( قضية الأسبوع ) مدرس كره أخوي بالمدرسه

[غلا أبوها]

السلاااااام عليكم



دئلتدئلتدئلت



أمس قريت موضوع لـcst عن مرض التوحد وذكرني بأخووي دئلت

قبل 8 سنوات انصدمنا بخبر اصابه أخووي بهذا المرض بالبدايه ماتقبلنا هالشئ

وخصوصا الوالده تأثرت حيل بالخبرو علاقتنا بأقربنا تأزمت وصارت بينا مشاكل وعانينا

ولأن الوالد الله يحفظه وصبره وتقبله هالأمر عدينا مرحله الرفض ع قولة الدكتور

وتقبلنا وضع أخوي الجديد ودخل معهد وتأقلمنا ع وضعه وصار الولد اجتماعي
وتحسن مستووواه بمعهد التربيه الفكريه ومرت الايام والسنين ووصل لخامس ابتدائي

بعد اجازه الحج هاذي السنه

تم تبليغنا بنقله للمدرسه حكوميه ودمجه مع طلاب بنفس مرحلته الدراسيه

وفرحنا بها الخبر وأخوي فرح بعد وكان متحمس ومامداها تكتمل الفرحه الا أستاذ

بمدرسه حكوميه بالطائف ضيع كل شئ أخوي قام بالحصه من مكانه ويبي يبري المرسمه

وهو مثالي ويحب النظافه وقام يبريها بالسله وتكلم المدرس قال له ماتعرف تبري ياخبل

ياعيال بالله مو خبل هالولد قايم عشان يبري هههههههههه وضحكوو عليه الطلاب

أخوي عصب مايحب أحد يسبه وهو ماسوى شي لسانه طويل وقام هاوش المدرس

والمدرس عاقبه تخيلووو وش سوى قفل عليه الفصل لحاله وقت الفسحه وحرمه لا يفطر

وهو يخاف يكون لوحده ويعصب اذا كان جووعان وانهااااااااار شق دفاتره وكتبه ويصيح وسمعه مدرس ماااار وفتح باب الفصل ودقوو ع الوالد وتهاوشوو هناك مع المدرس

وهالحين أخوووي انتكست حالته صار يكره المدرسه مايبيها دئلت ولا يبي يرجع لها نهائيا

وكلمنا المعهد يرجعوونه قالوو لا حرام الولد تحسن ويستوعب ويقدر يندمج مو على كيف

المدرس اصبروووو عليه ان شاء الله يهدى ويرجع للمدرسه

وهو لحد الأن مادوام ويكره المدرسه وراح عليه هالترم دئلتدئلتدئلت بسبة كلمة وتصرف

من انسان متخلف حسبي الله عليه

[قيـس]

الله يشفي أخوك وجميع مرضى المسلمين

هذا المدرس غبي وماهو قد المسؤليه وفوق هذامافي قلبه رحمه ولاحول ولاقوة إلا بالله


معرف وشهو مرض التوحد بس أن شاء الله يرجع أخوك يدرس وتزين الأمور


يعطيك العافيه

[همس الرووح]

يعطيج العافية غلاوي
والله يشفي أخوج
ولكن هناك العديد من أمثال المدرس
فهو حقيقة ليس معلم ولا تربوي
يستحق الوقوف عند
عدة نقاط لنقاشه شخصياً
*****

[الهمة القادمة]

اسال الله يشفيه ويجعل ذلك بموازينه وموازين اعمالكم

بصراحة مايستحق كلمة معلم ممكن همجي تنفع معه
اين هو من معلم البشرية صلى الله عليه وسلم لما دخل الاعرابي وبال اعزكم الله في المسجد وكيف تعامل معه بابي هو وامي صلى الله عليه وسلم
والي سواه اخوك شيء بديهي يسويه الي بعمره هو الان بمرحلة طفولة ووفي هالمرحلة تكثر الحركة

اختي والله فيه معلمين خلونا حتى احنا المعلمين معهم وربي احيانا نتمنى تنتهي السنة وننقل
الله يصبركم وعليكم بالرقية على اخوك والصبر والاحتساب وان امكن نقله لمدرسه اخرى
حفظك المولى

