[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
استاذنك برحل من الدنيا وانام = واسري مع الاحلام يمك واحتريك
طيفك لفاني وانتهض طير الغرام = يكفخ بجنحان الهوى مني يجيك
احن لك مليون مره بالتمام = عديتها في ظرف لحظه تقتفيك
عشرين عام اعشقك يا عشق الغلام = اللي هواك ورغبته دايم تبيك
عشق الطفوله ما يعدي والسلام = واحد لوحده لا خليط ولا شريك
ودك تشوف الحب في ازهى مقام = شفني اجيك من الهوى منك اشتكيك
طال الزمان وزاد بالصدر الهيام = والحب ياصل ذروته ثم يبتديك
قريت اسمك فـ.الخلايا والعظام = والقلب كله تحت اوامرك بيديك
بقول لك كلمه قبل اسهى وانام = ولا قبل اسري مع احلامي واجيك
ارفق علي ان كان ياصلك الكلام = الله يرحم والديّ ووالديك
[/poem]
رد مع اقتباس
المشاركة الأصلية كتبت بواسطة عبدالعزيز العضياني
