الى كل واحد تطلب منو زوجته تسافر

[سوسو$$$$]

اقرو القصه هذي زين وتمعـــــــــــــــــنو بالمعــاني زين واي كلمه مو مفهومه اسألونــــــــــــي وانا حاضره لان هالقصه لي خاصه واللي ينقلها يذكر اسمي



وترو هالقصه مني هديه لكم
طلبت من زوجي نروح نسافر وقال ابشري كل شي الا ام العيال امري تدلللي وين تبين نروح
قلت ابي اروح جزر المالديف...
يووووووووووووه وناااااسه
طبعاً انا بالسعوديه وطالعه جزر المالديف وش تتوقعون رح تكون وسيله المواصلات
طياره؟لا
باخره؟لا
اجل كيف بنروح الجزر......
قال جهزو اغراضكم نبي نمشي جزر المالديف يوم الاربعاء ونرجع السبت يعني رح يغيبون عيالنا من المدارس بس الاربعاء والسبت(من كبر الكذبه)
يعني رحلتنا بتكون يومين كاملات بالجزر واليومين الثانيات بالطريق
يالله استعدو..اربطو الاحزمـــــــــه

مشينا على التكسي الاصفر
تمسكووووووووووووو ياعيال لاننسا احد بالرياض ومشينا

(اللحين عرفتو وسيلة المواصلات:تاكسي لونه اصفر)

وزوجي كاشخ بالثوب الابيض والجكيت البني ومشخص وانا لابسه البرقع والمايوه ولابسه فوقه قميص(روز)من سوق طيبه ولابسه عليه بالطو احمر وعيالنا ربطت على روسهم الاشمغه عشان ماتطير من الهوى(الاب مسرع وفاتح الدرايش المكيف خربان)ذابحنا الحر لابسين شتوي والدنيا صيف (نسمع باللي يصيفون)والبنات يووووووه على لبسهم احلى شي لاني احب لبس البنات لبستهم شرتات زرق وهيلاهوبات لونها برتقالي وقبعات ونضارات شمسيه وعلى كل وحده بالطو فرو جلد النمر القديم
وقفنا...بمحطة الخط السريع
وتقهوينا وتحلينا (طبعاً معنا العزبه)...
ويوم وصلنا صرنا ننتقل من جزيره لجزيره مره بقطار ومره بالتاكسي حقنا ورحنا حديقة الحيوانات وشفنا الدجاج والبط والتيوس(كأن ما عندنا مثلها)ورحت ادور ابو ريالين عشان اجيب هدايا وتمشينا على كل الشواطي وجلسنا نصيد ضبان وارانب بريه (يقولون انها منتشره هناك مافيه احد ياكلها)
وسكنا بفندق 7ستارز الفطور كان بيض مسلوق واكواب حليب نياق(لقينا سوداني يرعى بالنياق بصحراء الماديف(من زود الكذبه)
وتغدينا ثم رحنا الى الفندق نقيل(ننام الظهر)
مااطول عليكم....انبسطنا في هالرحله مره مره وكنت جايبه معي الاونو عشان نلعب انا وزوجي على الشاطي ونتذكر الايام الاولى من زواجنا يوم كان مسفرني بحر الظلمات كانت ايام اخاف اتذكرها وابكي(اسعد ايام حياتي ايام العسل) وقتها كنا مسافرين على سيكل ابو 3 كفرات ماكان عندنا اولاد
وجيبه كوره عشان عيالي متعودين يلعبون مع عيال الجيران بالشارع
وجايبه شلاح(تعرفونها اكيد الحريم الكبار يلبسونها اللحين تحت ملابسهم)عشان اذا بغو بناتي يسبحون في البحر حق المالديف
ويوم السبت مشينا للرياض وبنص الطريق التكسي خرب علينا ووقفنا بالطريق لعل ولد الحلال يجي يساعدنا وجلسنا ننتظر 4 ساعات ومالقينا احد يساعدنا ورجعنا رجل
بالمناسبه؟وين تقع جزر المالديف تروني مدري وين تقع..

