[poem=font="Simplified Arabic,7,darkblue,bold,italic" bkcolor="white" bkimage="" border="groove,10,black" type=0 line=0 align=center use=ex num="0,black"]
][][§¤°^°¤§][][ العمر مره][][§¤°^°¤§][][
أبدأ بسلام ٍ قلبي الصافـي أبـداه
تحيـة ٍ مثـل الـقـراح الـزلالـي
وأنظم كلام ٍبيّن الصـدق معنـاه
قـول ٍ صريـح ٍ بأولـه والتوالـي
واللي أساسه وثقـه طـال مبنـاه
والـرأس يرفـع بالشـرف للمعالـي
والعمر جرّب صحبة أحباب وأعداه
وقلـب ٍ تجاهـل علمتـه الليـالـي
لأهل المعزه كلمة الطيـب مهـداه
من هاجس ٍ يعشـق علـوم الرجالـي
العزوة اللـي وصفهـم مالقينـاه
رجال ٍ على النخـوة تشـد الرحالـي
يوفون بالمطلوب ويمشون بالجـاه
والمال يصخونـه وكسبـه حلالـي
والشين ناله خايـب ٍمـد يسـراه
تقصـر يمينـه ماينـال المنـالـي
شيـن اللوايـا مامشينـا بممشـاه
دربـه متاهـه ضيعـه بالمفـالـي
ودربي أدله واضـح ٍ لانتحينـاه
أمشـي يميـن ولامشيـت الشمالـي
وأحـذر الأقـدام ممـا تـوطـاه
وأقول رووس الشوك درب الجلالـي
وأمرح مع الجولات ولانيب تـواه
والعمـر مـره وأخـره للـزوالـي
وأهواء السفرفي ديار رب ٍ عبدناه
أسلى مـع السجـات لاضـاق بالـي
يطربني المقناص والصيد محـلاه
في خوبة ٍ خضـراء ونـو الخيالـي
ويامحلا المجلاس والنارفي أدنـاه
في جالهـا مركيـن صفـر الدلالـي
وأشتاق أنا لاشفت بيـوت ٍ مبنـاه
بأرض ٍ خلا مابيـن ذيـك التلالـي
طبـع البـداوه طبعنـا مانسينـاه
والباديـة أصـلا ً لجـد وخـوالـي
وطبعي هواوي والدنس ماوطينـاه
وأصون خلّي كـان خلّـي صفالـي
وأن شان قلب الزين شانت حلاياه
لـو أن مالـه بالحـلايـا محـالـي
وأخير منها رحمة الله ولقياه
يارب لطفك ياعزيز الجلالي
ولكم تحياتي
أخوكم : الحرالأشقر
[/poem]
رد مع اقتباس
[/align]
المشاركة الأصلية كتبت بواسطة مهدي بن مسفر بن عليان
