السلام عليكم ورحمة الله وبركاته
ألأخوان الكرام
بمنتديات غرابيل
أتيت اليكم بدعوه كريمه من الأخ
سعد العتيبي
واحببت مصافحتكم بهذه القصيده المتواضعه
آملا ان ترقى لذائقتكم الراقيه
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياقلب من جرح الهوى ليش تبكي = حلفت بين الناس ياقلب لاشكيك
خابرك قاسي وان شكى الغير تحكي = واليوم أشوفك بين لوعه وتشكيك
ذكرتني ساعات بالطيب تزكي = بين الورود الي عبقها يسليك
زمان يوم الكون بالحب ملكي = أهوى عيون العشق خلف الشبابيك
ياعذق كادي بين قطفات بركي = منك الهوى منساب مافيه تلكيك
ياعود هندي ياعسل نحل تركي = يازهر في جيحون واطراف بشكيك
بكى لي الكيبورد من لسعة الكي = يوم افتكرت أشيالهم والجراجيك
جافيتهم ياقلب واقبلت تذكي = نار المشاعر بين لهفه وتكتيك
ماعذرك ياقلبي ولو شفت ضنكي = حول الجمال أن ملت ماني مزكيك
لك سابقه بين المراعي وفتكي = يومك تكدر من جهالتك صافيك
صغت المشاعر وانت خالفت حبكي = حرّمت ماطيعك ولو ملت لالويك
انت السبب بالهجر وارضاك سفكي = والحين تبغاني بغّيك أداريك
وراك ماطاوعت من قبل سبكي = تقول هذي من دروب الصعاليك
خلك بفكره صاغها نور زنكي = وخل حب القدس جوفك يبكيك
ياقلب هذا همّ للجرح ينكي = كلما ذكرته زار قهره تماتيك
ماعاد لك بالحب ياقلب شركي = ولّى غرامك من زمان المماليك
[/poem]
رد مع اقتباس
المشاركة الأصلية كتبت بواسطة خالد الشليخي
