[poem=font="Simplified Arabic,6,black,bold,normal" bkcolor="white" bkimage="" border="inset,4,white" type=2 line=0 align=center use=ex num="0,black""]
يقول منهو رافق النجمه على سطح السهول = الشعر هو شف الهوا مدام يكتبه الشعور
احيان يدفعنا الهوا واحيان يجبرنا الميول = نرقى على متن الزمن والفلك في كونه يدور
الشعر به عهد ووعد والشعر من صنع العقول = يثبت تجارب شاعرٍ يكتب على كل البحور
والغيمه اللي اقبلت والخير في متن الثعول = يارب عطنا خيرها وابعد عن الناس الشرور
يا ظلمة الليل الدجا والليل ستّار الظلول = والليل في وقت الفجر يعلن نهاياته بنور
يا جيش ما نحصي عدد سيوف ورماح وخيول = تطعن تجر بطعنتك وتشق بالرمح النحور
سهام جيشك من ورق لكنها تفعل فعول = كم من عظيمٍ تذبحه صدره تزايد بالسرور
اخذت من وقت الرخا في وقت حدات ومثول = طبع الأنى كله هنا واخذت شئ من الفتور
واخذت من عند العرب شئٍ تقول انه فضول = احلل الموقف عدل وان شارني احدٍ بشور
واخذت من طبع الحلا الذوق والوجه الخجول = اقدر عقول البشر واغض عن زل وقصور
احيان احس اني بطل لا شفتني بعينك واقول = انا حظوري يختلف عن كل باقية الحظور
تدرين يا عين القصيد ووجنة الحب العجول = يا غاية ابيات الهوا يا جبر صعبات الكسور
تدرين عن طير الغرام اللي على قلبك يجول = غيره ملايينٍ تجول وكل قلب وله طيور
تدرين وش معنى ( أنا ) لا قلتها لنفسي تقول = اسمك ووصفك مختلف والنفس ما تبغى تحور
تدرين انك معجزه واشوفك بعين الذهول = واغتر بك يا سيده ويزيد فيني هالغرور
تدرين ان وصفك عنا يا صعبها معك الوصول = والفكر هايم بالوصل ايام وسنين وشهور
فيك الحسن كله فتن والشرح في وصفك يطول = يا سعد عينٍ تلمحك يابخت في حبك صدور
منك الدلع كله ولع غنجك على غيره ينول = صمتك كلام وهيبتك تبقى على مد الدهور
حتى الزهر في طلتك اقبل على حال الذبول = زينك على زينه ظهر ما عاد تعنيني زهور
الحسن شطره يوسفي ما عندنا شك وعدول = يا شطر شطرٍ باقيٍ حسنه على العالم نثور
اشوف في وجهك بحر ورياح طيبٍ ما تزول = واشم في قربك عطر زايد على كل العطور
واحس بك لامن همستي في مسامع لك ذلول = كن الحكي في مسمعي يغرق فوادي بالشعور
فيكي ثقه ما تنوصف اوصاف ما تحكى بحول = فيكي عجايب قدرته متميزه بكل العصور
اقولها وانا ادري اني فيك وش يمكن اقول = حبرٍ تجمع بالورق يا بخت شعري والسطور
يا غيمةٍ جتني علي ماهمني باق الثعول = انا حياتي فدوتك ان كان في حكيي قصور
ويا نجمة الليل ارحلي وانا على سطح السهول = الشعر هو شف الهوا مدام تكتبه الشعور
[/poem]
رد مع اقتباس
