ياليت ان الزمن يرجع ورى ولا الليالي تدور

**سليمان الذويخ** · 11-09-2010, 12:46 AM

::::

::::

ياليت ان الزمن يرجع ورى ولا الليالي تدور
ويرجع وقتنا الاول وننعم في بساطتنا

زمان اول احس انه زمانً فيه صدق شعور
نحب ونخلص النيه وتجمعنا محبتنا

زمن مافيه لا غيبه ولا حتى نفاق وزور
ياليته بس لو يرجع ونسترجع طفولتنا

صغار قلوبنا بيضا نعيش بعالمٍ محصور
ولانعرف ابد اغراب ماغير عيال حارتنا

صحيح صغار فالتفكير لكن ماعلينا قصور
نخطط نكسر اللعبه وتسعدنا شقاوتنا

نروح المدرسه بدري ونضحك داخل الطابور
نحاول نزعج العالم بـ روحتنا وجيتنا

وعشان نأخر الحصه نخبي علبه الطبشور
نشاغب بس في الاخر تميزنا برأتنا

نحب الضحك والهيصه نحب ننط فوق السور
نفرفش ليه مانفرفش مدام الضحك عادتنا

ولكن دارت الايام وبان الخافي المستور
وصار الهم متعلي على قمة سعادتنا

كبرنا وصارت الدنيا تصف احزاننا بالدور
وتهديد الالم والهم غصب عن عين رغبتنا

تعبنا من بلاوينا احد ضايق واحد مقهور
وكلٍ غارق بهمه وفالاخر تشتتنا

وانا مااقول غير الا حلالاه الزمان يدور
ويرجع للورى فتره نعّدل وضع عيشتنا

للشاعر : فيصل اليامي

**أنـ الذكريات ـين** · 11-09-2010, 06:10 AM

ياليت ان الزمن يرجع ورى ولا الليالي تدور
ويرجع وقتنا الاول وننعم في بساطتنا

زمان اول احس انه زمانً فيه صدق شعور
نحب ونخلص النيه وتجمعنا محبتنا

زمن مافيه لا غيبه ولا حتى نفاق وزور
ياليته بس لو يرجع ونسترجع طفولتنا

صغار قلوبنا بيضا نعيش بعالمٍ محصور

يوووه رجّعتني لأيّام حلوة في الثّانوي.. :)

يعطيكـ العافية الذويخ..

^_^

تحيتيـ

**شمــوخ الأصآآيــل** · 11-09-2010, 10:52 PM

صح لسآآن الشآعر ..
وسلمت يمنآك على الاختيآر المميز ..

فعلا ليت الزمن يرجع ورى ..

ليت الزمن يرجع ورى
أوأحلمه بلحظه كرى

,,

أرجع ورى

,,

يوم إنـي بأول رحـلـتـي
طفل(ن) صغير

يعطيك الف عآفيه ..

تحيآتي ..

**وجن محمد** · 11-09-2010, 10:56 PM

وانا مااقول غير الا حلالاه الزمان يدور
ويرجع للورى فتره نعّدل وضع عيشتنا

الله يذكر ذاك الزمان بالخير
يعطيك العافية استاذ سليمان

**سـامـيـه** · 11-09-2010, 11:41 PM

تسلم استاذ سليمان
على روعه الأختيار
تقديري لك

**كاسب العز** · 12-09-2010, 12:29 AM

كم هو جميل الشعور بـ الحنين

اختيار رائع سليمان

**سليمان الذويخ** · 12-09-2010, 12:34 AM