ملامح غادتي

[عَبْدُالرَّحْمَنِ العطاوي]

عيدكم مبارك .. وكل عام وغرابيل وانتم بخير
ـــــــــــــــــــــــــ ــــــ
ـــــــــــــــــــــــــ ــــ
متواضعة اتمنى ان تتقبلوها على مافيها ..


من ملامح غادتي تستجدي الغيمه مطر
والندى يستجدي اوصاف الطهر من طهرها
,,,,,,,
من رذايذ عطرها تستنشق الوردة عطر
والعسل مابه حلا .. لولا حلاوة ثغرها
,,,,,,,
خدها ينشر خيوط النور في وقت الفجر
والمسا وقته ليا مالت خصايل شعرها
,,,,,,,
خصرها خلى غصون الخيزرانه تنبهر
قلدتها الخيزرانه في تمايل خصرها
,,,,,,,
صمتها كنه سكون الليل ورْكود البحر
ضحكة شفاها سحر .. ياكم أسرني سحرها
,,,,,,,
حكيها لا من تهادى من شفايفها خمر
آه ياخمر الحكي ... ياكم سكرت بخمرها
,,,,,,,
غادتي فيها النباهة والبراءة والطهر
طفلةن في قلبها ... وبعقلها ياكبرها
,,,,,,,
في ملامح غادتي كل القصايد تعتذر
تعتذر في وصفها وآنا قبلت بعذرها
ـــــــــــــــــــــــــ ـــــــــــــــــــ



وسلامتكم

[سامي العطاوي]

عبدالرحمن العطآوي

كل عام وانت بخير وصحه وعافيه
وصح لسانك وبيض الله وجهك

[محمد بن صخيبر]

خدها ينشر خيوط النور في وقت الفجر
والمسا وقته ليا مالت خصايل شعرها

الله عليك ياعبدالرحمن
صورة جميلة جدااا أبدعت بصياغتها ورسمها

صح ذوقك شاعرنا

تحيتي

[سـامـيـه]

صح قلبك ياعبدالرحمن
رائعه ومن شاعر رائع
تقديري لك

[بندر ال ناصر]

صمتها كنه سكون الليل ورْكود البحر
ضحكة شفاها سحر .. ياكم أسرني سحرها



الله الله

صح لسانك يا بطل ..

أجمل تحيه ..

[أبوعبدالرحمن]

جزله ومن شاعر جزل

لله درك

وصح قلبك وكلك

تحيتي لك

[بندر النايف]

عبدالرحمن العطاوي

يا مرحبا فيك وكل عام وأنت بخير ..

فقدناك والله ولك وحشة .

قصيدة جزلة ورائعة جداً وأعجبتني ,,.

صح إلسانك ..

..
.

[نجم العتيبــــــي]

عبدالرحمن العطاوي
كل عام وانت بخــــير وعيدك امبارك
صح الله لسانك عدد بلا مدد وبيض الله وجهك والئ الامام

تقبل تحيات اخوك نجم العتيبي

[كاسب العز]

صح السانك وقلبك

لاهنت

[مطلق الحمدي الجهني]

وكل عام وأنت والجميع بخير يا عبدالرحمن
وصح لسانك وسلم بنانك
قصيده جزله من شاعر جزل

[السياسي]

خصرها خلى غصون الخيزرانه تنبهر
قلدتها الخيزرانه في تمايل خصرها

حكيها لا من تهادى من شفايفها خمر
آه ياخمر الحكي ... ياكم سكرت بخمرها

الله الله

جميل ياعبدالرحمن
واكثر من جميل ..
قصيده قويه بمعانيها
انيقة بجمالها ..

صح لسانك يامبدع

تحيتي لك

عبدالله الحداد

[سعود سعد العتيبي]

صح لسانك مليوووووون ..

أبدعت وامتعت يالشاعر

دمت ودام نبضك

مع التحية لك

*************

..

[أريج الرياض]

كل عام والروعه تسلب من حرُوفك ياعبدالرحمن روعه
مُبهره لآخر مدى بالابهار
الفين صح لسانك وفكرك
ودُمت للشعر ياراقي.

[عَبْدُالرَّحْمَنِ العطاوي]

في قلبي حب لا تنطقه الحروف وعلى لساني شكر لا تسعه الردود

صحت السانكم يا مبعدين الغرابيل وجزيتم جنان الارض والقبر والسماء

[فهده]

العطاوي

صح لساااانك مليوون

سلمت يمناك

سلام..