شاركوني بعاداتكم في الأفراح والليالي الملاح .

[إشراقـ أمل ـة]

أبو ندى

لاتطول علينا ..

نحن بانتظارك بإذن الله ...

[جميل الثبيتي]

ســـــــــــــوعال

ممكن

ايش تقصدون بالدبششششششششششششش؟؟؟

اعتذر لكم إشراقة بهالمداخلة
الدبش / وهو إحضار ملابس العروس لبيت العريس ويكون

إستقبال رائع من أهل العريس بأن يأتوا بأحد يضرب

بالدفوف عند حضور شنط العروس وفي مقدمة ذلك أم العروس

وأخواتها وتتقدمهم المبخرة بأفخر أنواع العود


وهذا ماجاء بعرض أختي قمم

يعني بالمصري ولعته منه فيه

أختي بنت الريف

شكرا لسعالك وعليكي بالفكس تراه واحدة

بواحدة للسعال

هههههههههه

[إشراقـ أمل ـة]

أختي سود العيون

بصراحة عاداتكم مرة حلووووة وفيها تعاون من الطرفين يعني مثلنا تماما ،لكن التكلفة عندكم قليلة وهذا هو الحلو ...


والله كلما كان المهر قليلا كلما زادت السعادة بين الزوجين

يعني الزوج مايفكر أثناء شهر العسل بالمبالغ المالية التي قد تعيقه عن السعادة الزوجية ..

أكيد قضاء شهر العسل بلبنان كتير حلو ويهبل بعد ..

أما الدبش يا عزيزتي لا أعرف ما هو معناها ؟ ..

هو العفش حق العروسة يودوه لبيت المعيشة يرصو الحوايج والشغلات الباقيةطبعا اللي يروح أم العروسة أختها الكبيرة إذا عندها خالتها عمتها يعني الشغلة محسوبة حق 5او 7 او 9 حريم ..

والقصر ... والغمرة أيضاً لم أعرف ما هو معناها أيضاً ؟ ..

القصر هو المكان الذي نقيم فيه الفرح ..

الغمرة او ليلة الحنا

وهادي الشغلات تسير قبل الفرح بأسبوع من ضمن حاجات الغمرة وهادي خاصة بالحريم
قبل الزواج باسبوع يتلمو الاهلية القريبين

طبعا اللبس حق الغمرة مالو نوع معين بس اللبس الهندي او البنجابي كان منتشر ويغطو وجه الحرمة علشان لاتروح طلعتها يوم الزواج
ويتحنو الاهلية وإذا زادت حنا يقرطسوها ويوزعوها للموجودين وبعدها تبدأ الغطرفة والطنقرة والاغاني
وبعدين يتعشو ....

كلام مكاوي بالصميم ...

سود العيون

ألف مليون شكر لعودتك من جديد ومشاركتك بعاداتكم الجميلة التي تعرفنا عليها وأعجبتني ..

دمت بود ...

[إشراقـ أمل ـة]

بنت الريف

أخي جميل ماقصر جاء بالجواب الأكيييد

تشكر ياأخي جميل على المداخلة ...

ممنون

[إشراقـ أمل ـة]

أخوي محمد بن ضاوي

في الحقيقة حديثك ذو شجووون وماينمل منه ماشاء الله عليك رغم تمسك بعادات الاّباء إلا إنك رجل تحب الوسطيه في كل شيء ..

يارب يوفقك ويسعدك وتكون زوجتك كما تحب ويبارك لكما إن شاء الله ...

أنا أرى أن عاداتكم غير مكلفة ، وفيها سهالة وبساطة

لكن الرفده ماأدري عن حكمها وهي تعتبر من باب المساعدة كما ذكرت .

فعلا بعض الناس بعد الزواج بأسبوع يسافر بعروسة لأخذ عمرة والسفر للمدينة ..

هذا شيء طيب إذا وافق الطرفان .. وهذا عندنا كمان ..

حتى صارت عادة لابد منها ..

أخوي محمد

عند الزواج حتجد نفسك تطبق كل مالم ترغب به بحذافيرة

لأنك لن تستطيع أن تقول ... لا للعروسه :مزون:

أخوي محمد

حديثك كان جميلا عن عاداتكم الجميلة ..

ودمت برعاية الله وحفظه .

[سود العيون]

[align=justify]/



\



فديت قلبك إشراقة أمــل




وشكراً على التوضيح يا أمـر






الصراحة



موضوعك رائع بكل معنى الكلمة



ويا ريت تكثري منها / لأنو هيدي الأمور بالذات لازم الكل يطلع عليها والأهم يناقشها ويستفيد منها





إشراقة


مودتي لقلبك



سود[/align]

[إشراقـ أمل ـة]

بنت الريف

ول عليهن قوايا هالحريم يتفحصوها هي سيارة !!!!