[سعود]

استاذه غلا
بصراحة مشكلة عويصه !
لكن لكل مشكلة حل

أنا اعتقد لو الوالد الله يحفظه يتفق مع نفس المدرس بأن المدرس يأتي بنفسه للبيت
ويقدم اعتذاره لاخوك وياليت يجيب معه هديه

ومن الأفضل كذلك يكون هناك تنسيق

ويأتي المعلم وجميع طلاب الفصل وكل واحد يجب معه هديه

يعني يسـتأذنون من المدير حصة واحده ويأتون لبيتكم ويقدمون الهديه لاخوك
ويقولون ماراح نرجع للمدرسة بدون لان المدرسة بدونك ولا شي

هنا ربما يتشجع اخوك ويذهب معهم ويعود للمدرسة

انا بصراحة زعلت من تصرف المدرس الارعن

اشكرك ياغلا على طرح مثل هيك مشكلة شخصية

تحية عطرة

[عناااان]

السلام عليكم ورحمة الله وبركاته

بما أني معلمة حبيت اشارككم هذا الموضوع
اعتقد ان المعلم ضعيف الشخصية لان الطفل عندما رد علية بكلام منطقي انحرج ولم يعرف ماذا يفعل الا ان يعاقبه حتى يخاف البقية منه ويقولون ان هذا المعلم قوي<<<<<<هذا من ناحية
اما ماأعتقده انه حل مناسب هو ان تغيرون المدرسة وان تذهبون به الى مدرسة جديدة وان تخبروهم بالمشكلة لعلهم يقدرون ذلك ويحببونه بالمدرسه وايضا اعجبني حل الاخ سعود بان ياتي المعلم ويعتذر منه لكن ان كان المعلم كمن ذكرت سابقا فلن ياتي

مع خالص تمنياتي لاخيك بالعودة الى المدرسة هو بافضل حال
واتمنى ان تخبرينا عما سيحصل

[همـسة نغـــم]

غلا أبوها ....
اختي نفس الشي بس ماعندها توحد تجيها حاله غريبه لمدة دقيقه و دقيقتين...تفقد وعيها..
ودحين بالصف التاني طفله ماتحب احد يكذب عليها ولا تحب الكذب وماتحب احد يغلط عليها
لا ابوي وامي قدروا فيها مثلا : مره من المرات قالت لأبوي ودينا الملاهي قالها ابشري بكره العصر وأوديكم ويجي اليوم التاني وابوي راجع من الدوام تقوله بتودينا يقلها بكره...
ياليت تشوفينها وش تسوي تبكي وتروح عنده وتقوله انت كذاب وربي بدخلك النار يجي يبي يأدبها تهرب للوالده وتقوله الوالده تستاهل من قالك تقولها...
تجلس تبكي وتعصب وتعرفين الاطفال تقوله في ابو مايودي بناته يمشيهم عمي فلان احسن منك دايم يمشينا يجلس شوي ويقول يالله...وش تتوقعي تقوله .....خطيره هالبنت تروح وتعصب تاني مره وتقوله انت كذاب وماتبقي كلمه ماتقولها بس بطريقه مش ولا بد بلأخر هي الكسبانه...



