السلام عليكم ورحمة الله
كل عام وأنتم بخير وتقبل الله منا ومنكم صالح الأعمال
قصيدة عاجلة أخص بها الشيخ حمد بن ثاني أمير قطر
يضيق صدر الكون من فعل الطغاة= وتبكي جبال الأرض من صمت اللئيم
في وقت تركيع الأوادم للولاة= لا لا تحرى وقفةً لجل اليتيم
إلا من الي ذكر ب وصوف الدهات= أقصد سليل المجد من عصبة تميم
حمد حمد مروي الكبود الضاميات= زبن الضعيف الي سرى بليلً بهيم
وافي يبو مشعل زبون الكايدات= اي والله أنك بالعطى همّال ديم
يوم أن غيرك طاولوا بالناطحات= عديتهم بالفعل يالحر العديم
وقفتك في غزة على عز وثبات= عقب السنين الممحلات الي تظيم
صحّت ظمير أمتك من غمرة سبات= وأهدت لنا بسمه على وجهً يتيم
صحيح ما تنصفك بعض الكائنات= شروى سفيه منافق لسانه عليم
شاف أن فعلك من عداد المعجزات= وشبت بجوفه نار تاكل فالهشيم
لجل يحيا يقتات من باقي فتات= ينقل هروج اتعد من كيد الحريم
اهروج ما هزت ثبات الراسيات= حقدً تجاهله الحليم ابن الحليم
القائد الي وقفته في النائبات= عن وقفة جيوشً لها صوت الهزيم
تكفى يبو مشعل على درعا وحماة= ميّل وخل ضحيّتك راس الذميم
راس الخبيث الي تقل راس القطاة= الي رضع حقد الروافض من قديم
قومً تحب تعيش من فوق الرفات= ما غروا إلا الجاهل الغر الغشيم
واصل وفعل الطيب تنقله الرواة= منصور يالوافي رغم أنف الزنيم
هذا وأبارك لك بعيد المكرمات= ولشعبك الوافي وللفارع تميم
[COLOR="rgb(139, 0, 0)"]وسلامتكم جميع
رابط القصيدة صوتية:[/COLOR]
عرب فور لود لتحميل الصور وتحميل الملفات والفلاش بروابط مباشرة
رد مع اقتباس
المشاركة الأصلية كتبت بواسطة سامي العطاوي
