سرياقلم واكتب لنا قاف ممتاز .. ورد الشاعر بندر بن براك الميموني

[عبد المجيد بن عريج]

السلام عليكم ورحمة الله وبركاته

هذي قصيده مسندها على الشاعر / بندر بن براك الميموني ااتمنى ان تنال على رضاكم ..



[/color][/center][/font][/size]

السلام عليكم ورحمة الله وبركاته

[poem=font=",6,black,bold,normal" bkcolor="transparent" bkimage="" border="ridge,4," type=2 line=0 align=center use=ex num="0,black""]
سر ياقلم واكتب لنا قاف ممتاز=لاهل الشعر والبدع قاف امتيازي!!
من هاجس بالشعر مبدع ومنحاز=دون القبيله لابدا الضد غازي!!
تاريخها سجل لها مجد وانجاز=ومتوجه تاج الشرف والعزازي!!
اللي لها في حزة الحرب ملكاز=يشهد لها نجد العذي والحجازي!!
حطولهم في نجد مطلع ومركاز=وجبالها تشهد لها بالمغازي!!
مالزنا في ملكز الخيل لزاز=على العدو سم ذحاح وقازي!!
عدونا يصبر على النار والقاز=ورفيقنا ماذاق غبن ومهازي!!
وياراكب من عندنا فوق فزاز=شد البريمي من جديد الطرازي!!
عليه بواج تقرنس ولاجاز=ضاري على قطع الخلا والمنازي!!
ماهوب مثل اللي يطيح بتغراز=ولا علق الريشه باقرب جهازي!!
يلفي على روس مطانيخ وعزاز=عيال بن مداد ربع عزازي!!
تاريخهم صافي مصفى بشيراز=صوارم فيها الفخر والمفازي!!
يفداهم اللي بالمخاليق هماز=هبوٍ عن اهل الطيب جاب المخازي!!
يشرح حياة اللي تلعوز تعلواز=عينه لها عن لذة النوم قازي!!
دنيا بابن براك فيها ستفزاز=دوراتها تخلف ثقيل المرازي!!
اللي غدت بشعيل لديار الاهواز=من نقعة الشملان راح البرازي!!
امه عليه من الغبن دمعها افراز=شفت الزمن وشلون فيها يجازي!!
ياقل فيها من الفرح والتعزاز=وياكثرفيها من صدوف وتعازي!!
البوم متوشح على ماكر الباز=متقلد وشاحه بروس النوازي!!
والضلع عنه الذيب مقفي ومنخاز=تماكنت منه السلق والجوازي!!
حدت عزيز ماتردى بمعتاز=حدته لدروب الردى والملازي!!
اللي ليا عدوه لطيب حواز=دنيا مراجلها على نقوش غازي!!
حطو عليه من المناقيد برواز=وصفق يدينه بين خاز وبازي!!
واصبح مابين الناس ضايع ومنحاز=يشوف من وقته كثير الحزازي!!
ماني وانا بن عريج للمال كناز=اليا نصى ديواننا كل عازي!!
وارسلت خط يم بندر على أز=حيثه ولد عود ٍ بعيد المغازي!!
بندر ولد براك حلال الالغاز=ماهو من اللي حزة الضيق وازي!!
عل وعسى يلقى لنا حل وايعاز=وانا انتظر رده على نار قازي!!
وصلاة ربي عد مادن نقراز=على شفيع الخلق من كل وازي!![/poem]

وإليكم رد الشاعر/بندر براك الميموني ..........

[poem=font=",6,darkred,normal,normal" bkcolor="transparent" bkimage="" border="none,4," type=2 line=1 align=center use=sp num="0,black""]
سر ياقلم في طاعة الفكر بيجاز=مافي طويلات العلوم انفرازي
وابشر بهجسن للفريدات فراز=بيته حجر ماجاب بيتن قزازي
ماهو من اللي وضعهم دوم هزاز=عند اللزوم بطيب الفال فازي
دون الحقوق واجب الربع فواز=ماهام مع فيروز ولا عزازي
يفخر بفعلن ماهو بفعل خراز=فعلن من الافعال ماله موازي
فعل الجدود اللي للامجاد حراز=اللي يزودنا شرف واعتزازي
نكحل عيون من السطر كل خزاز=وصحيبنا ينشى على الارتزازي
وحنا هدفنا لنواميس مركاز=ولطيب الفرصه ولدنا انتهازي
وانا لمذخور المناعير كزاز=من فوق جيبن مايهاب الغرازي
اللكزز اللي فاق تايوته وماز=ومنهو تجرا يقهره صار خازي
من هيبته كمن فطر كبد قزاز=ومنه المواتر مكتسيها ابتزازي
يرجع بردي يم راع الوفا داز =لبن العريج اللي عليه اعتنازي
نسل الرجال مخضبة كل جراز=روس مع الطلاة فيها التزازي
لعلهم يبقون مذرا ومعناز=لهوينن وقته غشاه اهتزازي
وقله دوا دعواك في فتوى ابن باز=من يلزم الدين النقي مايهازي
يعيش راضي قلب لو فوق معكاز=الراحه بقلبه والاعداء تنازي
ويصبر ولا يظهر عيون التنرفاز =الصبر يعطي لسعاده جوازي
ويم العلا يصبح للكمان نقاز=حتى الخطر يعلن له الاجتوازي
ولا ينظر لمن حرقه لاهب الغاز=ينظر لزيزومن للمجاد حازي
واللي كشفته كاشفينه بلا ابراز=ونعرف عدود السحب والارتوازي
صحيح بالدنيا متهات وخناز =ولا فيه شهمن راضين بالخنازي
لكن به قله للثقال جّهاز=عقب الامام الفيصلي وابن بازي
شوخن مواقفها كما ضلع حراز=ولا حسبو للمرخمه والطنازي
ياطون غارب كل غامز ولماز=ويثنون بالقالات دون احترازي
ولا يلتفت للبهرجه والتطناز =الا الذي وقت الصعايب يزازي
الحر ماهو بالمهمات عجاز=يشهر ويحسم للامور بنجازي
وانا عوينك كان صادفك حجاز=وفك مندوبك من الاحتجازي
حاضر بمال وفكر صافي ورزاز=ولا خير في هرجن بليا ارتكازي
تمت وحنا لصعيبات نجتاز=لوهي على مليون آزن وآزي[/poem]


وسلامتكم

[أبوعبدالرحمن]

صح قلبك وكلك

وسلمت اناملك

جزله ومن شاعر جزل


تحيتي لك

[خالد النفيعي]

صوت وصدى رايعين من شاعرين متمكنين في النقض والفتل