[poem=font="mudir mt,6,orange,bold,italic" bkcolor="black" bkimage="" border="none,4," type=2 line=0 align=center use=ex num="0,black""]
واعيني اللي دمعة الاحزان و اليـاس ذرفتهـا=واقلبي اللي يجتلد بيـن المشـارق و المغـارب
ابكي على اطلال السلوم اللي الضروف معريتها=و ابكي على باقي عقولٍ مااثرت فيها التجارب
ننسى كنوزٍ من مواطنهـا الاعـادي سالبتهـا=و نحرص نتابع معركة هوقن مع الرجل المحارب
اقصى طموح الرجل فينا يلحق النفس شهوتهـا=و اكبر هموم الرجل فينا مستريح اكل و شارب
الغرب عاداته علـى جـدران واقعنـا نحتهـا=من شان يشرب صافي الجمه و يرتع بالمضـارب
تضحك لنا بعض الوجيه و نندفـع لمجاملتهـا=حتى رمانا و قتنـا بيـن الحيايـا و العقـارب
و انا لو اسأل سيّد العـراف وشـي خاتمتهـا=بيقول خل الدرب ياطاه الجمل و شعيل دارب
ام الفلاوه جابت الفلـوه لكـن ردت كلتهـا=و حنا بقينا من غباوتنا على السرج نتحـارب
من يوم شفت النجمة الزهرا و الانظار بجهتهـا=عرفت بان الحال دون المستوى و الوضع خارب
ماعاد باقي غيـر اعاملهـا بنفـس معاملتهـا=من منطلق اعفا اللحى او زاوية قص الشوارب
الا على طار اللحى ماقلت لـي وش فايدتهـا ؟=مادامنا خمسيـن عـامٍ و الاشـده بالغـوارب
و الارض مانثر بها مـن فوقهـا و الا تحتهـا=مادام نص الربع مستعرب و نص الربع عـارب
و دام الزمام تديره اللي ماعرفنـا وش لغتهـا=اللي قبل عامين قاذفها البحر في ظهـر قـارب
تبقى قضيتنـا عسـى ربـي يزيّـن تاليتهـا=جريمةٍ يقضي بها المجـرم و راع الحـق هـارب [/poem]
رد مع اقتباس
المشاركة الأصلية كتبت بواسطة نبض الشمال
