مسابقة سلامة سلطان الكبرى وهذه المشاركة

[عبدالله بن فهد]

لقد شاركت في مسابقة سلامة سلطان والقصيدة نالت رضا اللجنة ولله الحمد

1-للموقف السامي خذا الفكـر مـالاق

يختـار مـن جـزل المعانـي دررهـا

2 في قالب الابـداع تجمـع وتنسـاق

تسمـو معانيهـا ويسـمـع خبـرهـا

3 الدار تسكـن بالضمائـر والاحـداق

بحفـظ الولـي مافيـه حـيٍ غـدرهـا

4 مصيونـةٍ ماباقهـا كــل بــواق

ترجـى حسانيهـا ويــدرا خطـرهـا

5 ياخـادم البيتيـن للعـهـد ميـثـاق

طاعتـك خــلاق البـرايـا ذكـرهـا

6 الشعب يزهـو بالامانـي والاشـواق

فـي شوفـة اللـي جيتـه ننتظـرهـا

7 سلطان حبك بالمشاعـر والاعمـاق

اقلـوب شعبـك فيـض حبـك غمرهـا

8 المملكة في جيتـك تشـرق اشـراق

وستبشروبـك بدوهـا مـع حضـرهـا

9 ياكاتب التاريخ فـي بيـض الاوراق

سجـل فخـر مـن برهـا لابحـرهـا

10 سلطان سلطان الوفا زاك الاعـراق

عدى على اهل الطيب بالطيـب وأرهـا

11 ابوالكـرم والجـود للخيـر سبـاق

لـه مـدةٍ تجـنـا كـرايـم ثمـرهـا

12 مدات جـوده بالنواحـي والافـاق

كم ديـرةٍ مـن فيـض جـوده عمرهـا

13 غيثٍ نثر وبله على القاع ونسـاق

واصبـح بساتينـاً تطـارد اخضـرهـا

14 ياما عطا من معسر(ن) وانفق انفاق

وعلـى العطـا نفسـه وليـه فطرهـا

15 يمناك ياراع العطا تغـدق اغـداق

عنـد اليتـامـا والارامــل خبـرهـا

[محمد بن ضاوي]

عبدالله بن فهد ,,,

صح لسانك ولاهنت

وبالتوفيق لك باذن الله

[أبوعبدالرحمن]

صح قلبك وكلك


وشعور غير مستغرب من مبدع مثلك

تحيتي لك

[ليــن القســا]

بالتوفيق أخوي ..
مقطوعة رائعة تستحق الإشادة ..وخاصة وهي تسمو بذكر معان سمو ولي العهد الأمير سلطان بن عبدالعزيز..

[عبدالله بن فهد]

عبدالله بن فهد ,,,

صح لسانك ولاهنت

وبالتوفيق لك باذن الله

صح الله بدنك وبيض الله وجهك طال عمرك على المرور والتعليق الرائع

[مذكر الروقي]

عبدالله بن فهد

صح السانك وعتلا شانك

جزل ياالجزل
تقبل مروري

[دفء ورذاذ"]

:

.

صح لسانك..

أبيات جميله جداً لايستغرب أن تعجب اللجنه..

[مفرح بن مناحي]

صح لسانك يا أبو فهد

قصيدة راااااائع في رجل يستحق المديح


بانتظار جديدك

[مقرن بن زقيع]

الغالي عبد الله بن فهد


صح لسانك وبيض الله وجهك قصيده رائعه

الله يوفقك انشالله

تحيتي لك

[محمد الروقي]

صح لساانك

لن ترضى وبالتوفيق انشا الله

تقبل مروري وتقديري

[عبدالله بن فهد]

عبدالله بن فهد ,,,

صح لسانك ولاهنت

وبالتوفيق لك باذن الله

تسلم طال عمرك على المرور والتعليق الرائع الله لايهينك

[صالح الروقي]

ياسلام عليك ياعبدالله

صح لسانك وعلى شانك

وبالتوفيق

[عبدالله بن فهد]

صح قلبك وكلك


وشعور غير مستغرب من مبدع مثلك

تحيتي لك

صح الله بدنك وكلك طال عمرك انت مرورك شرف بحد ذاته يالقرم

[عبيد الكثيري]

صح الله لسانك يالشاعر/عبدالله فهد ولا هنت


تحياتي لك

[خــــالـــــد]

[align=center]
صح لسانك وقلبك

والله يوفقك

قصيدة جزززلة

لاهنت
[/align]