صرنا "تكاسي" كل أبونا وننكد >>> من "الرياض لبوظبي للمنامه"

[محمد بن دوشان]

صلوا على سيدنا محمد شفيعنا يوم الحشر اللهم صلي وسلم عليه
...............................................

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
البارحه واليوم محتاج للغد = يا رب عجل بالفرج والسلامه
والوضع صاير بين واقف وممد = والعاقل إلي صار مثل "النعامه"
وشعوبنا إلي همها تعبر "الحد" = من بعدها تبدأ صراع الزعامه
ما تدري إن البحر يا "جزر يا مد" = "يمد يجزر" من يخالف نظامه
خلاصة الأفكار قم هات قم ود = و"ستايل" الرجال سر اهتمامه
والشايب إلي صار في المجتمع "جد" = شخص "ببرمودا" وطش "العمامه"
واصغر صغير يقول يا "مايس القد" =قام إيتغزل قبل يوصل فطامه
حتى النواعم بعد ما كانو السد = صاروا بوسط "السوق" سلعه وخامه
في عصر "ياستار" لا تنتقد حد = ما عاد تفرق "صقر ولا حمامه"
"الزبده" إنا ما نبي نسمع الرد = الجيد إلي قال "حب وكرامه"
هذي هي أحوال القصايد ولو لد = فيها "الثراء" بالدمع هان "الغمامه"
هذي هي أحوال القصايد ولو لد =فيها "الحجاز" انهد واصبح "تهامه"
هذي هي أحوال القصايد ولو لد = لاحوالها "بوش" اتفق مع "أسامه"
مثل "الرياضة" عندنا كلها شد = وصفيرة "الحكام" عذر الغشامه
"هلالنا والنصر" يا هوش يا هد = لين "الكثيري" أنطرد من منامه
وهزيمة "الريان" يفرح بها "السد" = لو كان يلعب ضد "نادي الكرامه"
واحد "يشوت" والف واحد نوى الصد = الألف خلفه ما توقف أمامه
هجمة ورى هجمة ولا اظن ترتد = إلا "بحارس" طوله ألفين قامه
صرنا "تكاسي" كل أبونا وننكد = من "الرياض لبوظبي للمنامه"
"تكسي" مثل "ددسن" على حوضه "الشد" = يطرح له "المرسدس" رمز الفخامه
و"مناحي ايلالي" على "الباص" لو حد = "جمس(ن)" تربى في طعوس "الثمامه"
بريال بريالين ورسالتك "شد" = و"يلجلج" الشاعر ويكرب حزامه
يجيب له مليون رد(ن) ورى رد = راتبه "ليره" زايد أكل واقامه
و"التكسي" إلي طاح عزمه ولا شد = بيعه على "التشليح" ماهو ندامه
البيع لاعلى سعر ما عاد به حد = اشتر مدام "القرش" بيدك خطامه
بالمختصر يا وقتنا تبغي الجد = "موبايل" الرجال اصبح حسامه
"حرب الموبايل" قدت اعقولنا قد = وحرب "التوابع" تسعد اهل "الاقامه"
والمسلم الي يعرف "الذنب والحد" = يبايع "الوالي" ويتبع "إمامه"
ما قلت لك يا شيخنا "عش أو غد" = الأجر لو تبغيه هات "ابتسامه"
السبت مثل السبت والحد بالحد = والعيد في وجه الزمن مثل شامه
مدام "مدغم" غاب في لحظة العد = الي حلاله راح يفقر حرامه
مدغم خروجه بين "الشد والمد" = و"طويق" ثابت لين "يوم القيامه"
"الخال" حبه جملت صافي الخد = وإن زاد "حب الخال" ما اصبح علامه
والبدر يبقى بدر ما تلحقه يد = ويجمله ليله بقسوة ظلامه
فيا سيدي الفلته على هونك وهد = شوف القمر ساكت وكله وسامه
...................
[/poem]

محمد بن دوشان

[خــــالـــــد]

[align=center]
محمد بن دوشان
ـــــــــــــــــــــــــ ــــــ
__!! شرف الرد الأول !!__


صح لسانك تريليون يالغالي

والله لا يحرمنا إبداعاتك

لك مني أطيب تحية على القصيدة الجزلة

لاهنت
ـــــــــــــــــــــــــ ــــــ
أخوكـ/خالد
[/align]

[سعد البراق]

محمد بن دوشان

صح السانك ، قصيده جزله ،،

الله يعطيكالعافيه ،،،

[نياف العتيبي]

ابن دوشان


سهام هنا وهناك لايطلق عليها طائشه


لان راميها يجيد الرمايه


صح لساااانك


ولاهنتتتتتتتتت


الناااااايف

[احمد مناحي]

محمد بن دوشان

هلا بك وغلا

صح لسانك الى رضاك

قصيده فيها كل شي وجمعت كل شي

والمتتبع لها يضطر للذهاب في كل الاتجاهات التى تجتمع

بالاخير عند هدف واحد ..

