اعود لكم اخواني بهذه الحروف علها تكون اوفى اعتذار عن غيابي القسري عن ربوع منتداكم الجميله ....
[poem=font="Simplified Arabic,5,darkblue,normal,normal" bkcolor="transparent" bkimage="backgrounds/33.gif" border="double,4,gray" type=2 line=0 align=center use=ex num="0,black"]
ليلة البارح خيال من خيال = عشرة كانو وانا كنت وحدي
ستةً منهم تغطو بالشيال = واربعه حطو خناجر بجسدي
ارفعوني من يمين ومن شمال = لين طاولت الظلام السرمدي
كني اصعد فوق هامات الجبال = لين ما سهيل اليماني والجدي
كلهم مني خذو نفس الخصال = واحدٍ يفنى والاخر يبــــتدي
لين جـــــينا ربوةً ذات جمال = تسحر الانظار بالزهر الندي
ثم اتينا بعدها قـــفراء رمال = لافحات سمومها زاد جهدي
فجلسنا بيــنهن جـــالٍ وجال = بالحياد ودون محدن يعتدي
واسئلوني كلهم نفس السؤال = واحسب اني للاجابه مهتدي
الغياب اللي علينا اليوم طال = طال واشتقنا لوجودك سيدي !!!
قلت هانت كانها كانت ليال = بحتسبها من عنا وقتٍ ردي
مامشيت الا دروب الارتحال = يحتضر يومي على رجوى غدي
ابتعد حلمٍ ينادي لي تعـــــال = ضاقت اماله يعشمها اصمدي
فارقتني بدمعها كحلٍ وسال = دون ما اجدد معاها موعدي
اتظاهر بالجفاء ولسان حال = اني ادعيها وانا اقول ابعدي
راحت ولالي عن الفرقا مآل = وش اسوي دامه اسُقّط في يدي
ما بقى لي كود طيفٍ من خلال = حلم عابر زارني في مرقدي
وادعوني وانتهت رحله خيال = عادت حروفي وانا عدت وحدي
[/poem]
رد مع اقتباس
[/align]
