الرومنسيه (متزوجين+) بلا 18 بلا خرابيط ههههههه

[فايز ماجد]

يوووه ياغلا اثرك تصيرين شريره اذا عصبتي ههههههههههههههههههههههههه




من جد صايره مثلي عنيفه اذا عصبتي ههههههههههههه

كل ذا عشان ايش؟؟؟

عشاني قلت اللي ماتاخذ عتيبي تنتحر !!!!


طيب خلاص بنغير القاعده : اللي مو ماخذ عتيبيه ينتحر ههههههههههههههه

<= ولا زلت احامي وادافع دون بني عمي ههههههههههه

مرسي غلا ابوها على هالحضور العنيف والغير متوقع :مزون:

محمد ليش ننتحر

من جد مالت عليك بس

خسارة اني صديقك بس ورديت

على موضوعك الخبل

[( وجـه القمر )]

للترجمة فقط :

ابك / لفظ زائد لامعنى له

والله / لفظ الجلالة واستخدم هنا للقسم

إنا / أي نحن ويعود الضمير على معشر الرجال الرومنسيين

حليلين / أي طيبين القلب وتستخدم في احيان كثيرة بمعنى خبل

نبا / بمعنى نريد ونرغب وليس لها مصدر في معاجم اللغة

الحياة / الدوام والنوم والكبسة ودوري زين للمحترفين والمرأة

مار / تأتي دوماً بمعنى لكن

ما عينا / بتشديد الياء أي لم نجد

واالن محسن / شخص حكيم يرشدنا ويقودنا لبر الأمان

والجملة ككل داجة ولا توضح معنى كاتب الموضوع من حيث أرتباطها بالمعنى الكلي للموضوع


هذا والله اعلم

أعتقد ( ابك ) = أوبس ..

يعني تصير الجملة بعد الترجمة :

اوبس .. والله احنا الرجال الرومنسيين طيبين أو ( مخابيل :مزون:) نبغى الحياة بس ما لقينا أحد يعطينا وجه ..

هههههههههه

صدقتك يا ابن ضاوي ..

أبو عبد الرحمن .. ماشالله عليك .. شرح وافي .. شكلي أطلب مساعدتك في قسم الألعاب :مزون: ..

[غـــربة الــروح]

للترجمة فقط :

ابك / لفظ زائد لامعنى له

والله / لفظ الجلالة واستخدم هنا للقسم

إنا / أي نحن ويعود الضمير على معشر الرجال الرومنسيين

حليلين / أي طيبين القلب وتستخدم في احيان كثيرة بمعنى خبل

نبا / بمعنى نريد ونرغب وليس لها مصدر في معاجم اللغة

الحياة / الدوام والنوم والكبسة ودوري زين للمحترفين والمرأة

مار / تأتي دوماً بمعنى لكن

ما عينا / بتشديد الياء أي لم نجد

واالن محسن / شخص حكيم يرشدنا ويقودنا لبر الأمان

والجملة ككل داجة ولا توضح معنى كاتب الموضوع من حيث أرتباطها بالمعنى الكلي للموضوع


هذا والله اعلم

ههههههههههههههههههههههههه هه


ابو عبدالرحمن


هالاعراب خاص لعتيبة والا لكل السعوديين

[صمت الاشواق]

هههههههههههههههههههههههه

ههههههههههههههههههههه

اضحك الله ضرسك يابن ضاوي

ابو عبد الرحمن بجد انت المعجم الوسيط هههههههههههههههههههههه

اقول ياحريمات ويارجاجيل ( حريمات = حريم او نسوه ) رجاجيل بكسر الجيم الاخيرة = رجال

يعني ابو عبدالرحمن احسن مني يعني خخخخخخخ<<<<<

اسمعن الهرج الي يثبت على الشارب ومن تجربه سبع عشر عااااماا هههههههههههههه

الثقل صنعه ههههههههههههههههههههههه

سمعتن ولا لا

خلاصة التجربة = الثقل صنعه :فوشي:

>>> طلعت راعية خبره اجل هههههههههههههههههه

لا وازيدك من الشعر بيت انا انشد حالي ليه الحرمه هي الي تتخبل

تفتح جهاز الكمبيوتر
وبعدين تجلس ساعة اذا جهازها محمله عليه برنامج الكاسبر حق الحمايه الين يفتح هههههههههههههه مدري ليه انخبلت وركبت هالبرنامج خخخخخخخخخخخ

