: ][][§¤°^°¤§][][مائدة اليوم في رمضان][][§¤°^°¤§][][

[هـمـْـْ الغلا ـْـْـس]

المتحديه..

تسلم يمينك على هالطبخات..


ربي يعافيكـ،،

[فوووووشي]

[grade="00008B 00BFFF 4169E1 4B0082"]المتحديه

ما اقوووووول الا

اللهم اني صائمه...

بصراحه ابدعتي بالمطبخ الخليجي...

تسلم اديكي .ومشائ الله عليك عارضه الموضوع بطريقه رهيبه

الله يعطيك الف عافيه وما قصرتي يالغلاااااا

وكل رمضان ومعدنا بالف خير


أختك فش فاشه[/grade]

[ملكة]

المتحدية


اليوم يومك

وسفرتك ولا أروع يعطيك العافية ولاعدمتك

[رحيل الحزن]

أممممممم يمي يمي والله إنكم شهيتوني


كان ودي أمسك يوم بس عساي أمسك مطبخي أصلا

صراحه ما قصرتوا والله إنكم فنانين

مشكورررين على هاي الفكره وبالأخص ملكه صاحبة هاي الفكره

وانا ودي أطلب من الأعضاء إنعم يعطونا طرق جديده ومتفننه لتشكيل المعجنات مليييت من المعروف ودي بشيء جديد أبهر به ضيوفي000

[سارهـ]

مساء الخير للجميع

هاه وشلونكم ؟؟

ادري انكم ميتين جوع لكم يومين صايمين بس لا تاخفون جايبه لكم سفره إنما ايه

هي سفرة من مأكولات صينية بس معدلة نوعاً ما مع جدتي طويلة العمر ..

بس قبل ما انسى بوريكم صورة وحدة من حفيداتها وهي تاكل


8

8

8

ياقلبوووو عليها والله ودي اكلها انا
.
.
.
.
.
.
.
.
.
.
.
.
.
.
.
.
.
.
.
.
.
.
.

يوم تذكرت المثل اللي يقول قديمك نديمك هونت عن الصيني وقلت اسوي الأكلات النجدية الشعبية
.
.
.
لأن اللي ماله أول ماله تالي !!


ما أطول عليكم

[سارهـ]

سفرة جدتي ( الله يطول بعمرها )



فك الريق



تمر سكري مكنوز و إلا تمر خلاص و إلا برحي على حسب الميسور

مع التمر يكون فيه قهوة بالدلة البغدادية اللي يرن طعمه بالدماغ
وطريقة عمل القهوة انكم تفوحون الماء بالبريق وبعد ما يغلي الماء تحطون قهوة ممحموسة ومطحونة مقدار فنجال القهوة وتخلونه تغلي لمدة 10 دقائق وبعده تصبرون شوي لين تصفي وتحطون بالدلة البغدادية الهيل مقدار 2-3 ملاعق صغيرة وتزلون القهوة على الدلة بعده تصير والمة للصب والشرب

ومع القهوة تحط جدتي الله يسلمة مويه ولبن وطبعاً برمضان يسون عصير توت لا يغركم كانوا يعرفونه وهو ( عصير فيمتو مع الماء ومعه شوي سكر ويصبونه بالطاسة أو الغضارة ) هع هع وناسة مطاريس



أما الحلى مع فكة الريق

التـــــاوه



المقادير :
2 كأس طحين بر ( أسمر ) .
كأس لبن.
كأس دقيق أبيض .
2 ملعقة خميرة فورية .
بيضة.
ملعقة حبة سوداء.
بيالة زيت.
فنجال سكر.
ذرة ملح ( يعني رشة ملح )<<< أترجم كلام جدتي .

الطريقة :

- تعجنون المقادير كله مع بعض وان حسيتوا أن العجينة محتاجة لماء فزيدوها لين تصير متماسكة وبعدها تتركونها ساعة .
- تقطعونها قطع صغيرة مثل الكورة وبعدها ترصعونه مثل المطازيز بس امتن شوي وتقلونه بالزيت وتقولقكم جدتي ( ترصون العجينة بقوة داخل الزيت عشان تنتفخ وتتحمر )<<<نصائح ودرر ثمينة من بين السطور .
- تنشلونه من الزيت وتجمعونه على ورق نشاف حتى يمص الزيت من التاوه وبعدين تحلونها بالعسل .



هذي سفرة اليوم
7

7

7






السلطة



عبارة عن :
( خيار مقطع طويل - حزمة بقدونس - فلفل (حبحر) - ليمون )





شوربة الجريش

الطريقة :
- تحمسون فص بصل مفروم مع 2فلفل حار( حسب الرغبة ) في الزيت.
- تحطون عليه نص ملعقة صغيرة بهارات ثم قطع اللحم وتقلبونه على النار .
- تضيفون 3طماط مطحون وكذلك ملعقة من صلصة الطماط واذا تسبك نضيف الماء و3 اعواد دارسين ( قرفة ) وحبة ليمون اسود وملح وتضيفين بعدها نصف كأس جريش مغسول وخليه يطبخ تقريباً ساعة بالقدر العادي ونص ساعة بقدر الضغط وبعدها تكون الشوربة جاهزة .