المهم تخيلوا انتي تقولي مدرس كره اخوك فما بالك بعمتي مديرة المدرسة ...
نفس حكايتك اخوك المدرسه صحبة عمتي موت وماتحب احد يغلط عليها...
اللي صار تغريد ماتحب احد يغلط عليها مين ماكان واحيان تحسينها اكبر منك عقل..
قالتلها المدرسه تبي تستفزها انتي مو شاطره فلانه احسن منك عصبت وقالتلها الا انا اشطر وحده بالفصل وانا اشهد انها ماكذبت ..بسم الله عليها المدرسه دي تكره الاطفال ودرستني قبل اختي من المعمرات
طبعا غروده ماقصرت (((وتفلت ))) ع وجه المدرسه وردة حقي الضايع هههههههههه
تستاهل وربي...قامت وضربت اختي وسحبتها للإداره عند عمتي..وماقالت لها السالفه بس قالت بنت اخوك تفلت ع وجهي قليلة الادب جت تغريد تتكلم ضربتها عمتي هنا تغريد كن احد قتلها وعمتي قالت لها مافي فسحه ومافي اكل...
واختي ماشاالله ربروبه امنعوها من اي شي الا الاكل...
وهي الوحيده اللي مصروفها 15ريال طلعتهم قدام عمتي وقطعت الفلوس قدامها وقالت لها ربي بيحاسبك ياشريره وجلست تبكي وحبستها بالاداره الين قبل نهاية الدوام وقالت لها روحي كلي طنشتها وراحت فصلها
وانتظرت ابوي وجا اخدها دقت عمتي وغيرت السالفه وقالت ماضربتها بس عصبت عليها والمدرسه تقول مارح ترجع عالمدرسه الا وتغريد مفصوله ...الوالد كلمها وتخاصموا وقلها يبي يرفع شكوى ع المدرسه
ويقولهم ان المدرسه دايم تغيبها لما يكون في حفل او مشرفات جايين ...
قالت لا خلاص ...وسكتت
وللامانه اختي شطوره ومؤدبه مع اللي يحترمها ....
ادعوا ربي يشفيها من اللي فيها يقول الدكتور انه فرط حركه بس ماظنتي فرط الحركه تخلي الواحد مو بوعيه ودكتور تاني قال يبيلها معامله خاصه وحكت امي مع المدرسات ولاكن ..........
المشكله ماعندنا مدارس اهليه بالمنطقه اللي حنا فيها ولا كان ارتحنا..

ياشيخه مافي غيرالمدارس الاهليه..دلع
ولد خالتي كان بمدرسه حكوميه وكان يشتكي من العيال والمدرسيين الحين يحب الدراسه ربي يوفق الجميع..

[جبل3]

لاحول ولاقوة الا بالله
للاسف الشديد اصبح كثير من المعلمين والمعلمات لايراعون الجانب النفسي للطلاب وخاصه الصفوف الاولى الابتدائية رغم ان هذا الجانب اشد وقعاً على الطالب من الضرب
اسئل الله الكريم ان يشفي اخيك وان تعدي ازمته النفسيه ويعود للمدرسه
الحل اخي الكريم نقل اخوك لمدرسه اخرى غير هذه المدرسه
وان شاء الله تتحسن حالته

[][يـتـيـم آلـفـرحـہ][]

الله يشفيه

والله بصراحه انا شفت حالات كثيره

لاكن مالكم الا الدعاء له هذا اولاً

ثانيا انتم بالبيت اخوانه واخواته لازم تتبعون اسلوم المدح للمدرسه على طول حتى انه يقدريصرف نظره الفكره انه ما يداوم حتى لو تظطرون تستخدمون الكذب بالمدح
خلوه يختلط بأولاد الجيران اولاد عمه الاختلاط بالعالم الخارجي للطفل مفيد اذا كان عالم فيه اخلاق حميده وصفات جميله تبين له احترام الاخرين له واخيراً وليس أخراً

سجلووه بتحفيظ للقرأن << ركزي على النقطه هذي كثير وحطي خطين حمر تحتها

[غـــربة الــروح]

استاذه غلا
بصراحة مشكلة عويصه !
لكن لكل مشكلة حل

ومن الأفضل كذلك يكون هناك تنسيق

ويأتي المعلم وجميع طلاب الفصل وكل واحد يجب معه هديه

يعني يسـتأذنون من المدير حصة واحده ويأتون لبيتكم ويقدمون الهديه لاخوك
ويقولون ماراح نرجع للمدرسة بدون لان المدرسة بدونك ولا شي

هنا ربما يتشجع اخوك ويذهب معهم ويعود للمدرسة

انا بصراحة زعلت من تصرف المدرس الارعن

اشكرك ياغلا على طرح مثل هيك مشكلة شخصية

تحية عطرة

انا مع سعود

لكن يمكن تكون في كوكب المريخ وليس في الكوكب الارضي
وبالاخص في السعودية

للاسف عندنا معلمين ومعلمات يحتاجون تدريب لفن التعامل مع الطالب
انا عندي نفس المشكلة مع واحد من اولادي

