السلام عليكم...
مشكلتي غريبة ومتعبتني. .. متزوجه وعندي اولاد والحمد لله واعمل مدرسة... دائما قبل السفر أكون مبسوطه ومتحمسه وفرحانه اني باسافر وبغير جو واتأمل بهذا السفر ان ارتاح من ضغوط الحياة والعمل، لاكن قبل السفر يبومين احس بضيقة في صدري وأني اريد ان ابطل عن السفر مع العلم اني انا اكون طالبه السفره. ولما اوصل للبلد المسافره اليه ينزل علي هم الدنيا لا أكل ولا أشرب ولا اقدر أنام دائما قلقة وجلة احلامي كلها مزعجة وكوابيس. المهم اتحمل 3 أيام وأكتم واحاول اتحمل عشان زوجي واقول ماله ذنب انغص عليه سفرته الرجال جاي يبغى ينبسط واقعد أعد الايام متي تنتهي اذكرالله واصبر نفسي بقراءة القرءان والصلاة واتعوذ من ابليس و لاكن بعدين خلاص ما اقدر اتحمل واصير دايم ابكي واطلب من زوجي انه يرجعني لبلدي وأتأسف اني قلت ابغى اسافر وانها آخر مره اسافر فيها مع ان الفترة تكون بسيطة جدا ما تتعدى 14يوم فقط ، مره رجعنا ومره الثانيه تعبت قليل جدا بس كملنا وانبسطت .. وفي سفرتي الاخيرة كانت 10 ايام بعد كم يوم رجعت وزوجي كمل السفره ومارضى يرجع معاي .. رجعت لوحدي مع اولادي وانا ضايق صدري عليه لاكن ما قدرت اقعد اكثر. مع اني قلت باكمل وبضغط علي نفسي عشانه وضليت يومين بس ما قدرت اتحمل ماانام ولا اتركه ينام ولو بينزل الاستقبال اشيل بناتي وانزل معاه وهو شويه يهديني وشويه يشد علي ويلومني عشان اهدأ ..كنت احس اني باموت وما راح ارجع لبلدي وما اقدر اسيطر على تصرفاتي واشعر بالضعف ويزيد حالي سوء من ارجع للغرفة في الفندق اتأزم اكثر واحس اني محتاجه لزوجي وخايفه واريده دايم جنبي .. المهم حجزلي نفس اليوم الخامس ورجعت ( مع العلم ان يكون ودي اقعد استمتع وازور اماكن موجودة في بالي بها البلد). مع انه ما قصر طول ماأني تعبانه يقرأعلي ويحاول يهديني ويقول لي احمدي ربك انك بصحة وش حال هالمغتربين عن بلدهم للعمل اذكري الله وتصبري ويطلع وياي ويقول لي وين راح نروح ويحاول يقنعني ان راح ننبسط لاكن ما يفيد حتي واني بره الفندق يبان علي الحزن ولا يكون لي خلق سوق او ترفيه او اي شيئ ينعفس حالي فوق تحت.. وما تنتهي المشكله بمجرد ان ارجع بل تستمر الكأبة معي فترة ما احب اطلع او اشوف احدوما احب احد يذكر السفر قدامي ودايم قلقه ومضايقة من الوضع ومن نفسي وابكي واسأل نفسي ليش بس اني يصير معي كدا واتحسر علي المكان اللي رحته بس مجرد التفكير فيه يجعلني اضطرب وانهم.. احس ان في شيء غلط ..الوضع مش قديم تكرر معي في آخر 3 سفرات ومن قبل كنت عادي وسافرت مع زوجي والوضع عادي ومع اهلي من قبل عادي بس في الفترة الاخيرة (قبل 4 سنوات).. بدأت ها الحالة تجيني في السفر ., مع العلم اني سافرت حوالي 4 مرات سفرات قصيرة لدول قريبة 3-4 ايام وحجيت كان عادي وما صار لي شيءوالسفرة ولا احلى ننبسط فيها كثيرا.. يعني اي بلد بعيد اسافر لهتجيني الحالة بس مكان قريب كم يوم يكون عادي ؟؟ طبعا مستحيل انا قول اريد اسافر بعد اللي صار ولا اتوقع ان زوجي راح يجازف ويسافر معي وانا على هالحال.. نفسيتي جدا تعبانه ودايم افكر في حالي مش عشاني فقط بل عشان زوجي هو يحب يسافر معي ومع الاولاد بس على هالحال صعب جدا.. ارجوكم ساعدوني. اي اخصائي نفسي او احد مر بنفس التجربة يرد علي ويعطيني الحل.. سامحوني طولت عليكم...الله يجازيكم خير ويبعد عنكم كل مكروه.. :icon_roll