[poem=font="Simplified Arabic,5,burlywood,normal,normal" bkcolor="transparent" bkimage="http://www.sfsaleh.com/vb/images/toolbox/backgrounds/21.gif" border="double,4,darkblue" type=2 line=0 align=center use=ex num="0,black"]
تاج الغلا....
تمنّي والغلا تستاهلينه يانظر عيني=رخيص..أغلا طلَب لأحلا ملاكٍ لو تكون العين
تقولين آتمنّى ياعيوني..لأجل ترضيني=أنا راضي.. ولا عندي مهمّ الاّ معي ترضين
وأنا يابسمتي..لاتكْلَفيْن وْ لا تمنّيني=حشا كيف آتمنّى ياهوى..وانتي معي تكْفين
كذا..كنِّك تحدّيني على دينٍ مهُو ديني=أنا لو بااتمنّى يعني انّه غير ديني دين
أبيك لحالك..أنت اللّي بدون الناس تكفيني=غناتي..والمناوي لا تجيبي ذِكْرها تكَفين
أحبّك من قصا جوفي..ومن جوفك تحبّيني=وِشْ أغلا من كذا..ياغالية بعد الغلا تغْلين
خذيتي بالوفا..تاج المحبة..في دواويني=وفازت بك دواويني..ولا كنتي بها تدرين
ظميتك..ياعسى بعد العطَش..لا جيت ترويني=مِثِل ما جيك وانتي ظامية..وبشوفتي تروين
بالأوّل.. في اليدين أيْديك..هاتيها وضُمّيني=وأضُمِّك في النهاية..واليدين آضُمّها بأيدين
مادام انت الذي فازت وصوفك في نظَر عيني=تفضّل..واِستلم تاج الغلا..ومنَصّتِك بالعين
وسلامتكم جميع...
علي عبدالرحمن الاسمري[/poem]
رد مع اقتباس