<><<<<<<<<<<< متأُثر في تعليقات بدر صفوق (*_^)


كتبت فابدعت

تقبل مروري

[ماجد]

[align=center]شاعرنا المتألق

محمد بن دوشان

وااافي وابيات في قمة الروعة

صح لسانك مليون وعطر الله قبر من جابك ياغالي

لاهنت

نبضـ الشمااالــ[/align]

[مضحي السميري]

والشايب إلي صار في المجتمـع "جـد"
شخص "ببرمـودا" وطـش "العمامـه"




هذا هو نكبة المجتمع تفلت الشياب



لاهنت يابن دوشان


مبدع وممتع


صح لسانك

اخووك

[محمد بن دوشان]

[align=center]
محمد بن دوشان
ـــــــــــــــــــــــــ ــــــ
__!! شرف الرد الأول !!__


صح لسانك تريليون يالغالي

والله لا يحرمنا إبداعاتك

لك مني أطيب تحية على القصيدة الجزلة

لاهنت
ـــــــــــــــــــــــــ ــــــ
أخوكـ/خالد
[/align]

[align=center][frame="1 80"]

صح بدنك يا خالد

والشرف للقصيدة وشاعرها بمرورك الكريم[/frame][/align]

[أبوعبدالرحمن]

محمد بن دوشان


صح قلبك وكلك

وسلمت اناملك

جزل ومبدع دوما


تحيتي لك

[فخر أهلها]

[align=center] محمد

صح لساانك ونبضك

وسلمت هالانامل على هالرااائعه

تقبل مروري [/align]

[محمد بن دوشان]

محمد بن دوشان

صح السانك ، قصيده جزله ،،

الله يعطيكالعافيه ،،،

[align=center][frame="1 80"]

صح بدنك يا سعد

والله لا يهينك على مرورك الكريم[/frame][/align]

[عبدالهادي الجهني]

ابو دوشان

جزل جزل جزل

صح لسانك بلا حد ولا هنت


انا اشهد قصيدة معتبرة ووافية

دومت بخير

،

،

،

[نايف عفاس الغويري]

!


"هلالنا والنصر" يـا هـوش يـا هـد
لين "الكثيـري" أنطـرد مـن منامـه
وهزيمة "الريان" يفـرح بهـا "السـد"
لو كان يلعب ضـد "نـادي الكرامـه"


!



الله الله


قصيده تدل انك شاعر مبدع

اول قصيده اقراها لك


وسووف اقرى الكثير لك


بانتظار ابداعك


وشكرا


!

[نيو مس*]

الأخ محمد بن دوشان **

رائع رائع رائع

***********

البارحـه واليـوم محـتـاج للـغـد
يـا رب عجـل بالفـرج والسـلامـه
والوضع صايـر بيـن واقـف وممـد
والعاقل إلـي صـار مثـل "النعامـه"
وشعوبنا إلـي همهـا تعبـر "الحـد"
مـن بعدهـا تبـدأ صـراع الزعامـه
ما تدري إن البحر يا "جـزر يـا مـد"
"يمـد يجـزر" مـن يخالـف نظامـه
خلاصـة الأفكـار قـم هـات قـم ود
و"ستايـل" الرجـال سـر اهتمـامـه
والشايب إلي صار في المجتمع "جـد"
شخص "ببرمـودا" وطـش "العمامـه"

***********

كلمات رائعه جدا أصبت بها كبد الحقيقه

أقول هذا و أنا قارئه عاديه و لست ناقدة

أو أديبه أو حتى ضليعه في الشعر...

أنما هو مجرد تذوق و مع هذا تلمست في

أبياتك الحس الأدبي الساخر من الواقع ..

وكم أعجبني:


الخال" حبـه جملـت صافـي الخـد
وإن زاد "حب الخال" ما اصبح علامـه
والبدر يبقـى بـدر مـا تلحقـه يـد
ويجملـه ليـلـه بقـسـوة ظـلامـه
فيا سيدي الفلته علـى هونـك وهـد
شوف القمـر ساكـت وكلـه وسامـه


***********


محمد بن دوشان ..


الـى الأمــام ســـر

[خلف المهيلان]

ابن دوشان


سهام هنا وهناك لايطلق عليها طائشه


لان راميها يجيد الرمايه


صح لساااانك


ولاهنتتتتتتتتت