كيرلا .. فآتنة الهند ..

[( وجـه القمر )]

تنابع المحطة الثانية

مونار
اليوم الثالث

ملاحظة : قررت اني احط في رأس كل صفحة جديدة حلقة جديدة .. يعني لو شفتو صفحة جديدة تعرفوا انو في صور جديد >> طولتيها خخخخ

برنامج اليوم :
الحديقة الوطنية - مزرعة الشاي والمعرض المرافق لها - حديقة جميلة جدا نسيت اسمها

خرجنا قاصدين الحديقة الوطنية .. وفي الطريق قابلنا مناظر ساحرة كالعادة .. طلبنا من سونين انو يوقف على جنب .. ونزلنا أشبعنا عيوننا وقلوبنا من الطبيعة الأخاذة .. اللي ما كنا نشوفها الا في الأفلام ..



ياحظ بقرهم













شايفين البيت اللي هناااااك ع اليسار فوق
أهوه قربتلكم هوا



شفتوه ؟؟
طيب نقرب اكتر



شفتوه ؟؟ يالله .. نفسي اسكن فيه لو يوم

ووصلنا للحديقة الوطنية .. واتفاجأنا عند المدخل بطابور من البشر طولو يمكن 200 متر على شباك التذاكر .. كانت الحديقة عبارة عن محمية جبلية طبيعية .. والتجول فيها بواسطة باصات كبيرة في طرق ضيقة مرررة .. المهم مسكنا سرا يمكن نص ساعة او ساعة الا ربع .. وركبنا الباص وطلعنا لأعلى الحديقة .. وللأسف ما كنت اقدر اصور الا لما يوقف باصنا لما يقابل باص تاني فوجهو .. لأنو كام جوالي مدلع .. ما يعرف يصور الأشياء المتحركة
وهادي الصور اللي قدرت آخدها





وشفت دا على طرف الطريق .. وانجنيت .. محنا متعودين نشوف حيوانات ع الطبيعة



وصحت ( غزاااااالة ) .. الا بابا يقلي أسكتي فضحتينا .. هادي مو غزالة .. هادا وعل .. قلت طيب ايش اصلو ؟؟ مو غزال ؟؟ ضحك وما جاوبني .. وخلاني في حيرتي اللي سرعانما نسيتها لما شفت النونو دا



وقلت في نفسي .. غزالة مو غزالة مافرقت .. أهم شي اني شفتها ع الطبيعة .. هوا انا اطول في السعودية

المهم .. طلعنا لفوق كان في استراحة صغيرة يوقف عندها الباص .. وننزل نكمل الرحلة على رجولنا .. وبدأنا المشي في جو أكثر من رائع .. برودة وضباب وخضرة مغطية المكان وشلالات هنا وهناك



وشفت المنظر البديع دا



وشفت مناظر حلوة للشلالات من فوق بس ما قدرت اصور لأنو كان زحمة .. فاكتفيت بالاستمتاع بالمناظر ونزلت .. ركبنا الباص ورجعنا .. وعند مخرج الحديقة .. كانت في أكشاك تبيع مانجو وذرة .. وحتى المانجو والذرة كانو يحطولو فلفل .. وذقناه لقيناه شي ..

وفي الطريق لمصنع الشاي ..







وعلى مدخل المصنع



وداخل المصنع .. مراحل صنع الشاي ..









وآخر مرحلة



وبعد التعبئة



ومن المعرض التابع للمصنع .. عجبني البانيو دا ..



وهادا اظنو سنترال ايام زمان :)



وتلفون قديم من ابو مفتاح :)



برضو الظاهر سنترال ( تراها اجتهادات شخصية )



جهاز عرض سينمائي قديم



مدري ايش



آلة كاتبة



وعند المخرج .. كان في رجال يسوي شاهي بالحليب ويوزع على الزوار .. صراحة أطعم شاي دقتو .. لدرجة نسيت اصور


خرجنا من هناك .. إلى الحديقة اللي نسيت اسمها
ووصلنا الحديقة .. وبدأ السحر من المدخل ..



