عندما تسهر وتكون معك أدوات التعبير عن احاسيسك فإنك
سترسم روضةً من الخيال ، ربما تسميها :
روضة الغرام
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
القلم والشعر والليل يا ( سيف الركود )=والهوى والخل والبعد و الحظ الردي
والأمل و العمر و الوقت يا صلب الجدود=عشرة أسبابٍ تحدّى تبي تْهِـد جْهَـدي
كل يوم يبين تطلع لي الدعوى بزود=قصةٍ تدور والوضع معها سرمدي
وإن لفاني الليل خاويت أنا الليل الهجـود=( مخاويٍ غدراه ) وأمد للغدرا.. يدي
أنشد الغدرا عن البدر وتقول مْحدود=من يِحَجْب البدر ما يدري إنْ معْه سْعـدي !
القوافي فيه دايم مصادير و ورود=القوافي معه دايم تحن وْ تِحْـتدي
أشهد إن الحب للناس لهَّـاد الكبود=من مشى دربه لو إنه دليلٍ بيغدي
الهوى راعيه تشهد عليه أربع شهـود=ولو يخـفّي حالته فالشهود بتشهـدي
الجسم نحيل والفكر سرحانٍ شرود=و خاطره مهموم و تضيق الأرض الجرهدي
ليت الأيام الخوالي بما فيها تعود=وروضة الغرام يحيا بها الغصن الندي
روضةٍ بذرتها شعـر وحروفي ورود=و القوافي جت سحابة ومعناها رْعَدي
روضةٍ رسمتها حب و إخلاص وعهـود=و الوفا بروازها و الأمل نهرٍ هَدي
شمسها والشوك معناه هجران وصدود=و الندى والورد معناه عمرٍ يبتدي
روضةٍ تقول لوحة .. بَها الزجاج نود=نسمةٍ لا مرّت الطير قام وْ غَرّدي
و كل يوم يبين تطلع لي الروضة بزود=قصةٍ تدور و الوضع معها سَرْمِدي
[/poem]
شعر / محمد السبيعي
رد مع اقتباس