لاتصدقون هذي كذبه من كذباتي البيضاء
تقبلوا تحياتي...سوسو$$$$

[mido 3asali]

سمعتي اخر خبر.. جزر المالديف نقلوها في الربع الخالي خخخخخخخخخخ
من يوم ماقلتي تاكسي وضبان
عرفت انك في حدود الممكله :مزون:
قصة ختيييييييييييرة ورحلة كانت مضحوك عليكم بيها ههههههههههه
يعطيك العافية

[ريم الحب]

ههههههههههههههههه

يسلمووو ع الكذبه


تقبلي طلتي / يم الحب..

[فهده]

وزوجي كاشخ بالثوب الابيض والجكيت البني ومشخص

يالله احس زوجك مره كوشخه ورينا شكلو خخخخخخخ

وانا لابسه البرقع والمايوه ولابسه فوقه قميص(روز)من سوق طيبه ولابسه عليه بالطو احمر

احيييه لا صراحه انتي اكشخ من زوجك .. بطلت اجل نزليلنا صورك بالمايوه والبرقع :مزون:

وين تقع جزر المالديف تروني مدري وين تقع..

الله اعلم الله اعلم انها في الاذن الوسطى <مسويا ذكيه خخ

سوسو

يعطيك العافيه احلى شي فيك الصدق

سلام..

[عبدالعزيزالرشيدي]

كذبه ماشاء الله خخخخخخخخخخخخخخخ


جزر المالديف مره وحده لا وع تكسي


يعيطك العافيه

[سعود]

هههههههه


أجل عندهم تيوس


طيب عسى مهيب غاليه !


مثل اسعارنا !



بصراحة رحلة جميله


<<= قرر يروح لجزر المالديف



تسلمين على هيك قووووصه


تحية عطرة

[صالح الروقي]

سلمي لي على زوجك السلام الكثير
وقولي الروقي يقول صح عليك

هو سوى هالحركه ووداك على تاكسي عشان ماعاد تزنين عليه وتطلبينه منه تمشيه مره ثانيه

من بكره ابي ادور تاكسي اصفر واسفطه قدام البيت واول ماتطلب ام العيال تمشيه نمشي عليه

شكلك خلاص ماعاد انتي طالبه من ابو عيالتس تمشيه :)

سوسو
انتي متأكده اللي عندهم ضبان ولا تماااااااسيح :)

شكرا على القصه الرائعه
ولا تعبتوا من السفر
والحممد لله على السلامه

تحياتي

[سوسو$$$$]

مشكورين على هالطله الحلوه والردود الاحلى
بس حبيت اقولكم ان فكرة هالقصه جت من شي واقعي حصل لي
من كثر ما اتصفح هالمنتديات واشوف العالم تسافر وصادفت وحده بتسافر جزر المالديف واروح لزوجي قلت سفرني جزر المالديف قال: اوديك على سيكل ابو 3 كفرات ولا تاكسي اصفر قلت: لا طياره
قال ابشري.......... جهزي اغراضك والخميس الجاي اوديك لشي احسن من جزر المالديف
تحمست وقلت وين(والله صدقت بشوف وين اذا مكان حار اخذ صيفي واذا بارد اخذ ملابس ثقيله)
قااااال:بحر الظلمـــــــــات.................. .......
ومن القهر الفت هذي القصه

[امواج هادئة]

عجبتني القصه الخووووووقققققااااااااااا ااااق ومن الضحك ما قدرت انام

وتو ما قدرت ورديت


تسلمين ولا تحرمينا من كذباتك العسل على قلوبنا

<<<< مستحيه ترد بس ما قدرت تمنع نفسها هع

وتقبلي مروري الجديد

لك ودي واحترامي

[غـــــرور أنثى]

ههههههههههههههههههههههههه ههه

يعيطك العافيه سوسو

** وننتظر كذبة جديده

[لطلتي هيبه]

ههههههههههههههه
مشكوره على الكذبه الحلوه وننتظر جديدك
تقبلي مروري