مكرونه (( السبانخ والدجاج )) ((بالجبن والقشطه))
المقادير والطريقه ....
حمسي بصل وثوم لين يصير بني البصل
عقب ضيفي عليه السبانخ ..انا استخدم النوع المجمد خليه
في التذويب داخل المكرويف
واذا ماعندك خاصية التذويب خليه برا الفريزر يذوب
لما ينشف الماء من السبانخ ضيفي
صدر كبير دجاج مسلوق مفتت
خليه شوي يتقلى مع السبانخ عقب بهري
مكعب ماجي..فلفل اسود..فلفل احمر...بابريكا
...كزبرة...بزار مخلوط...
انا احب هالنوع من البهارات تكون خفيفه في الاكل
لوحابه شي ثاني ضيفي الناس اذواق
عقب خلطيهم وخلي على النار 5 دقايق عقب ووطي
النار وضيفي علبة قشطه مع 3 ملاعق كبيرة جبن سائل
خليه دقيقتن ثلاث على النار عقب طفي النار
طبعا اسلقي المكرونه من قبل
وضيفيها
خلطيها زين عشان تتشرب الصوص وضيفي عليها
نص كوب حليب
الحليب عشان ماتجف لما ادخلها الفرن
ابشري موزريلا على الوجه ودخليها الفرن ..
انا في نفس المقلاة اللي طبخت فيها دخلتها الفرن
غطيت الاياادي بقصدير
حمرتها اول تحت عشر دقايق عقب فوق
صدقوني مرررررررره لذيذة
عوافي ع قلوبكم ..
منقولة
رد مع اقتباس
المشاركة الأصلية كتبت بواسطة ريـمـانـاآ
المشاركة الأصلية كتبت بواسطة الأم الرؤوم 
