مجاراة شعراء غرابيل ( موضوع أسبوعي)

[محمد السبيعي]

السلام عليكم ورحمة الله وبركاته

شعراء غرابيل الأفاضل ..

من باب التنويع والتواصل الشعري فيما بيننا ..

أطرح لكم هذا الموضوع الأسبوعي

والذي يحوي فكرة ومضمون داخل الأبيات

ونطلب منكم الرد بخمسة أبيات ترتبط مع البيتين التاليين بالقافية والمعنى

ننتظر ردودكم ومشاركتكم داخل هذا الموضوع ونرجوا عدم كشف المعنى نثرياً


[poem=font=",6,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
اختلف وقتنا وأصبح النقص زود = والنطيحه بدت ترفع حجاجها
شفت سيّد وسيّد ولا أحْدٍ يسود = عاكسوا قافلتنا ومنهاجها
[/poem]



وتقبلوا مني أعذب التحايا

[أمل عبدالعزيز]

,
,

الأخ القدير الشاعر محمد السبيعي:


فكرة جميلة ورائعة للغاية
وفيها استعادة لياقة ذهنية للمحاورة ولكن بطريقة أخرى.
.

لي عودة تليق بهذا الموضوع ودمتــَ بخير...

[أبوعبدالرحمن]

مساءك شعر يابوتركي

لي عودة

[وسيع البنايد]

مساء الخير يالسبيعي


انا اسجل مروري ولي عوده انشاء الله

[صالح الروقي]

مساءك سكر يابو تركي

والمميز لا يبحث الا عن التميز

صح لسانك

ولنا عووووده

[النوري]

اختلف وقتنا وأصبح النقص زود
والنطيحه بدت ترفـع حجاجهـا
شفت سيّد وسيّد ولا أحْدٍ يسـود
عاكسـوا قافلتنـا ومنهاجـها

والردي قام يتمخترعسا مايعـود

والسماجه تعلت شبت سراجها
والله العالم ان الوقت مافيه فود
والفضيله تصيح وترجع ادراجها
الآصاله عمت وتماثلت للركود
والنذاله طغت وارتفعت ابراجها
الله المستعان وحكمته بالوجـود
يالطيف خبير ولطـفك افراجها
الضعيف يتضور والغني محسود
جاع ذيب الشجاع وشبعت نعاجها

محمد السبيعي

موضوع جدا رائع

وتنشيط للركود الحاصل هالايام

هذي مشاركتي وارجو تكون حول الحروه

اتمنى تحوز على اعجابكم واصيب الهدف والمضمون

تقبل شكري على جهودكم المبذوله

ومزيدا من التميزياشعراء الغربيل

ننتظر العمالقه بشوق

[عوادالعلي]

[poem=font=",6,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
اختلف وقتنا وأصبح النقص زود = والنطيحه بدت ترفع حجاجها
شفت سيّد وسيّد ولا أحْدٍ يسود = عاكسوا قافلتنا ومنهاجها
[/poem]



صح لسانك يامحمد


وبيض الله وجهك



[poem=font=",6,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الاسد كب السياسه والسياده للقرود=علت(ن)سودا تفشت ماعرفت علاجها

يازمن وش عاد باقي من تقاليد الجدود=ارحم النفس الاصيله لاتزيد احراجها[/poem]

[عادل الذيابي]

المجنن ماتصحيهامصحيت الرقود-لوتوقت ساعتك ومنبهك لزعاجها
كنهم في غفوت الموتاتحت ذيك الحود-مادرت عن فاتل الحجه ولافلاجها

[محمد الجبريني]

سلام عليكم
مشكور اخوي محمد السبيعي
وهذي مشاركتي ان اعجبكم منها لو بيت واحد اظيفوه لاهنتم
ودمتم سالمين


[poem=font="arial,6,blue,bold,italic" bkcolor="transparent" bkimage="" border="groove,8,red" type=2 line=0 align=center use=ex num="0,black""]
العرب يالسبيعي ثلث منهم رقود = وثلث مرضي ولحداً عين اعلاجها
وثلث والو مع اهل الكفر كنهم يهود= وثلث ماتنفع اليومه لامحتاجها
ليت ياشيخ وقت أول علينا يعود =ويحيا فارس الدنيا وحجاجها
مانبي عولمه لعلها ماتعود =عولمتهم سأمنا كثرة أزعاجها
وعولمتنا كسبناها من اصل الجدود= مايعرفون مدخلها ومخراجها
يوم بيت الشعر نبنيه على العمود= رحمة الله لنا ماصك مزلاجها
ارضنا بكل خير ابفضل ربي تجود= كل يوم المطر بامر الولي راجها
لين منه تسيل الأوديه والصمود = والعرب ما تزعزع عالي ابراجها

[/poem]

[(* الوفـاء طبعي *)]

لا هنت
يعطيك العافية

[أبوعبدالرحمن]

اختلف وقتنا وأصبح النقص زود

والنطيحه بدت ترفع حجاجهـا

شفت سيّد وسيّد ولا أحْدٍ يسـود

عاكسـوا قافلتنـا ومنهاجـهـا

قايد الاثنعش همّه المال فود=وأمةٍ تتبعه يطفي سراجها
ننصحه لا يعوّد ولكن يعود=بارعٍ في الغرابيل وإنتاجها
من تعدّى حدوده لقا له أسود =علته عندنا نعرف علاجها
كل حاجة لها لو تطوّل حدود =نقتلعها ولو تحكم سياجها
قالها قبلنا في الشدايد جدود=كل شئٍ ولا النفس وإحراجها

[محمد السبيعي]

,
,

الأخ القدير الشاعر محمد السبيعي:


فكرة جميلة ورائعة للغاية
وفيها استعادة لياقة ذهنية للمحاورة ولكن بطريقة أخرى.
.

لي عودة تليق بهذا الموضوع ودمتــَ بخير...

هلا وغلا بشاعرتنا / امل
وحياك الله ومشكورة على إضاءة الموضوع

وبانتظار ابداعك

[محمد السبيعي]

مساءك شعر يابوتركي

لي عودة

هلا وغلا يا ابو عبدالرحمن

وبانتظار عودتك وابداعاتك المعتادة

[محمد السبيعي]

مساء الخير يالسبيعي


انا اسجل مروري ولي عوده انشاء الله

هلا وغلا يا وسيع البنايد

وبانتظار عودتك يا الغالي

[محمد السبيعي]

مساءك سكر يابو تركي

والمميز لا يبحث الا عن التميز

صح لسانك

ولنا عووووده

يا مساء النور والسرور يا استاذ / صالح

وما عليك زود ، وبانتظار ابداعك