باقات ورد جاهزة





وبدأنا جولتنا الممتعة على الأقدام .. راح احطلكم الصور من غير تعليق .. عشان لا أكسر هدوء وسحر المكان ..



































وودعنا الحديقة اللي حبيتها من جد .. ورجعنا للفندق واحنا مشبعين من الجمال .. ونمنا استعدادا لرحلتنا الى تكدي


والى اللقاء في محطتنا الثالثة

[( وجـه القمر )]

ماشاء الله تبارك الله
مناظر جميله سبحان من ابدعها
ولقطات جميلة وتصوير رائع

الله يرزقنا جميعا جنات النعيم
حفظكم الله في حلكم وترحالكم

أهلا أخي الهمة القادمة

آمين يارب .. الله يرزقنا الجنة

فعلا .. إذا الجمال والسحر هادا كلو في الدنيا .. كيف اجل الجنة ؟؟ الله يرزقنا الخلود فيها

يسلمو همتنا .. نورت التقرير

[( وجـه القمر )]

متابع لك يا قمر

وماشاء الله عليك

شكلك حللتي فلوس الرحلة

يا حليلنا ما نقول شي ولا نغير شي في البرنامج


وفوق هذا كثير من المناطق اللي زرتيها في منار ما زرناها


ياليت تفصلين موضوعك هذا بموضوع مستقل

لانها صور تستاهل تكون بموضوع لوحدها

أكيد ما معاكم حريم .. أو بالأصح بنات زنانات زيي .. والا كان غيرتوا وشفتوا كل مكان

اقتراحك حلو .. وفكرت انا فيه من قبل ما انزل التقرير بس قررت انو تكون صور الرحلة كلها بموضوع واحد عشان لا تتشتت .. ويصير الموضوع مرجع لأي واحد يبغا يزور كيرلا

وقررت انزل في كل صفحة جديدة حلقة جديدة .. يعني لو تبغوا تشوفوا بقية الصور ردوا وعبوا الصفحة
نورتنا ابو عبدالرحمن

[( وجـه القمر )]

متابعة يا قمري ومنبهرة

ولي عودة بأذن الله تعالى

احلا مافي الموضوع .. وجودك يا أم رعد

لازم ترجعي .. لأنو الباقي أحلا :)

نورتينا ياعسل

[( وجـه القمر )]

تصوير رااااائع

وبصراحة تحتار في مونار وش تصور ووش تخلي كل المناظر حلوة


يعطيك العافية وبانتظار بقية التقرير

اهلا بالاستاذ مفرح مرة تانية

انا ما احترت .. انا مابقيت شي ما صورتو .. الا الأشياء اللي تنحت عندها من الـ مفاجأة

وجمعت في جوالي 1689 صورة

يعافيك ربي
نورتنا

[سعود]

لما الواحد يشوف هذه المناظر يدوووووووووخ


وده يصير بقره بس أهم شي يعيش هذه الاجواء




هذا جهاز فاكس قديم




ياعيني على قطراات الندى


بصراحة ياوجه القمر انتي مسويه دعاااايه قووويه لكيرلاااا


لولا رمضان لحجزت لها مباشره



تحية عطرة

[أنامل الخير]

ماشاء الله عليك ياوجه القمر


صور في قمة الروعة والجمال


اللهم ارزقنا الجنة ونعيمها الدائم يارب العالمين

ووالدينا وذرياتنا والمسلمين أجمعين

اللهم آمين

[أبوعبدالرحمن]

بديت اشك أني ما زرت مونار

واصلي يا وجه القمر

المفروض استشرناك قبل نروح عشان تسوين لنا جدولنا

متابع بحماس

[( وجـه القمر )]

