ياهلا مرحبا باللي دخـــــــــــــل...

[الذيب (سرحان)]

ياهلا مرحبا باللي دخل واللــي دخل ياهلا يامرحبابه

ودنا نلعب الطاروق ذالليله ونلعب بشعار الحماسه

من سرى بالغداري بنشده كانه سمعله قنيب من الذيابه

يسري الليل ماهمه قنيب الذيب ولا يعود يم ناسه

[قيـس]

الله الله ..


ماعندي جهاز ذا اليومين واللا كان أجيب لك العلوم اللي تبيها هههههههههه متابع من حين لأخر

<<بين الفينه والفينه ألطش جهاز واحد من العيال وخايف انه يجيني وأنا أغني وفالن أبوها

بالتوفيق للجميع

[رداد العتيبي]

هلا بك يالذيب..



البقاء والبقاء باللي يرحب نبتدي قافنا باللي بدا به..

والبدو ياصحيبي خايلوا برق الحياء ثم هموا با لعساسه


من سرى في ظلام الليل مر الضلع والضلع كم ذيب عوا به

ومن يهاب المساري مايفيده كثر حرصه وذهنه واحتراسه

[الذيب (سرحان)]

تو زان اللقاء بومٍ ربي جابلي من هل الهـــــــيلا عتابه

شاعرٍ يسري الليله على وضح النقاء بالشجاعه والسياسه

ليه صياف ربي يرحمه شاعر يمثل عن العزوه شبابه

مع وجود الزلامي والثبيتي والحريــبي ترى واحد براسه

[رداد العتيبي]

انت ذيب" ليا منه تولم للمســــــــاري هرش كفه بنابه..

معك رجل " يغوص البحر يومن اكثر الناس غارق وسط طاسه

ياصحيبي ترا بعض السوالف مع بعضها على العالم تشابه

وانت لا تستعير لسان غيرك بآخر الوقت وتفصل لباسه

[الذيب (سرحان)]

احسبك يارفيقي شاعرٍ عند المواقيف شاعر ينهقابه

واثرك انته تغوص البحر يارداد تبحث عن اللولو وماسه

كل واحد من الشعار يارداد يلبس مقاسه من ثيابه

وانت تلبس من الدفه مقاسك مير صاحبك فصله مقاسه

[رداد العتيبي]

انت طلاب واللي صار ضيعت الطلابه ولاجبت الطلابه..

ماتداني وانا حاسبك ياسرحان شابع شجاعه مع شراسه..

طيع شوري وخل الليل يسري لايجي علم آخر ينحكى به.

دام غاب الدليل وغابت الوجهه وصارت على الكهرب وماسه


....

والله لايهينك ياذيب ..سرى ليلنا والدوام داهمنا....لكن لنا لقاء على خير

[الذيب (سرحان)]

بيض الله وجهك يارداد وتصبح على خار

[إعصار الروقي]

صح لسانك يالذيب
وصح لسانك يارداد
وبيض الله وجيهكم ماقصرتو مبدعين
الله لايهينكم

[الذيب (سرحان)]

صح لسانك يالذيب
وصح لسانك يارداد
وبيض الله وجيهكم ماقصرتو مبدعين
الله لايهينكم

[align=center][/align]صح بدنك

[align=center][/align]ووجهك ابيض

[align=center][/align]ومن قال مايهون