الرد على قصيدة خالد النايف @@@

[بعيد المراميس]

اخواني الاعزاء

السلام عليكم ورحمة الله وبركاته

اختصني اخي العزيز خالد النايف بقصيده على البحر الهلالي بعنوان الى بعيد المراميس مع التحيه..

اليكم قصيدة خالد النايف والرد عليها


قصيدة خالد :

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الله مـن قلـب ٍ همومـه تضايـقـه =كنـه تحشـش بالشبـاري علايـقـه
من عقب مافارقـت ملهوفـة الحشـا =والنفـس فـوق القبـر دوم متوايقـه
أبشكي وأنا لامن شكيت أبشكي لصاحبي =رفيقـي وماضايـق فـؤادي يضايقـه
أبا أختار يوم أختار خيـرة جماعتـي =دروب المراجـل ماتعوقـه عوايـقـه
أبشكي لبـو جسـار وأنخـاك يازعـم =وأنـا مثـل طيـر ٍ حجزنـه سبايقـه
أبقص قصه قصـت القلـب والظهـر =ودعـاو ٍ كلوبهـا يالعضيـد متمايقـه
أنـا حياتـي صـار بينـي وبينـهـا =شـي ٍ يخلـي دمعـة العيـن سايقـه
أربـع سنيـن ٍ عشتهـا مـع جنابهـا =يازينهـا ياكثـر مـاهـي بشايـقـه
واليوم حبـل الوصـل بينـي وبينهـا =محـرق ٍَ فـي نـار لضـواه فايـقـه
من سبة اللـي جعلهـا دوم للمـرض =وياجعلهـا لعصـارة النـار ذايـقـه
جتنـا بحيـلات ٍ وبأفـكـار كنـهـا =أفكـار مجـرم والطرايـق طرايـقـه
بيني وبين اللي لـو يصيـر ماحصـل =ماأنساه لـو الكـون تطبـق طبايقـه
اللـي أسمهـا مـن طبعهـا مقتبـس =خصلـه حميـده والحـروف متلايقـه
أربـع حـروف ٍ يكتمـل بـه أسمهـا =عليـه قلبـي تصطفـق بـه شفايقـه
واليـوم كنـي بعـد ماذقـت حرهـا =مثـل الـذي فـارق أبـوه وشقايقـه
تكفى يابـو جسـار هـذي طريقتـي =بحر الهـوا صرنـا لـك الله غرايقـه [/poem]



وهذا ردي علي القصيده والمعذره على القصور مقدمآ...


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
خطٍ جذبني فيه ريحة عبايقه=من شاعرٍ جزل المعاني ذوايقه
قريت خطه والهواجس تعاقبت = مع ليلي اللي ماتحرك دقايقه
من فيض هيض شعور والشعر موهبه= وماكل من غنّى جنا من عذايقه
جاوبت صوت اللي عشق شرّد المها=عشاق واونس ماونسه من عشايقه
يشكي علي الحال ولا حلّ لـمشتكى=يفرج همومه من يدبر خلايقه
ارضه من الفرقا مقنتن عجها =وسماه فيها البرق لاحت شعايقه
اربع سنينٍ ذاق فيها ملذته=سهمه على الجوزا والمرزم يتايقه
سمعت شكوى مجربٍ جرب الهوى= جرب توافيقه وقـِــلة وفايقه
يبيني افزع مير يبشر بفزعتي=يبشر بفزعه تبتل بها رمايقه
وان كان يبغى المال يبشر بما نملكه=عونه على جور الزمان ودرايقه
وان كان يبغى الجاه جاهه وعزوته=بخـيرة بني عمه وخيرة صدايقه
لاكن ياخذ من رفيقه نصايحن= من خاطرٍ تـظـِـهر خفاته حقايقه
مايامن الوقت من عينه مرايته= الوقت محدٍ وامنن من بوايقه
والا الرجال جمال كلن وهمته= من شال حمله شال فوقه وسايقه
والصدق بادي خير في كل معتلي=والكذب مثل اللي تنادي سرايقه
والعين ساس الود والقلب مدهله= والوصل بذره والحنايا غلايقه[/poem]