وبعدين تروح للمتصفح وتفتحه ويالليل الليل وتدور بقوقل على الاقلام الفسفورية

وش اقلام فسفورية تقول لي بكل حماس الاخت اقلام تكتبينها على جسمك وتطفين النور وتنور ؟؟؟

يمه وش هالخباله يعني اسير زي الشرطي الي يلبس البدلة المضيئة بالليل عشان محد يدعمه هههههههههههههههه

يا نااااااااااس حرااااااام عليكم والله

يعني ماورانا دوامات ولا ورعان ولا طبخ :مزون:>>>> ياشيخة قمة الرومنصينية

الرومنصينية = الرومنسية نظرا لعزو الصين لاسواقنا الشعبية والدولية بمنتجاتها المقلده

وانتم يارجاجيل لا تعطونهن وجه وتفرحون بالحركات ماتنفع لمجتمعنا خليكم عمليين مثل منتوا

:مزون::مزون::مزون:

الله يشرح صدرك وكل من مر بالموضوع وعلق

تقبل مروري

دمتـ بخير

[شموع الغلا]

ههههههههههه
والله الموضوع هذا وتعليقاتكم عليه
المفروض يصنف أحلى موضوع على النت ههههههه

علي أني ضحكت واجد بس ترى والله استفدت وجاري حفظ المتصفح :مزون:




يعطيك ألف عافيه ،،، ومتابعين :مزون:

[رريم]

نصاائح حلوه تشكرر يا الغالي وعلى قول هيفاء ع الطبيعه كل شي احلى

[قيـس]

والله مدري بس أذاالرومنسيه كذا فعوذه عووووذه عووووذه


وعوووذه عوووذه عوووذه


يأهااا وينطيكم العافيه







ا

[أنين الورد]

ههههههههههههههههههههههههه ههههههههههههه
ههههههههههههههههههههههههه ههههههههههههه
ههههههههههههههههههههههههه ههههههههههههه
هذا الزواج الي بيموتن البنات عشااانه:مزون:
والله من زين الحركاات الله يلوع كبودكم:مزون:
اذا كبرت فكرت في هالحركاات
وبعدين اذا تزووجت بدل ما اروح للمرايه ماادري وين واخذ كحل
ورا ما اجي اشخمط على وجهه امد له شنباات وارسم سكسووكه
واعدل حواجبه عااد يتخرع من وجهه على باله مايكل جاكسون
الرومانسيه حلووه بس مو مثل كذا
العن اووم الحركات بس

[وجن محمد]

,



أرجو مراجعة ردي في موضوع (اللي تبي الاجر تتزوج سعودي :مزون:)


لا وأزيدكـ من الشعر بيت وحدة تقول البسي لبس لبوة وخليه يحس انه اسد ههههههههههههههههههههه لا حول ولا قوة الا بالله ..

ياما استهبلت على خوياتي وقطعت فيهم وهم يدورون هالحركات دواره ويطبقونها ويقولون انتي يارحيل مو رومانسية مسكين اللي بياخذكـ راحت عليه

لو احفظه في غيابه وحضوره واذكره بالخير في كل وقت وامام الكل مهما كانت اخطاءه واوقف معاه على الحلو والمر واتحمله واتحمل ظروفه واحب أهله مثل اهلي وأستقبل ضيوفه واحترمهم واحترم خصوصياته ونكون يد واحدة واراعي الله فيه وأكلمه بالكلمة الطيبة وأتعامل معاه برقي وأدب مع شوية ثقل ورزانة :icon_cool واحفظ اسرار بيتي واربي اطفالي التربية الاسلامية الصحيحة ..
واذا مرت علينا ذكريات ومناسبات حلوة مثل خطوبتنا او يوم زواجنا او أعياد ميلادنا او عيد ميلاد احد اطفالنا مايمنع نتذكرها مع حفلة رقيقة وذكريات طيبة ومن فترة لفترة نخطط لطلعة تكون غير روتينية واعتيادية داخل المدينة اللي ساكنين فيه واوقات العطلات نقضيها بترتب برنامج حلو يكسر الروتين ويبعد الرتابة والكآبة من الحياة بالإضافة الى حرصي على اناقتي الدائمة في لبسي وشكلي وحتى ثقافتي واسلوبي
راح اكون رومانسية من وجهة نظري ..

وإذا غلط حياخذ على راسه لمااااااااااااااااا يقول تبت

<<<< ماعندها يمه ارحميني !!


محمد صـــــــــــــح عليكـ ..

تشكرات ,,



,

[мαηѕoя]

.

