[align=center][frame="13 50"]بسم الله الرحمن الرحيم
قال تعالى { كل نفس ذائقة الموت ثم إلينا ترجعون }
لله ما أخذ ولله ما أعطى والحمد لله على قضائه وقدره
هذه الأبيات رثاء في والدي يرحمه الله المتوفى يوم الثلاثاء 4-11-1431هـ
أسأل الله الكريم رب العرش العظيم أن يتقبّله في الصالحين
وأشكر كل الأخوة والاخوات على التعزيه وأقول لا أراكم الله مكروه
[poem=font="arial,7,#000008,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الحمد لله ربنا الواحد الفرد السلام=جل وتعالى كلنا دايم على بابه وقوف
اللي وجدنا من عدم واللي رزقنا بالتمام=سبحان ربي ما أكرمه دايم على خلقه عطوف
لطفك وعفوك ربنا ياباعث ٍ خير الأنام=محمد اللي دعوته كابد معه أقسى الظروف
موقف حصل مايمحي لو مر عام ٍ بعد عام=رحل عزيز ٍ بيننا وشمس الفرح جاها كسوف
غادر وطويت صفحة عقب شهر بعد الصيام=يالله تغفر زلتّه ياربنا وحدك رؤوف
ماني أجاري قافيه ولاني أبا أكتب والسلام=بغيت أترجم للحزن عبر القلم عبر الحروف
الحمد لك ياربنا دام الرضاء أفضل وسام =واللي مقّدر ماعنه مانمنعه لونا نشوف
مات الغني مات الفقير مات الكهل مات الغلام=دنيا ً تقلّب والبعض في حبها أصبح شغوف
ساروا وحنا بعدهم والموت ماعنّه كلام=مابه مخلّد يابشر جينا ورحنا كالضيوف
مرحوم ياشيخ ٍ حرص على التهّجد ماينام=فيك التواضع والوفاء ياكم تواسي للضعوف
يارب تقبل والدي في جنتك محي العظام=وتجعل ماصابه من مرض تكفير ذنب ٍ ومخلوف
لحظة وفاته عشتها أشوف هالدنيا ركام=يومي أشوف مغسّله ياشين لحظات الوقوف
صدمه كبيره موجعه يومه يحطونه بخام=لكن عسى الله يقبله فرد ٍ تعلى بالوصوف[/poem]
تقديري للجميع
أخيكم - أبوابراهيم ,,,,,,,[/frame][/align]
رد مع اقتباس
(الحزن الرغيد)
