انادي الليل تكفى لاتجيني جديدي : سد الحرير ( عزف منفرد )
انادي الليل تكفى لاتجيني
ترى قلبي من الونات صالي
اشوف الهم قيد لي يديني
وبحر الحزن مارجع غوالي
اسامر وحدتي وايا حنيني
واقول اوآآآه ياطول الليالي
كريم النفس لو جارت سنيني
وزود الطيب يرقابي المعالي
علـيـم الله مـكثـر عاذليني
وفيهم من بني عمي وخاالي
ولو كثروا عليه حاسديني
دعيت الله في سلوان بالي
دموع الشوق لابانت بعيني
حقيقة حب ماهو من خيالي
كتبت الشعر من حرة ونيني
لاجل تقريه لاصرتي قبالي
ابي لحنه ومن صوتك يزيني
باعذب بووح ياكل الدلالي
ظروف البعد مابينك وبيني
تعذب خافقي ياراس مالي
اسلي خاطرك والضيق فيني
واساير دنيتي واجلس لحالي
وسوم الحزن بانت في جبيني
بدونك ضايع ٍ باول وتالي
نشدت سهيل عنك ياضنيني
عجز يلقى جوابٍ للسؤالي
سالت الليل عن حبٍ دفيني
ابـيـه يرد وان زاد اشتعالي
سكت عني وحزني يحتويني
وانا تايه ومدري وش جرالي
ابيك انتي وغيرك لو يبيني
ابـد ماهـتـم والله ماطرالي
رسمتك بدر في راحة يميني
واسمك نقش في خاتم شمالي
مدام الشعر لاجلك يهتويني
فانا اهواك ياشمسي وظلالي
دعيت الله لو حظي يشيني
يـديـم السعد في قلبك بدالي
رضيت آموت ولحبك سجيني
ونبض الحب يمك مايزالي
تمت بقلمي وتقبلوا امتناني واعذروني ع القصور : سد الحرير ( عزف منفرد )
رد مع اقتباس
