اخواني الاعزاءاعضاءالمنتدى الرائع غرابيل
هذه القصيده خاصه لقلوبكم ارجوان تنال على رضاكم
[poem=font="Arabic Transparent,5,teal,bold,italic" bkcolor="transparent" bkimage="backgrounds/27.gif" border="groove,8,teal" type=2 line=0 align=center use=ex num="0,black"]
الهنـوف اللي تكـد المســـك في شقــر الـــذوايب` =درّستـني أغنيـــات الحب والعشـق ولحنـها
علّمتـني كيــف أكــون بطـرفها النعســان ذايــب = وآتحــرى وصلهـا في كل ليـله وأحتــضنها
عيّشـتني بين جمــر الشـوق وظــروف ٍصعـــايب=والسهـــر والهـم والغـربال صـرت أدفـع ثمنها
كمّـلت في زينــها الثـامن على سبـــع العجـــايب=غــادة ٍتاقــف على عـرش العــذارى في زمنها
عينــها عين أشقـر ٍفي هـدته ســــوّى الغـــرايب= صيـــــدته في حـزّة المقنـاص ماللمـوت عنها
وإن تبسّــم ثغــرها قلـت إيـــه:هبّـي ياهـبــايب=البـــرد منثــور فيـه وحــولها جمــر ٍسجنها
كلهـا كتــلة حــلا. مدري غـلا. مــــدري مصايب= الوكــاد إنــي صــويب الحب هــاك اليوم منها
يــوم جت تمشــي وهـي تختــال وجــروحي عطايب= ســوّت اللي ســوته فيني وقمـت أدفــــع ثمنها
يمّـــها من دون قلب وراي شــــــد ّيت الـــركايب=جيتـــــها في مــوعد ٍبالقــرب من سكة وطنها
قلت: يابنــت الحـــلال الحب ماهـو بالغصــــــايب= قالت: أنـت شلــون؟تســــرق قلب من حبك فتنها
قلت: أنــا مسكيـــن غــــرّتني روايـــات الحبـايب= مادريـت إن المحبــــه مهـــرة ٍماأحــد ٍرسنها
لين شفتــك وإعتـــرفت إنــك بعـــد كل القـــرايب= وإنــك اللي قلت ياحــــظ الخفـــوق اللي ضمنها
يالهنـــــوف اللــي تكــدّين الشمطـــــري بالذوايب=علّمــي كل الصبــايا عن قصيــــدتك ولحنــها[/poem]
رد مع اقتباس
[/align]
المشاركة الأصلية كتبت بواسطة سعدالجميلي
