفجر وجلست شوي قلت يابنت يالله اطلعي ويوم أطلع وألقى العربية شفتها حسيت بجاذبية
وأنا ألي أقول تعال: بكم المشوار؟
قال بالي تدفعينه ؟
لأنه شايف أنه مافيه مسافة!!
قلت طيب يالله وديني وأطب على ذيك العربية الله لايوريكم وأضف رجولي على المكان الخاص لها ويطير فيني
وعباتي وراي كنها رداء باتمان وهو انعمى ماعاد يشوف من العباه وقلت له اسمع مر بي على الصيدلية ودي اشتري لي حاجة
قال طيب . ياعالم هو يدفني وأنا منصرعة ضحكوأحمد ربي على العافية المهم لصرنا نبي نروح يم الصيدلية يحتاج الأمر أننا نخش بين سيارات ونقطع الشارع
عاد أنا طار عقلي وناقزت عيوني؟ ياااااارب سترك وش خلاني أركب هالعلة؟ المهم الولد مدهر طبعاً النور والتأشير للف يكون بيدينه لزوم التقنية :11retcher
وقف ونزلت وشريت ألي أبيه ورجعنا أدراجنا يم الفندق ولا أشوف واحد معاه خرابيط ألعاب واكسسوارات ومسابح وحاجات هيك مالها سنع يعني لو قلت معه قدور وصحون صدقوني
المهم قلت وقف , وبديت أشوف وش مع الهندي من علوم وبعد وقفة ربع ساعة قلت يالله انطلق قراندايزر مافيه شيء جاز لي وينطلق بي دوق فليت للفندق لأني خلاص حست مريره وبالفعل قربنا من الفندق وأنا مشخصة باالعربية
وعرفت وش هالتقنية وش تحتاج وش ممكن تساعدنا في سعودة القائدين للعربات وبس
تعبت والله سوري
تشاوو ياحلويين :واو:
مشهد ماشفتوه في الرواية:
من ركبت العربية ياشباب وأنا معي وحولي عشرة تكارين يشحذون وكلهم يقولون كرامة كراااااااااااااامة
بغوا يفكون عباتي من فوق راسي من زود الطرارة عاد ماكذبت خبر شريت لهم حب ألي يحطونه للحمام وصرت أرش عليهم ههههههههههههههههههههههههه ههه
تخيلوا جو العربية بس ناس تطر وعالم تدف ومن يميني بزر صغير يغني( الله يكليكي والجنة يوديكي )
والأم من اليسار تقول( كرامة صغيرة تودي جنة كبيرة ) وبزرها الأصغر ملزق بظهرها
مشاهد لاتنسى
============================================
الف شكر لضيفتنا حضورها ومشاركتها
ويعطيكم العافيه
رد مع اقتباس
[/mark]
[/align]
