المشاركة الأصلية كتبت بواسطة سيف الاسماء
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ما عطيتك من غلاك إلا غلاك = من بقايا الذاكره بعيني رسمتك
منظـر السكر على جمرة شفاك = ليتيني هب النسيـم ليا لثمتك
عـاد بي تيــار في عالي سماك = و امتلكت به الملامح اقتسمتك
يوم عطـّر صبح موعدنا مساك = من جمعتك بعثرة شوقٍ نظمتك
اذكـر إن الشوف ساعة احتواك = نظرته بكل التفاصـيل التهمتك
تذكرين عـيـوننا بحــالة عراك = وكل ما ظـنيت ظن اني هزمتك
نصّبت بالسلهمة رمشك شراك = خطة عيونك وهي كلما حكمتك
ترمي التـحنان وبنـظـره هلاك = تنتصر حتى لو بنصري حسمتك
واذكر اول شيطنه تطلع معاك = يوم افسر بالهدوء اسباب صمتك
آثرها الرغبة وجنون الامتلاك = كيف ما مر بخيالي ولا اتهمتك
بس عرفتي طيبتي يومي اراك = باندفاعي يوم قلتي لي ذممتك
استفـزيت المشاعر في رضاك = عن حكي نقالة القولات شمتك
قمت اردد جـل سبحـانه عطاك = وبالكلام اللي عن الزله حشمتك
خــربتها هــرجـةٍ تحرج حياك = لا جزاها ساعــةٍ فيها استلمتك
يا حلو يا هيه يالــطاغي حلاك = يا عـديمٍ ما لـقـلبي ليا عـدمتك
خشف ريم بالهوى ياخذ هواك = لك عليك الحب الزمته لزمتك
تذكرين وبعدها ارخيتي غطاك = حينها بعتاب وسط الروح لمتك
بالخفاء اخشى بشعور الارتباك = تحسبيني برقة احساسي وهمتك
اجرحك تدرين تتشمت عداك = وش يطفي نارها بركان كمتك
تذكرين نهاية الموعد هذاك = ليت دمتي دامني بالود دمتك
يا صغير السن مني ويش جاك = ليه تحرمني وانا اللي ما حرمتك
من تنادينا ولبيت لنداك = كلمه للموت لاعطيت احترمتك
كل شي تطلبينه قلت هاك = ما ضجرت ولا زعلت ولا سئمتك
ايه وربي عارف وشو بلاك = سيئات ظنون غير اللي حلمتك
مستوى التفكير ارق بمستواك = لعزمتك ورد للعفه عزمتك
ماهي لمعسل ولا جلسة جراك = عن تفاهتها من اولها عصمتك
لوهي حتى فري حريه هناك = اعرفيني وكلمتي فيها خزمتك
تختلف حتى الاصابع في يداك = ابتسم وتشوفني ليا ابتسمتك
ما عطيتك من غلاك الا غلاك = من بقايا الذاكره حزني رسمتك
[/poem]
رد مع اقتباس
تمساحـً .. وإن جــار الزمـنـ 
