مساكم الله بالخير جميعا
وكل عام وانتم بخير بس جت متأخره قلنا نخليها لرمضان والعيد مره وحده :)
غياب متكرر ولكن نعود بهذه المتواضعه علها تشفع غيابنا
[poem=font="times new roman,6,purple,normal,normal" bkcolor="transparent" bkimage="http://www.g111g.com/vb/mwaextraedit2/backgrounds/32.gif" border="inset,4,purple" type=2 line=0 align=center use=ex num="0,black""]
يابحر جده دخيلك طحت بيدين السروق=سارق أغلى شي عندي والهوى ويّاه فاق
ماأحسّ اليوم غيره حبّ(ن) لقلبي يلوق=فدوته منهو عرفت بدنيتي لو كان لاق
شدني مافيه كلّه ساقني للحب سوق=والله انّي كنت أحسْب قليبي أبد(ن) مايساق
يابحر حبّه بقلبي يشبه لوقت الشروق=ينشر النور بحياتي والسعاده والوفاق
ياكثر حبّه بقلبي كل هالعالم يفوق=ماكذبت ان قلت أظنّه حبي لعينيّ فاق
ساكن(ن) في وسط عيني يجري بدم العروق=افرح ليا جيت عنده واشعر ان البال راق
يابحر ماهو مثل غيره به آلاف الفروق=لاحسد لاحقد عنده لاخيانه لانفاق
يابحر جيت اشتكي لك وحشتن وسط الخفوق=لو تشوف الكون كله في غيابه كيف ضاق
يابحر مجنون حبّه دايم لشوفه شفوق=ليته بجنبي واعبّر عن شعوري بالعناق
يابحر ياليتني مثلك بلا قلب(ن) وشوق=ليتني مااشيل همّ البعد وأيام الفراق
ليتني لاغاب عنّي ماأحسّ بأيّ عوق=مايدكّ الضيق قلبي والحزن والاشتياق
يابحر أعجز أوصّف حبه بكل الطروق=والبلاغه ماتكفّي لاجناس ولا طباق
يابحر شكواي لله كيف خلاني أذوق=نار هجرانه وحمّل خافقي مالا يطاق
يابحر ليته يحسّ انه ترك قلب محروق=ليته يحسّ اني اشعر في غيابه باختناق
آآه من جرح المحبه وآآه من قلب(ن) يتوق=للتلاقي والوصل ماعاد فيه اي اتفاق
آآهتين بوسط صدري بعدها مااظن اروق=والسبب من هالمحبه يوم تاليها فراق[/poem]
رد مع اقتباس
-new.gif)