ماشاء الله تبارك الله

كل هذا النقاء والصفاء من جوالك


طيب ايش نوع جوالك <<= ناوي يشتري مثله


أجل لو مانسيتي كاميرتك كيف بتكون الصور ؟


بصراحة انتي فنانه في التصوير


وأحسن من المراسلين


ونقلتينا لقلب الحدث


وعيشتينا فيه

دخل جووووووووو مع الصور


<<<= يحس ان ملابسه تبللت من رذاذ الشلال








غرفة النوووم منظرها يجيب النووم غصب


بصراحة احترت وش اختار من صورك

وتركتها كلها لاني بظلمها

ينتظر التقرير الثالث بكل شغف



تسلمين على هيك تقرير متعوب عليه وممتاز


تحية عطرة

سعود
أخجلني إطراءك على صوري وعلى تقريري
من ذوقك والله

لو ما نسيت الكاميرا كان كسرت الدنيا خخخخ

يسلمو سعود على هيك مرور خرافي >> ما تقلد احد

[( وجـه القمر )]

سبحان الله الخالق المصور العظيم




&& وجه القمر &&

كل الشكر والتقدير لك يارائعة على هذا التقرير الرائع والمفصل


تشوقنا كثيراً لرؤية هذه المناظر الخلابة والجو الخيالي


الحمد لله على سلامتكم


وبانتظار بقية التقرير والصور



لا حرمنا الله منك



~ ~ أم تركي ~ ~

ياهلا والله بالغالية ام تركي

الله يكتبلك زيارة لها .. حلوة السياحة والتأمل في إبداع الخالق

الله لا يحرمنا الجنة

تسلمي ياعسل .. وشكرا على زيارتك الحلوة

نورتي التقرير :)

[( وجـه القمر )]

لما الواحد يشوف هذه المناظر يدوووووووووخ


وده يصير بقره بس أهم شي يعيش هذه الاجواء




هذا جهاز فاكس قديم




ياعيني على قطراات الندى


بصراحة ياوجه القمر انتي مسويه دعاااايه قووويه لكيرلاااا


لولا رمضان لحجزت لها مباشره



تحية عطرة

ياهلا بسعود مرة تانية

أجل ودك تصير بقرة ؟؟
محشوم محشوم

ايش دراك انو اللي في الصورة فاكس ؟؟ اعترف

المفروض يسوولي تخفيض على حجوزات الفنادق لأني مسويتلهم دعاية

الله يكتبلك وللجميع زيارة لكيرلا :)

منور .. ولا تروح بعيد

[( وجـه القمر )]

ماشاء الله عليك ياوجه القمر


صور في قمة الروعة والجمال


اللهم ارزقنا الجنة ونعيمها الدائم يارب العالمين

ووالدينا وذرياتنا والمسلمين أجمعين

اللهم آمين

آمييييييين يارب

يسلمو فاتن على مرورك

أحلا مافي التقرير وجودكم ومتابعتكم لا حُرمتكم

لا تروحي بعيد .. شكلي بنزل الحلقة الجاية الليلة

منورة ياعسل

[( وجـه القمر )]

بديت اشك أني ما زرت مونار

واصلي يا وجه القمر

المفروض استشرناك قبل نروح عشان تسوين لنا جدولنا

متابع بحماس

أخاف انكم ما رحتوا كيرلا أصلا :)

أجل يبغالي افتح مكتب سياحي >> ما صدقت

ومتابعتكم تزيد حماسي للمواصلة

منور يا ابوعبدالرحمن

[غـــربة الــروح]

بقرهم غير

طبيعتهم غير

غزلانهم غير اقصد وعولهم << كني عارفة الفرق

حتى الفواكة غير

حتى نملهم غير

نملنا في الشوارع ونملهم رازين ببيوت


ليتني من كيرلا بس مسلمة عشان اعيش طبيعتهم


قمري

بصراحة تقرير ولا اروع

وصور اكثر من رائعة

متابعتك بكل وقت حتى لو ما اسعفني الوقت ورديت


راااااااااااااااااااااااا ائعة

وانتبهي مو كل شوي تقولي نسيت

تذكري كل المعلومات ولا فتفوتة تنسين

[مفرح بن مناحي]

واصلي يا وجه القمر


إبداااااع


ومثل ما قال أبو عبدالرحمن حسيت إن حنا ما مرينا مونار


برضو لازم نحاسب بشير