/

صدق من قال : ( شعب ملعوب عليه )

"

محمد

شاكر لك

/

.

[رحيل السنين]

السلام عليكم

اإن تجديد الحياة الزوجية بين الرجل والمرأة من حين لآخر شيء ضروري وهام حتى لا تتعرض حياتهم للملل والروتين .....

لاشك ان الرومانسية موجودة في الحياة من حولنا مثل العبير الحلو الذي نستنشقه في الهواء، كما أن لها شفافيتها وجاذبيتها.....

ففى الحياة المشتركة يجد الحب أشكالأ جديدة

يعبر بها عن وجوده ويؤكد بها أصالته وعمقه

ونحن من نعبر عن الرومانسية بطريقتنا

وليست هي من تخلق نفسها بيننا

والرومنسيه ليس بالحركات للي تسويها وتفعليها لازوجك بال بالكلمه الطيبه بالمحبه برضاء الله وحفظ زوجك وتشارك زوجها في كل شئ لان الزوجه والزوج اسرارهم ستر وغطاء
واحب اقول (للمتزوجين نصيحه ) لاتنظرون لإزوجاتكم بنظرت استحقار ليش ماهي رومنسيه ياربي مخذ سعوديه وثقيلت دم اف وش طيحني بها لو مخذ لبنانيه كان الحين الغنج والدلع
اولا: اقول بلاه خربيط
ثانيآ: ويكفى اذا رجعت لبيتك تحصل الملكه قدامك فديتها تستقبلك بحرارء يكفى تقولك هلا بالغالي حتى لو كانت لبسه خيشة بصل يكفي انها هي للي تزين البس مو البس يزينها لانها انيقه جميل تحافظ على مظهرها وهذا يكفيني

[محمد بن ضاوي]

ريم البنات ,,,


ياهلا فيك والله

يا أخي كل واحد يقدر زوجتة ويشكره على الي تسوية حتى لو كا ن موعجبة يقدر تعبها لانها أكيد ما سوت كذا الا حب في زوجها

صادقه والله صادقه

هذا اللي مفروض يتبعه الرجل في تعامله مع زوجته

الحس الانساني والاهتمام بمشاعر الاخر مطلوب كثير
حتى لو بينك وبين نفسك تعتقد انه نوع من المجامله ومو راضي عنه بس لابد ومع الايام كل شي بيصير احلى من سابقه

بس أشكوى لله من الرجل السعودي ما ينفع فية شئ

هو حصل شي عشان ينفع ولا لا؟؟ ههههه

مرسي ريم البنات على هالحضور

[محمد بن ضاوي]

خالد ابها ,,,

تسلم على هالحضور

لك مني تحية اجمل ههههههه

[محمد بن ضاوي]

وجه القمر ,,,

ياشيخ يريت كل الرجال زي بابا ..

افري بنت بفاذرها معجبه ههههههههه

بس عجبتني فكرة الكتاب .. قلت أجرب :مزون:

تراني ماخذ اكثر النقاط من كتاب اسمه رمنسيات زوجيه والغريب يقولو انه وصل للطبعه العاشره !! هههههه على ايش ياحظي ههههههه والله قريته كله خرابيط

سؤال قبل ما أطلع :

( ابك والله إنا حليلين و إنا نبا الحيااااه مار ما عينـّا واالن محسن )
أيش دا ؟؟ ما فهمت شي

تقبل مروري ..

دمت بود ..

الله يخلي لي مديرنا الفاضل ابو عبدالرحمن هههههههههههه جاب الترجمه كلها ههههه

تسلمين وجه القمر على هالحضور

[محمد بن ضاوي]

والجملة ككل داجة ولا توضح معنى كاتب الموضوع من حيث أرتباطها بالمعنى الكلي للموضوع

مرحبا ابو عبدالرحمن

اول شي شكرا لك على هالترجمه اللي حتى كاتب الجمله مايقدر يجيب مثلها

ثاني شي ليش الجمله داجه؟ وماترتبط بالمعنى الاصلي للموضوع؟

والله لو حسيت بها بجد وتاملتها تلقاها تصب في حديد الموضوع هههههههههههههه

ثالث شي والاهم ههههههههه ليش ماعلقت على الرومنسيه ؟؟؟ والله الظاهر انك ابعد ماتكون عنها

تصدق اني ودي اعرف تعريفها فعلا

والله اتمنى من اي احد يعرف معناها يقوله لي

رابع شي الف شكر على هالحضور الجميل مديرنا