[align=center]
بسم الله الرحمن الرحيم
السلام عليكم ورحمة الله وبركاته
هذه قصييده غزليه
[/align]
[poem=font="mudir mt,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ابطيت عن همسك وقربك ولا ماك = ياللي يمينك زاهيه بالخضابي
اقفيت وانا ماني بقاوي اقفاك = وضربت كف الوصل يالين عابي
ياشيب عيني من بعادك وفرقاك = شيّبت وآنا توني في شبابي
الكامل الله كاملاتاً مزياك = وكيف اوصفك وانته بداية عذابي
الجيد ليل ٍ في قفايتك غطاك = والمبسم اللي صالحاً للشرابي
والعين في مقياس تقويست شفاك = والخد كلمات العنا والعتابي
اقرى جمالك وارجع اكتبك وامحاك = وفي كل يوم افقدك داخل كتابي
انساك؟ لا والله لايمكن انساك = وهذا مع كل المآسي جوابي
واقف على ضلع القدوم اتحراك = بين الجبال المضلمه والهضابي
ابيك جنبي واترجاك وانخاك = اطردك كني ماطرد الا سرابي
عجزت لا افهم خطتك من زوياك = وعجزت اطولك وانا اطول السحابي
وعجزت لا ادخل في محيطك وفحماك = وعجزت لا اعبر عن اللي جرابي
ياكيف تطرد ضامياً وارداً ماك = وسيف الهجر مشهور ماله نصابي
تعال ابا اضمك واحفضك وابا ادراك = واشيلك بعيني ليوم الحسابي
عسى صدوف الدّهر دايم تعداك = وجعلي ماشوفك مندفن بالترابي
اقفيت والخفاق قفى مع خطاك = ليتك تحن وتحسب اللي جرابي
[/poem]
رد مع اقتباس