لدرجة ان هالولد يذكرني بالعجايز من كثر ما يدعي على معلمه

غلا ابوها


الحل مثل ما قال سعود في حالة ان المعلم فاهم مهنته صح
واذا كان غبي لا يمكن يقدم على هالخطوة

لكن فيه حل آخر

انقلوه من المدرسة نهائي لان الموقف راسخ في ذهنه

عجبي على مدارسنا يبي لها بلدية
وعجبي على معلمينا يبي لهم غسيل مخ

الله يهدي باله حبيبتي ولا يريه مكروه

[ببتعد]

حسبي الله ونعم الوكيل على المدرس المتخلف هذا من جد والله مايستاهل كلمه مدرس..
حرآآآم عليه عقد الولد ..
غلآ .. الله يشفي آخوكـ ويرجعه للمدرسه ..ويارب يارب يفصلون المدرس ..

[عزوز]

الله يشفية

وانا مع كلاآآآم سعووود

لازم الولد يرجع مهما صآرت الظروف

وبعدين حولوه مدرسية اهلية بيكون حاله افــضل ان شاء الله

تحياتى لكـ

[النوووور]

[align=center][/align]بسم الله الرحمن الرحيم
أولا أعانكم الله ويسر أمركم
ثانيا :من الأفضل أن لا نجلس ونندب أوضاعنا التعليمية وأحوال معلمينا الكل فيه من الخلل والتقصير ما الله به عليم لكن لنبحث عن الحلول المناسبة للمشكلة قد تكون فكرة أن يحضر المعلم للمنزل ويعتذر منه أمر فيه نوع من الصعوبه
لكن لتحضرو له هدية شئ يحبه ويفضله وتقولون أن المعلم أرسلها لك وهو محرج منك ولم يكن يقصد وتبررون تصرفه ،في المقابل يذهب الوالد للمدرسة و يجلس مع المدرس ويشرح له وضع الطالب ويبين ويطلب منه أن يساعدكم في تحسين وضع أخوك وأنكم معه ،في الغالب طبيعة النفس البشرية تصاب بالإحراج من الأسلوب المهذب طيب الكلام ،بعد ذلك تحاولون أن تحسنو الأوضاع بينكم وبين المدرسة
أعرف أن الخطاء علي المعلم لكن أنتم الآن يهمكم أخوك ووضعه في المدرسة .
أعانكم الله وفرج لكم همكم وبشرينا إيش يصير معاكم.

[تولين]

لاحول ولاقوة الا بالله
موقف صعب أن يهان طفل أمام أقرانه حاولوا أن تغيروا المدرسة الحكومية وتبلغوا الادارة بحالة أخيك
حتى لا يتعرض لمثل هالموقف لأن بعض الحالات لابد أن تعرف الادارة بها وتبلغ المدرسين بأن يعاملوا معاملة مختلفة حتى لا تتأزم نفسياتهم

[سليمان الذويخ]

السلام عليكم ورحمة الله وبركاته

ما فيه حل الا ما تفضل به الأخ سعود

يجي المدرس ببساطة للبيت عصرا ويقول له ان كلمة ( خبل ) اقصد بها اللي ما يستأذن ( مثلا )

وكان مفروض ما استخدمها

ويمكن ايضا يسوون مباراة كرة ويكون اخوك بنفس فريق المدرس
وينبه المدرس الى الاهتمام به
وما محبة الا من بعد عداوة مثل ما يقولون

كل هذا على امل ان يتقبل المدرس الفكرة ويصحح خطأه بحق اخيك

بس ترى التعليم مبتلى بمثل هذا المدرس كثيرا
ربما ان هالحاله طفت على السطح هنا
اما ما خفي فهو اعظم
شـكــ وبارك الله فيك ـــرا لك ... لك مني أجمل تحية .