المشاركة الأصلية كتبت بواسطة بخيتان اليامي
بسم الله الرحمن الرحيم
السلام عليكم ورحمة الله وبركاته والشهر عليكم مبارك، بعد غيبه طويله أعود لكم أحبتي بهذه المتواضعه أتمنى أن تحوز على رضاكم.
[poem=font=",6,darkblue,bold,normal" bkcolor="transparent" bkimage="http://www.g111g.com/vb/mwaextraedit2/backgrounds/196.gif" border="double,4,royalblue" type=1 line=1 align=center use=ex num="0,black""]
تدرون ويش اللي يهز المعاليق؟=شي تبيه وحظك اللي يرده
الصبر ماينفع ولاعدت أنا أطيق=والهم في صدرٍ ضعيفٍ يهده
همٍ يمزق داخل الجوف تمزيق=من واحدٍ ياكيف بيّح بسده
عزي لقلبٍ دايم الدوم في ضيق=لاشاف عز ولا لقى من يمده
حبيب قلبي بالسكن ساكن بقيق=وأنا بعيد وساكنٍ وسط جده
بيني وبينه قمةٍ تشبه طويق=والاش من خلى حبيبٍ يوده
الله عليه شلون مافكره يفيق=ياكيف أبا أنسى من ذبحني بصده
مليت أنا مليت من كل تدقيق=ياليت يفهم يوم واهديه ورده
سبحان من يرزق جميع المخاليق=ربٍ كريمٍ كلنا تحت يده
لو هي على ماقيل فزعة مطاليق=لا أزهم رجال في اللقاء مستعده
ربعٍ تشوش وتعرف السلم وتعيق=ماهي بزمرة شلة مستبده
يامٍ لمن قاموا تضيع المطافيق = والموت كل الموت للي تحده
ياصاحبي ماحن ندور لتصفيق=ولاحن من اللي يعشقون المخده
الله عطانا ميزة دون تدقيق=نجلس سلاطينٍ وشياطين رده
يقطعك ياحبٍ بليا توافيق=لا صار عشق الخل ماهو بقده
الحب ماهو حب من دون تشويق=واللي زرع يجني ثمار المكده
ماينفعك لاصار كله تلافيق=وش عاد لامنه يوصلك حده
ياكيف بسمح للذي نشف الريق=وأنا مع العذال والوقت ضده
ماقول غير أسمع كلامٍ بك يليق=الحب في صيفك تولاه برده
هاذي حياة الناس من دون تفريق=عزي لمن هو دمعته فوق خده
حسبي على وقتٍ يسمى توافيق=وحسبي على الميلات والمستجده
[/poem]
[align=center]
وسلامتكم
[/align]
رد مع اقتباس
