الهاتف المطلوب

[معدي المرقاب]

[poem=font="simplified Arabic,5,darkblue,normal,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
الهاتف المطلوب مقفل وراعيه=لاهي ولا ادري وين داره ووينه
من كثر ماله بالغلا عند مغليه=لو غاب ساعة هلت دموع عينه
أنساق له سوق العتب للمشاريه=واشتاق له شوق البدو للمدينة
الله يعديه المخاطر ويحميه=من شر عبثات الزمان المشينة
آموت به وأحيا معه وانتمي إليه=مثل انتما المتمدنة للمدينة
ادعيه وادعيله واجاريه وارجيه=واخيل بارق لاح لي من جبينه
يكسر شعاعه صمت ظلماي واسريه=ليلن تسرمد في نظر سامرينه
يالهاتف المطلوب قله وانااخيه=إني عليه آحن من والدينه
ماني مخلي من ذكرني وناسيه=ولانيب جاحد من عطينه يمينه
خلاص خله نايم ولا تصحيه=حبل الوصل معقود بيني وبينه[/poem]





منصور آل ضلعة الوايلي
أبوحمد

[احمد مناحي]

معدي المرقاب

هلا بك وغلا

صح لسانك الى رضاك

قصيده جميله ورائعه تثبت لنا قوة شاعريتك وجمال اسلوبك

لكن من شروط النشر في قسم الشعر النبطي الكتابه بالاسم الصريح للرجال

ولايسمح بالاسم المستعار لذلك جرى النقل الى هنا ....

ولايكفي وضع اسمك في المتصفح ..

اتمنى لو تعدل اسمك الى الحقيقي ونتشرف باعادتها الى مكانها الطبيعي ...

تقبل مروري