السلام عليكم ورحمة الله وبركاته
هذي قصيدة كتبتها وأنا مسافر وهيضني البارق وشوف الهماليل
ثانيا عساها تعجبكم جميع
بمشيئة الله
مشاوير الخطر
[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
هاج شعري يوم لاح البرق وانساق المطر
=وارتوا عشب الرياض وسالت أطراف المدينه
حزتن لاهي صباح ولاهي بتالي الشهر
=حزتن فيها القمر كامل تبين لي حنينه
حن للي طرقته ضلمى وشوفه مابصر
=وحن لأهل البادية واللي على متن السفينه
عزتي له لابدا ثم قال ماغيري بدر
=شوفه يهيض ضنين مشفق لشوفة ضنينه
قلتها والشوق يعبربي مشاوير الخطر
=قادني مثل السفيه اللي يدور والدينه
ساري من ساحل الدمام من حول الخبر
=مسافر يبغا الحجاز وداعين الله يعينه
مع خوين أشهد أنه شرف رجال الحجر
=الوفا طبعه وإيدينه تشهد لمدة إيدينه
عزتي له لابغيته في لزومن ماقصر
=وعزتي للي شرا خوته كساب الثمينه
مثل أبو عابد نرحبه ليا منه حضر
=وفي غيابه نفقده ونودع الله سائلينه
ياعسى عمره مديد وياعسى دربه خضر
=وياعساه يعيش وقتن ينعم بخيره وزينه
مايبين صاحبك الا على درب السفر
=أن بدا بالطيب عزه وأن تردى لاتهينه
وعزتي للصاحب اللي مايغيره الدهر
=والله أني مسنده في وقته بعسره ولينه
وعزتي للخط لو أن طوله يقص الظهر
=مارخيت عزومي وروحي على النتقه شحينه
وعزتي للموتر اللي لانصيته ما أعتذر
=موترن لامن شخلته هيض السايق حنينه
راسين في كل لفه ماتعثره الحفر
=وفي الفيافي يظهر أبداعه ويعزز للمكينه
كن قيره حربتن ملزومه بثار وأثر
=في حشى منه تجور والقبيلة زابنينه
هدفه راعيه من عند الوضيحي في قطر
=مايبيعه لو كثر دينه وكثروا مطالبينه
وفي الختام الله يكافينا من أعطال الكفر
إن كان بنشر عالطريق تحصلوني في يمينه
[/poem]
وسلامتكم
الشاعر/محمد سعيد العطريز ال منصور
رد مع اقتباس
