ما مت يا محبوب شعبك ولا مـات
ذكرك. ونحيا فيك روح ن جديـده
يا سيدي يطويك نسيـان ؟ هيهـات
نمـوت ماننسـاك يااغلـي فقيـده
ياما فقدنـا الأوفيـا ونـت بالـذات
فيك الوفـا يذهـب مسافـه بعيـده
يبو فهـد كـل الكويـت انفعـالات
تبكي رحيلـك ذكريـات ن عديـده
أتعبت عمرك ماتريحـت لحظـات
في خدمة بـلادك علـي ماتريـده
يافارس التحرير صغت البطـولات
من حبر عزمك ف الظروف الشديده
شلت المهمه واختصرت المسافـات
وعاد الوطن حـر وتوطيـت قيـده
انا اشهد انك عن طريق المـروات
ماتنثني ونـا اشهـد انـك وليـده
حياتك الرحمـه وللرحمـه اثبـات
ياما رحمت انسـان وخـذت بيـده
الحزن في فقدك يبعثرنـي ابيـات
ونت اكبر امن الحزن ومن القصيده