حال دون الغضي شايب(ن) مقرود .... جعل موت(ن) يدل الناس يندله
...
...
...
( الكل واقف وأنا جالس مادري ليه بس أحس رجولي ما أقدر أقف عليها)
جدي \\ يا خاتم لا تحط الصغار بين ضروس مشاكل قد حصلت بيني وبينك .
أبو عمشا \\ جاي بالبريعصي الي معك هذا علشان تزوجه بنتي بنتي أنا ليييييييه خلصوا الرجال يوم أزوجكم .
أنا أعلى منصب وأكثر مال وأطيب منكم وأنتم مجرد مرتزقه .
( أنا هنا صحت بصوتي كله ....
بندر \\ كفااااااااااااااااااااااا ااااااايه << أخس يالمصري أخذتها من مسلسل ^_^
يالله يا جدي هذا يبغى يهيننا لا ياجدي مشينا .
جدي \\ والله يا خاتم لو ما أنت في بيتك ليجيك علم ثاني .
بندر \\ جدي بلاشي هياط أنت قوتك بس علي أمش أمش لأدحرجك من هنا لبيتك .
( جدي شالني من قلفتي ورحنا لبيتنا )
أنا حزين وطول الطريق ألتفت لبيت مضنوني ... ودموعي تصب صباً صبيباً .
دخلنا البيت \\
بندر \\ جدي ليش كذا ؟
جدي \\ وش الي ليش يا بندر ؟
بندر \\ أنطردنا ليه يا جدي ؟
جدي \\ وش الي أنطردنا ؟
بندر \\ تستهبل يا جدي ...
جدي \\ طرآآآآآآآآآآآآآآآآآخ ... أنا استهبل يا المقرود مالقيت تحب الا بنت خاتم .
بندر \\ أصبر لي وبعدين أحب بنت قلادة .
جدي \\ فاضي يالنحيس تنكت .
بندر \\ وش أسوي قلبي ناااار نااااار ناااار يا جدي . قولي وش فيه وش الي حصل بينكم علشان يصير كذا ؟
جدي \\ زمااااان يا ولدي كنت في مزرعتي لا لي ولا علي .. شباب مستانس مابي المشاكل .
وفي يوم الأيام لقيت واحد مدخل الشبك حقه وسط مزرعتي آخذ منها ربعها ومسوي شبك دائري ..
جيت أشوف وش السالفه لقيته أبو عمشا ..( جدي دخلني جو تخيل )
محماس زمان \\ يا خاتم وش الشبك الي دخلته علي هذا ؟
خاتم زمان \\ شبكي وأخذت حقي من المزرعه .
محماس \\زمان أي حق ؟
خاتم زمان \\ أنت متعدي على أرضي أسترجعتها منك ..
( يعود جدي من خياله )
جدي \\ يا بندر أرضي بشهادة الشهود ويبي يأخذها مني لكن فار الدم في عروقي وضربته ضرب يموت مانساه .
وكسرت يده .
ونزعت شبكه من مزرعتي .
رآح هو أشتكاني عند القاضي في البلدة وحلف إن الأرض أرضه .. وإن عنده شهود .
تصدق يا بندر طلعوا شهوده نفس شهودي بس أشترى ذمتهم بفلوسه .
وأخذ الأرض ..
أنا ما سكت وأنقهرت بيأخذ حقي بالباطل .
(رجعني جدي للخيال مره ثانيه )
محماس زمان \\ يا قاضي ليه الظلم هذا والله الأرض كلها أرضي .
القاضي \\ يا محماس أجلس ولا تتكلم إلا بإذن .
محماس زمان \\ يا قاااضي ...
القاضي \\ قلت لك أجلس .
القاضي مستطرداً \\ يا الشهود هذي شهادة ولازم تكون على حق .
الشهود \\ نعم المزرعه كلها لخاتم ونشهد بذالك .
