السلام عليكم ورحمة الله وبركاته
ماتقولون لي التنسيق وين راح :(
بس على قول منور بتنسيق وبدون تنسيق تقبلوها :)
للتواصل مع قلوبكم
[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياحب غالي له على قلبي رسوم = من كثر حبه خالط الصوت نبره
نبرة هيامٍ تسكن الحرف وتعوم = وسط الشعور اللي غشى الروح بحره
غلاك في قلبي مقدّر ومحتوم = ومن الغلا كنه على القلب جمره
لاغبت عني حاربت عيني النوم = ليه الجفا ؟ شف حالتي حيل خطره
ارفق على روحي ولا يكثر اللوم = شوف الخفوق من الغلا جاب عذره
لاصرت أحبك بس أنا منك محروم = لازم تشوف بداخل العين عبره
أما أنت ياللي داخل الصدر مضموم = جعل الدروب اللي تقابلك (خضره )
ياجلعني مااشوف دمعك ولا يوم 00=حتى لو ان الدمع باسباب شعره
ولاشوف حتى بادي بوجهك هموم = ولا اشوف حزنك يظهر بكل نظره
القلب باسمك صار ملكك وموسوم = و زرع الغلا في داخلي منك بذره
أمشي على كيفك وتامر ومحشوم = تلعب بقلب ٍ طاعتك فيه فطره
دامك حبيب القلب والحب مقسوم = باكتب لك أبياتي ولا احتاج شهره
[/poem]
تحيتي للجميع