اسعد الله اوقاتكم بالخير والمسرات
اخـــــــــر ماكتبت اتمنى حيازها على اعجابكم وفوزها برضاكم
[poem=font="times new roman,6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
مع السلامه قلتها لك وانا ابيك=غصبن علي اجبرتني يوم اقوله
تعبت ادور بالعذر مايبريك=لاتحسب اني قلتها في سهوله
ولاتحسب اني يوم اقوله معاديك=لا والذي سواك عندي دليله
هذا ترا حكم القدر غصب يرضيك=لو ماتبيه ولو تزايد ميوله
اول عذابك دايم في تحريك=وختمت حبك بالخيانه واصوله
طعنتني ومكانها ظهر مغليك=كنت احسب انك في براءة طفوله
وجرحت قلب بالمحبه يناديك=جاب الوفاء لك ينقله في شليله
لاتعتذر ماعاد تنفع حكاويك=ادوس قلبي حتى لو زاد ويله
هزمتني في لعبتك يوم اباريك=خذيتي بكاس الخيانه بطوله
لامن طرالك حبنا في لياليك=حطيني التذكار في كل ليله
وفر دموعك لاتكثر شكاويك=قلبي تغير يصعب اليوم نيله
روحي تسلي مع منهو يسليك=وشطب على حبي بعرضه وطوله
ابيك امس لكن اليوم مابيك=هذا قراري ولاتدور بديله
مابه امل اني ابرجع وابجيك=الا الثريا تجتمع مع سهيله[/poem]
رد مع اقتباس