القاضي \\ حكمت المحكمة أ ن تعاد المزرعة لخاتم بشهادة الشهود وليس لمحماس حقاً فيها أبداً .
محماااس زمان\\ أنا بريء أنا بريء <<< وش دخل أنا بريء جدي مكثر في مسلسلات نادية الجندي . :)
حرآآآآم يا قاضي حرآآآآم ..
القاضي \\ يا حاجب المحكمة أرمي بهذا الرجل خارج المحكمة .
( رجع جدي من خياله )
جدي \\ وأنقهرت يا بندر ورحت للمزرعه أطالع تعبي الي راح لغيري .
وأضرمت فيها النار ...
وبعد يوم من الحريقة ..
سمعت إن أول ولد له كان يلعب في المزرعة أحترق ومات ..
وسلمت نفسي للشرطة وعرف خاتم إنه ظالم وقبل الدية وقال هذا ذنب سرقتي لأرض محماس .
وقلت له خذها دية لولدك الي مات .. وأخذها وأعطاها لعائلة مسكينه .. لكن بعدها صار يكرهني كره العمى .
...
...
بندر \\ طيب أنا وش ذنبي ؟ وش ذنب عمشا ؟
جدي \\ ذنبكم إنكم عيالنا .
بندر \\ طيب والسواة يا جدي ؟
جدي \\ أنساها وربك بيعوضك بحب ثاني .
بندر \\ ما أقدر ما أقدر .
جدي \\ لا تسوي فيها شاروخ خان الحين يالله أنا بأرقد .
بندر \\ يعني راحت عمشا .. يعني راحت عمشا ... لاااااااااااااااااااااااا ااا ..
.............
............
فاصل إعلاني
تريدين أن يطول شعرك ويصبح كدشاً كالحرير ..
تريدين أن يصبح وجهكِ أبيض كالصبوح .
كرري جملة ألحقني يا حليب السعودية 10 مرات في السنة وإبئي ئابليني ^_^ ..
,
,
,
شركة عباس بن فرناس للطيران الجوي ..
أحجز مقعدك ..
خدماتنا في الطائرة .. مسبح ... ملاعب خضراء .. وجبات مجانية .. وأيضاً للعزابيه عروس ^_^
,
,
,
صابون الغسيل ( كيفي ) يجعل صحونك هشه وسريعة الإشتعال ..
صابون الغسيل ( كيفي ) يدينك بتتعود عليه .
.
.
.
عدنا إلى مسلسل حبيبتي عمشا الحلقة السادسة \\
أنا في غرفتي أبكي ولا أدري وش أسوي .
عمشا راحت علي ..
وش السواة ..
لازم أقنع أبوها يقبل بي .
بس كيف كيف كيف .
وهذي قصتة مع جدي إجرام يوم كانوا شباب ويحفروها الفيران ويطيح فيها الثيران .
....
وفي الصباح الباكر رحت للمراعي وأنتظر عمشا .
ماجات عمشا ولا شفتها ..
اليوم الثاني ماجات عمشا ..
الثالث والرابع ماجات عمشا ..
وكل يوم أرجع حزين ..
بعد عشرة أيام تعب جدي وقال أجيب له علاج من مستشفى البلدة ,
رحت أجيب العلاج ودخلت المستشفى لقيت عمشا قدامي .
أفرك عيوني ماصدقت إلا وهي هي ..
بندر \\ حبيبتي عمشا .
عمشا \\ حبيبي بندر .
بندر \\ يا محاسن الصدف .
عمشا \\ مين محاسن هذي ماصدقت أبوي يرفضك رحت تدور بنات .
بندر \\ أسكتي يا قرويه لا تخربين لحظة الحب هذي .
عمشا \\ وش حندك هنا .؟
بندر \\ إلا أنتي وش عندك ؟
عمشا \\ أبوي تحب حلينا ويبيله علاج .
بندر \\ حتى جدي تعب وهذا أنا أجيبله علاج . بس تصدقين ليتهم يتعبون كل شوي علشان نشوف بعضنا .
