[poem=font=",5,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ذرني على حالي وانا كاره دروب العاشقين = دام ان مواريها تبين للوجيه الشاحبه
اللي عليها من عذاب الحال شيءٍ ما يبين = الا وسط قلب المحب المستهيم وصاحبه
وانا عشقت وعشقي الهم نبض فكر الكاتبين = ياللي نباك ابه الحلا والزين به متصاحبه
ان كان ما تعلم عليك وجوب بحثٍ باليقين = واوسع مجال اللي ينوّح دون قلبٍ ناحبه
يا شبه قطرات الندى يا نبض عرق الياسمين = يا أزهى من اللي نبتها في كل صوبٍ راحبه
ما صار لك وسط الهوى كله عشان العاذلين = وماصار لي وسط الهوى ما قط احدٍ طاحبه
هذا وانا لجلك فعلت ولجل قلب ولجل عين = وافعال قلبك بينت لي كل شيءٍ فاحبه
الحب كذب الأولة والثانية شيءٍ حزين = يصعب على مثلي يقوله عند شخصٍ شاحبه
آسف على كل اتصال وشرح نبض المرسلين = وآسف على كثر المجي والليل بدره ضاحبه
هجرك عطاني دافع وزود عزوم الصابرين = واللي يزيح من التغلي جاهلٍ ما زاحبه
الك الوداع وكل فرقى تستبيح المقلتين = ما دام قلبك هاجرٍ قلبٍ عليلٍ لاحبه[/poem]
رد مع اقتباس
