السلام عليكم ورحمة الله وبركاته ،،،،،،،
راح ادخل فالموضوع ع طول وهذي الطريقه سهله ورووعه لكل ست بيت واتمنى تعجبكم
المقادير والطريقه /
أولاً : طريقة تتبيل الدجاجه ..
الدجاجه بعد التنظيف وتبليها بربع ملعقه صفارالزعفران وربع ملعقه ملح وملعقه بهارات قصيميه وملعقتين زيت ودهني الدجاجه فيها وحطيهاعلى جنب..
ثانياً : هاتي صينيه تكفي اربعه اشخاص وحطي فيهاخمس حبات هيل واربع عويدي وحبه كبيره قرفه وملعقة ملح وكاستين رزطويل الحبه واربع كاسات مويه وبعدين جيبي قدر وحطي فيه زيت حاولي تزودين الزيت وبصل مفروم حبه ونص ملعقه كمون مطحون واحمسيه الين يحمر وبعدين اضيفيه للصينيه وغطي الصينيه بقصدير واحكمي اغلاقها وبعدين سوي فتحات صغيره ومتباعده عن بعض في القصدير وحطي الدجاجه فوق القصدير وارجعي غطي الدجاجه بقصدير ثاني وحاولي تثبتي القصدير بحيث مايطلع البخار لبراوحطيها في الفرن الكهربائي من فوق وتحت واحسبي لها اربعين دقيقه وبعدين شيلي القصدير الي فوق الدجاج وخليها تتحمر من النار العلويه وخلال هالفتره حطي جمر على النار الين يحمر وجيبي صحن معدن صغير وحطي فيه شوية زيت واذالقيتي الدجاج حمر شيلي القصدير عن الرز وحطي الدجاجه على الرز وجيبي الصحن الي فيه زيت واغرسيه في صينية الرز وحطي الفحم في صحن الزيت وقفلي عليه الفرن بعد ماطفيتي الفرن****..
على فكره مافي داعي تحطي زعفران على الرز لأن الزعفران اللي على الدجاج مع البخار ينقط على الرز مع الفتحات الي عاملينها في القصدير..
وبعدها سوي السلطه الحاره واي سلطه تحبيها وبالهنا والعافيه ..
رد مع اقتباس