عمشا \\ كنت متوقحه ماراح أشوفك .
بندر \\ أنا قضاك ومافي مفر مني .
عمشا \\ وش بتسوي طيب مع أبوي .
بندر\\ روحي معي تزورين جدي ونعطيه علاجه وبعدها نروح لأبوك ونزوره ..
يمكن نحنن قلوبهم علينا .
عمشا \\ مشينا .
( ورحنا نلعب بين الأزهار ونغني الحياة حلوة بس نفهمها )
( والشعر الغجري يا ولدي )
جينا عند جدي وفرح بشوفة عمشا معي وأخذ العلاج ومسح على راسي وراسها .
جدي متأثر بالهنود يسوي بركه بمسح الرأس .
ورحنا لأبو عمشا ..
ويوم شافني مع بنته تقول شاف ملك الموت معها ..
طير عيونه فيني وقام يزبد ويرعد .
بندر \\ السلام عليكم يا عمي أبو عمشا .
عمشا\\ كيف حالك يا أبوي هذا حلاجك يا حبيبي .
أبو عمشا \\ الله لا يحييك أنتي ومن جبتي معك ليه جبتي هذا الهيس معك .
عمشا \\ يا أبوي هذا بندر وأنا أحبه ولا راح يفرق بيننا أي ضغينه بينك وبين جده .
( أنا ساكت ومعطيهم ظهري )
أبو عمشا \\ لا ياقليلة الحياء طلعي برا برا .
عمشا \\ يا أبوي حرام عليك .
( أنا هنا دخلتني الرجوله وقلت البنت تتكلم وأنا ساكت . قويه مره قويه .)
بندر \\ يا عمي أنا أحب بنتك والي صار زمان مالنا ذنب فيه . وخلوا كراهيتكم لأنفسكم .
أبو عمشا \\ برا برا أنتي وياه برا غرفتي وأدخلوا علي شوي بعد ما آخذ العلاج ..
( أثاريه سوى إجتماع مع شوشو < الشيطان > وعطاه شوشو حل . )
أبو عمشا \\ أدخلو يا عيالي .
عمشا \\ أخذت حلاجك يا ابوي .
أبو عمشا \\ أيه .. أسمع يا بندر .
بندر \\ سم يا عمي .
أبو عمشا \\ أنا معي مرض خطير .. والعلاج مافاد فيه .بس ذكر لي رجل إن فيه عشبه في قمم الجبال الشمالية .
أسمها زهرة ملكة النحل . جيبها لي مهر لبنتي عمشا .
بندر بدون تردد \\ أبشر يا عمي أبشر ,, قريب ويجيك مهر بنتك حبيبتي .
...
...
رجعت للبيت وما خبرت جدي بشي خليتها سكتيمي .. وحزمت شنطتي وأخذت معي أكل وشرب وقبل
الصباح طلعت من البيت وتوجهت للجبال الشمالية ..
وودعت عمشا في المرعى . وتوكلت على الله ..
رجعت عمشا فرحانه لأبوها وقالت بندر راح يا أبوي وإن شاء الله يرجع بالعشبه .
أبو عمشا \\ وأنتي صدقتي إن فيه عشبه .
عمشا \\ كييييييييييييف ..؟؟؟
أبو عمشا \\ أنا أرسلته لموته . الجبال الشمالية كلها سباع وثعابين كبار وراح يموت لا محاله ..
عمشا تبكي \\ ليه يا أبوي ليه ..
أبو عمشا\\ هذول هم الي ذبحوا ولدي ولازم أذبحهم كلهم .
عمشا \\ حرااااااااااام حراااااااااااام .
أبو عمشا \\ وأنتي جهزي نفسك عريسك جاي بعد أيام قليلة .
...
إلى اللقاء في الحلقة القادمة .
رد مع اقتباس
المشاركة الأصلية كتبت بواسطة هذا حظي وراضي
