[align=center].
.
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
مر السحاب ولاامطرت لك سحابه=لو سابقات الريح تقرع لك طبول
الوادي اللي سيلنا قد جرى به=من سالف الاعوام ماهوب منزول
ياحادرن وادٍ كثير الذيابه=لاتقربه والقلب بالهم مدهول
صك اعتراف وشايعات الاصابه=صفقه وتمت بين جاهل ومجهول
جوها بني عمي وراحت طلابه=واللي عليه الدم ماهوب مقتول
رح بلغ اللي ماغزا في شبابه=قله ترى ضدك صناديد وفحول
مايفزع اللي خاضعن للرقابه=الموت موت الذل والظفر مشلول
اثر الاصابع كلبوها تشابه!!=والحكم مردودٍ على كل مسئول
واللي يرد العلم يشرب شرابه=خله يسطًرها على العرض والطول
لوحطًها مابين ضرسه ونابه=مغلولةٍ والقيد بالعنق مغلول
ان ضاقت الدنيا بتلقى رحابه=لالا تعرضها لعاذل ومعذول
ولاعاد تربطها بحكم القرابه=الوقت فات وخط الايام مشغول !
قلبٍ على الصكات صكيت بابه=ماعاد يغريني من الهرج معسول
هذا نبا فكري وهذا جوابه=قد جاك من بنت الرياجيل مرسول[/poem]
ملاك الشعر[/align]
رد مع اقتباس
المشاركة الأصلية كتبت بواسطة ملاك الشعر