سمبوسة عجين باللحم المفروم

مقادير العجينة :
3كأس دقيق
نص كأس زيت
ذرة ملح
ماء للعجن
بيضة

الطريقة :
تعجنون المقادير وتتركونها مدة نص ساعة عشان ترتاح وبعدين تفردونه وتقطعونه اقراص وتحشونها بحشوة السمبوسة وتسكرون العجينة زين بيدينكم وانتم تضغطون عليها عشان ما يدخل به زيت وتقلونه بالزيت الحار

الحشوة :
2بصل مفروم تحمسونه على الزيت بالقدر وتحطون عليه اللحمة المفرومة وتقلبونه وتضيفون الملح والفلفل الأسود والبهارات إلين يستوي وبعد ما يبرد تحطون عليه بقدونس مفروم أو كراث مفروم وبيض مسلوق مقطع .





المطازيز

العجينة :
4كاسات دقيق بر ( أسمر )
ماء للعجن
رشة ملح إن لم يكن العجين مملوحاً
وتعجنون المقادير بس أهم شي ما تكون رقيقة ولا قاسية تكون وسط يعني جابزة نقدر نطززة.
إذا ارتاحت العجينة تقطعونة دوائر صغيرة وإذا فردتوه باصابعكم تصير مثل حجم البيالة وتنشرينه العجين على المفرش الخوص .



المرق :
2 بصل مقطع صغار
بصل صغير مقشر يحط على عدله بالمرق
لحم مقطع وسط وبالعظم
وطماط مطحون
ليمون اسود عدل
اعواد دارسين

الخضار :
( الموجود عندك بالثلاجة )
بس المهم واللي لازم
قرع – كوسة
واللي ممكن نستغني عنه
اللوبا – الجزر – باذنجان – فاصوليا – فلفل

الطريقة :
- يحمس البصل ويوضع عليه البهارات واللحم وتقلبونه سوى ثم تضيفون الطماط وتتركونه لين يتسبك وبعدها تضيفون الماء المغلي والدارسين والليمون الأسود ويترك على نار متوسطة مدة ساعة ز
- حطوا الخضار الموجود عندكم
- وبعدين تحطون العجين اللي فردتوه ( المطازيز ) بس انتبهوا لا تحطون العجينة فوق الثانية لا إذا انغمست الأولى حطوا الثانية وهكذا .
- وانتبهوا لا ينشف ماء المرق تماماً عشان ما يتلبد العجين فوق بعض ويصير عبيطة لا حلاة المطازيز بمرقته
- اتركوا المطازيز مع الخضار واللحم على نار هادية تقريباً من ساعة إلا ربع إلى ساعة .
- وعند نكب المطازيز شيلوا اللوبا ثم انكبوه بالتبسي الغرش وحطوا اللوبا على الوجه



حلى السفرة



المهلبية

المقادير:
8ملاعق حليب جاف ومثلها سكر ونشا
ماء

الطريقة:
اخلوا المقادير كلها مع بعض وحطوه على النار إلين يصير حار ويخثر الخليط وبعدها صبوة بالصحون .





وبعد العشاء نسوي الشاهي المخدر بهذاك الأبريق اللي يعدل المزاج



طبعاً الشاهي ما يبيله مقادير كلن على حسب شهوته

وعليكم بالعافية



بس لا تنسون تدعون لي أنا لأني تغربت عن اهلي ورحت لديرة جدتي حتى آتيكم بكنوز من الأصناف التراثية

تحيته عطرة <<< مسروقة :خجل:

هههههههههههههه

[ملكة]

يازينك

يا سارهـ

وربي كني بالقصيم هذاك المطازيز وشوربة الحب


الله يسعد ايامك ويعطيك العافية على هالسفرة الرائعة

ولاتنسين سلمي على جدتك هههههههه

[سارهـ]

الله يسلمتس ياملكتنا

بس ما ادري انتي تعرفين لأكلات النجدية

ياخوفي تطلبين الفول والبف والمطبق ووووو

وانتي جاية من جدة

وحياتس الله

[المؤمن بالله]

مشكورة سارة

<<<<<<<<< صار عنده معلومات عن بعض الأكلات النجدية

جميل جدا انه الواحد يعتني بتراثه الغذائي





هذا الابريق تحفة

بس انا عارف جدتم تسوي وانت تصوري يعني شغلك نظري

هههههه


اخوك

[هـمـْـْ الغلا ـْـْـس]

ســوسـو..

شــوقتيني للقصيم وآكــل جدتــي .. :زعلان:



تسلمين وربي ســفرهـ ولا آحــلى,,,

[جواهر عبدالله]

تسلمين يا سارة

وسلمي لي على جدتكـ .

[؛؛ ريـــم ؛؛]

ساره

؛
ماشاء الله سفرة ولاأحلى ....
وخاصةً المطازيز .... باين عليها لذيذة ..!!

تسلمين يالغالية ..
وتسلم ايديات جدتك الله يعطيها ألف عافية ..

دمتي بصحة وهناء ....

[الدندووووونه]

ساروووونه

الله يعطيك العافيه....

وبلغي سلامي جدتك اللي شاركتنا اليوم.... الله يخليها لك,,,

[خيال مآتا]

[align=center]مباركـ

ملكه

النتحديه

سارهـ


أطباق ولاألـــــــــــــذ ...كل مائدهـ ولها تميزها .....

الف شكر لكم .....[/align]

[سارهـ]

مشكورة سارة

<<<<<<<<< صار عنده معلومات عن بعض الأكلات النجدية

جميل جدا انه الواحد يعتني بتراثه الغذائي





هذا الابريق تحفة

بس انا عارف جدتم تسوي وانت تصوري يعني شغلك نظري

هههههه


اخوك

أهم شي المعلومات يالمؤمن


والأبريق نأجرة بـ 10 ريال


حرام عليك والله اني مسوية الطبخات كلها