[poem=font="Simplified Arabic,4,black,bold,normal" bkcolor="transparent" bkimage="backgrounds/15.gif" border="outset,10,gray" type=2 line=0 align=center use=ex num="0,black"]
يا بنت لا تطرين يوم الفراقي = والله ما يطري علي يوم فرقاك
أنا على عهد المحبين باقي = ما ظن في نفسي لك علوم تخفاك
أنا من عيوني يبين اشتياقي = وإلا انت يكفيني إمقابل محياك
ياغايتي يا بسمتي يا مذاقي = يكفي مذاقي بس ضحكة شفاياك
اشوف بين سهوم عينك سباقي = في قلب من حبك وفي قلب يفداك
أنا بدوي في نون عينك نياقي = اسرح بعينك واتمتع بمرعاك
اشوف في عينك ربيع العراقي = وآرد وأصدّر في عيونك على ماك
أول عهود الحب سلكٍ دقاقي = لو شدّته يمناي يبقى بيمناك
جمر الغضى بشفاك زاد احتراقي = والليل من كيفك يجي منك برضاك
لا تمنعه من صبح لا غاب واقي = تطري علي بيض النوايا نواياك
حلم الحبيب اللي من الحلم فاقي = متى يجي يوم الوعد بس والقاك
تمشي وكنك بين هالناس راقي = حتى جمال الكون منّك تحداك
إن ضقت كل الكون من جد ضاقي = اللي تبيه إنسان كلما سها جاك
بيني وبينك يالحبيب اتفاقي = إنك تمنّاني مثل ما تمناك
وآخر علومي لو تمنى فراقي = والله لموت وما تمنّيت فرقاك [/poem]