اهدي هذي القصيده لصديقتي العنود

[فهده]

(( العنود))


لا شموخ وكبرياء وأنـف يرقـى للسنـود-والقضيه أكبر أكبر مـن شموخـي وإدِبـي


للجهاله إيه والله فـزت فـي كـل البنـود-والغباء لكل شخـص ٍ مايقّـر إنـي غبـي


أستبّد وكنـي اللـي ماخلـق مثلـه إسـود-لين داور هالزمان وقص خشمـي وشنبـي


إيه راحت وتركتني ويمكـن إنـه ماتعـود-وداست برجله لعانه وجـه قلبـي وأهبـي


وكرّمتني فوق نزفـي وشكرتنـي للجهـود-وقالت إنت وبإحتقـار ودق كفّـه منكبـي


من تكون ومن أكون وطول عمرك لو تسود-ماربطني مع شتاتـك إلا يمكـن مذهبـي


حمّلتني فوق وسعي وأكبر حلولي صمـود-والصمود لغير موقف مثـل هـذا مطلبـي


وطحت كني في مكاني شي تافـه مايكـود-حتى أرض ٍ إحتوتنـي ماتحفّـت بركبـي


كني اللي حاصل ٍ له دعوة ٍ من قلب عـود-وافقت له إستجابـه وإستـوى لـه مايبـي


وش عليها يوم راحت وتركتنـي للشـرود-وشبّت النار بيدينـي وإستعانـت بحطبـي


وش عليها يوم سـوّت إحتفـالات الهنـود-ورسمت رمز الضحيه فوق عيني وهدبـي


وشكّلت قلبـي طبـول وقدّمتهـا للحشـود-وإستعانت في حلاها وإستقالـت منصبـي


وإستلذّت صوت قلبي لا تعلاّ صوت عـود-وإستغلّت كـل درب ٍ يـم رومـا وتعبـي


ليت وقت ٍ قد مضى لي قبل حرمان الصدود-يغدي الدرب ويجيني أو أجي له لو حبـي


يوم فوحي من غلاها ريح مسك وريح عود-وإن سكت لغير قصدي قالت آمر وش تبي


نقهر عبله عليهـا وسـط طيّـات العقـود-وأقهر العبسي بحب ٍ دون سيف ومشعبـي


لامشتني مع دروبي وأصعب دروبي حسود-كن قلبه قلب ذيب ٍ وسط جوف ٍ في ضبـي


ترسم بريده بكفـي مالهـا حكـم وحـدود-وأنثر الطايف عليهـا بالقصيـد المغربـي


كرّهتني في حياتـي وأنكرتنـي للجحـود-يوم فازت في ضياعي وإستملّـت ملعبـي


إرجعي لي لو سمحتي إرجعي لي يالعنـود-دام قلبي يوم رحتي في ضلوعـي مختبـي


مايفيد الحـال بعـدك لانيـاف ولا خلـود-وش يسوّي كل مكسب دامك أنتي مكسبـي


إذبحيني لو بغيتي وإلغي إسمـي بالوجـود-وإكتبيني تحت عطفـك دام بيـدك مخلبـي


وكان خفتي مـن خيانـه قيّدينـي بالقيـود-وعقّدي لي تحت نمله وسط غار ٍ مرعبـي


ماعليّ من الملامـه والاهانـه لـو تـزود-والرجولـه مانبيهـا لا نويتـي تقـربـي


واجد اللي يحسبون الحـب تفتيـل الزنـود-ظافرين وكل واحـد بنـت قلبـه تنسبـي


الدعايه دبلجتهم من شمـوخ وبيـت جـود-في بحور ٍ لو تبعته كـان يغـرق مركبـي


ماعلينا إرجعي لي لـو سمحتـي يالعنـود-دامك أنتي أكبر أكبر من شموخـي وإدِبـي


وصدّقيني لو يحول الوقت دونـك بالسـدود- ما أنكر إنك يوم رحتي طحت واثق بركبي



















لا تفرحين كثير هذي قصيده :icon_frow لياســــــــــ التويجري ـــــــــــــــــر

[فارس انا]

حلوه منك
ومن
ياسر التويجري

[خــــالـــــد]

[align=center]
ذيبة عتيبة
.
.

يعطيك العافية أختي

وماقصرتي

نقل جميل





أخوكـ/خالد[/align]

[عبد العزيز سبيل الحربي]

صح إلسانج وصح لسان شاعرها

يالــذيــبه

....


قلبي معى برقا وروحي معى روق..... واسهيت انا ياروق عن شوف برقا

[ღ نـدى القـمر ღ]

صــح لسانك

مشكورة ذيبة عتبية

[أبو ســـعــــــود]

صح لسانك

[فهده]

انصحت ابدانكم

[Зβтђ ●~]

مـرـآآ مـرـآآآ
روعهــ
صح لسـآنكـ ..

[فَيِصَلْ الَرْاشِد]

[ALIGN=CENTER][TABLE1="width:80%;background-color:black;border:2px solid burlywood;"][CELL="filter:;"][ALIGN=center]
[align=center][mark=#090900][bor=#0C0C08]
[align=right][align=center]مرآحب[/align]
[align=center]
:

صح لسسسآنه ,,

وتسلم يدينكـ ,,

.,.


:

[/align]
[align=center]

على دروب الخير نلتقي أحبه ...!!
دمتم بخير وود ...!!
Fâi9âL
[/align]
[/align]
[/bor][/mark][/align]
[/ALIGN][/CELL][/TABLE1][/ALIGN]

[يتم]

؛

فهدة اهداء راق ياراقيه ..وياحظها تلك العنود


ودّي



.

[هَذْيَّان]

.



فَهْدَة
وهل نملكُ إلاّ نفعلها ، لذيذة فَكيف لانتذوقها
طِبتِ يا شِغاف الرُّوُح

.