وسلمتوا


اخوكم

بعيد المراميس

[فهد الروقي]

صح الله لسانك يازعم وقصايدكم طيبه وأنتم طيبين.. تحياتي لكم

[بعيد المراميس]

صح بدنك يافهد وانا اخوك

ومشكور على هذا الحظور الطيب

[محمد الروقي]

ابوجساااااااااااااااااااا اااار

صح لسانك مليار ومليار

ياشاعر الشعار ابدعت يالغلا لك تحياتي

اخوك محمد

[مشاعر حالمه]

صح لسانك يازعم وصح لسان خالد ..ولاهنتم يالطيبين ..


تحيتي لكم / مشاعر حالمه ..

[خالد النايف]

أخوي الغالي زعم كفوا والله وتقول وتفعل وبيض الله وجهك


وصح لسانك مليون ولايكفون أنا أشهد إنك رديت وأوفيت يالقرم


والله ظاع مني حتى الكلام وقصيدتك لو أقول فيها ما أوفيتها


حقها .


تقبل تحيات تلميذك خالد النايف .

[أبوعبدالرحمن]

سمعت شكوى مجربٍ جرب الهـوى
جـرب توافيقـه وقِـلـة وفايـقـه
يبيني افزع ميـر يبشـر بفزعتـي
يبشر بفزعـه تبتـل بهـا رمايقـه
وان كان يبغى المال يبشر بما نملكـه
عونه على جـور الزمـان ودرايقـه
وان كان يبغى الجاه جاهه وعزوتـه
بخيرة بني عمـه وخيـرة صدايقـه



عيني عليك بارده يازعم

وصح قلبك وكلك

رد رائع لقصيدة رائعة

امتعتونا جميعا

تحيتي

[فيصل بن بدر العتيبي]

صح بدنك يابو جسار عدد بالامدد

عز الله رائعة بروعت قائلها

وصح لسان خالد

لقد امتعتونا بهاتين القصيدتين

الرائعتين

تقبلوا تحياتي

[سعد المسعودي]

أبوجســـــــــــار ،،،

جزل ،، وهذا ماتعودناه بقرائحك الجزله ،،،

لاهنت ،، وألف صح لسانك ،،

وخالد النايف ولمعرفتي بهذا الرجل شخصياً ،،

يتمتع بجزالة مايكتب ،، فله كل تقديري وأحترامي ،،


ولكم كلاكما أجمل التحايا

أخوكم الدائم : الحرالأشقر

[ليــن القســا]

صوت وصدى ...في منتهى الروعة ...

[مهدي بن مسفر الحبابي]

أخوي زعم الغنامي

صح لسانك وبيض الله وجـهـك

صدى جـزل ورداََ على صـوت جـزل شاعرين رايعين وقصيدتين فوق عبارات المديح

لك فــااااائق احـتـرامي وتـقـديري

[صالح الروقي]

مبدع يازعم

صح قلبك وكلك

ولك مودتي

الروووووووووقي

[محمد السليس]

استاااذي العزيز والغالى ابو جساار

انت الرجل اللذي تعلمنا منه الشعر يشهد الله


صح لسانك مليار ومليار

ياشاعر الشعار ابدعت

ولاهاان خالد الناايف وصح لساانه وبيض الله وجهه

[حمد الشدادي]

صوت وصدى

وراوائع هلاليه

وشعراااء كباااااار

الله لا يضركم

برايفت زعم

عسى عيني ما تبتسيكـ

[نياف العتيبي]

بعيدالمراميس


بيض الله وجهك

انا اشهد انك وفيت

صح لساااااااانك


ولاهنتتتتتتتتتتتتتتتت


الناااااااايف