أنا سمعت كمان تجي الأم وتربت على كتف العروسة وتقرب من جنبها وتفحصها عدل شيء مضحك ..

المهر مو غالي حبتين !!!!

كويس إن الهدايا انقرضت ريحتو العريس كتير ..

بنت الريف

بليون شكر على مشاركتك معنا بعاداتكم الجميلة ..

دمت بود ...

[إشراقـ أمل ـة]

أختي سود العيون

يسعدك ربي ياعسوله

كلامك أسعدني جدا جدا جدا

فعلا هذا الموضوع يجعلنا نعرف عادات بعضنا البعض

ومليون شكر على رأيك الجميل جدا في موضوعي ..

حفظك الله ورعاك ...

[بـيـبـرس]

يـا بـت يـا شـروقـتـون يـابـنـتـو أمـولـتوزن
حـدعـايـز يـتـقـوز
أقـيـب الـدفـتـر..
ولا أروح لمـنـتـدى آخـرون يـمـتـكـن .. ألآئـي
قـوز عـيـون ولا قـوز حـمـام ..
بـصـراحـتـون
دخـلـتـو هـون عـشـان أشـكـركـي مـرتـون أخـرتـون
مـوضـوع أراهـ فـي إزديـاد مـسـتـمـر
ومـاذاك إلا لـمـا يـزخـر بـه مـن مـعـلـومـات حـصـيـلـة
تـفـاعـل أعـضـاء غـرابـيـل الـكـرام
أتـمـنـى لـك دوام الـصـحـة والـسـعـادة والـتـوفـيـق
ودام عـزك يـالـسـعـوديـة

[إشراقـ أمل ـة]

المأذون بيبرس

الإجازة الصيفية مابعد صيفت علينا ..

لما تيجي الصيفية لا تنسى حتكون زي ماجلان

وحيطلبوك أهل الشرقية وأهل الغربية والشمالية وكمان الجنوبية ...


عملت لك دعاية بالمجان !!!

وأنا أشكرك بلايين المرات لمرورك العاطر ...

ولاتنسى تشقر على الموضوع ...

دمت برعاية الله وحفظه

[جواد الحب]

[align=center]
اشراقه


دائما تشرق بإبداعات متجدده


أشكرك موضوع رااائع للغايه


الحقيقه انا لسى ما تزوجت


وإذا جاء طاري العرس أشيل هم بصدري


لانه مسؤلية واللي مو قدها لا يتزوج


لانك بتاخذ البنت من بيت أهلها بتترفها وتستانس انت وإياها

مو علشان تتشحطط انت وإياها او تشحططها


وكل واحد وعلى قد اموره الماديه . .



طبعا حنى في نجد تختلف العادات عوائل عن عوائل


لاكن عندنا المهر يكون 50 الف او 45 الف وياصل إلى 60 الف


يخطبون اهل الولد البنت بعد ما يسألون عنها >>> طبعا شغل حريم يعني الرجال برى الموضوع

بعدين يجي الولد يبي يشوفها الشوفه الشرعيه

وبعدين يخطبها ويكتبون العقد ....إلخ

بعض العوائل من يوم يكتبون العقد العريس يكلم العروسه

لين يوم العرس وأحيانا يكون بينهم لقى يعني ببيت العروسه بس سلام وسواليف ......>>>> يعني شغل رسميين


لاكن حنى ما عندنا كذا


طبعا القصر على اهل البنت وأحيانا على اهل الولد

على حسب إتفاقهم


يحضر العريس للقصر وإذا جو يدخلون للعشاء طلع العروس

ويكون معه احد من اخوان العروسه أو ابوها يوصله للبيت علشان ياخذ العروووسه





فــــــــــــــــــاصل

هذا واحد من أصحابي جت تبي تزوج اخته وصديقي يعرف الزوج

يوم دخلو للعشاء قال ابو صديقي لولده رح ود فلان للبيت

علشان ياخذ إختك

يوم راحو للبيت دخل خويي وصك الباب والزوج برى

وقال خويي للزوج ما فيه عندنا بنات رح هههههههه

قال الزوج لخوييه وهو على أعصابه وحالته حاله

تكفى بأبو فلان تكفى عطني البنت وخلني امشي

خويي مسكت معه عناد . .

قاله لا ما فيه بنات ولا حاجه هههه <<< صدق نذل

الزوج يترجى صديقي يالله تراني مرهق وأعصابي متوتره

وخويي داخل البيت ويضحك


المهم يوم هبل فيه


قال له يالله إدخل <<<< الله فرجت



نـــــواصـــــــــل




طبعا شهر العسل الغالب داخل السعوديه

أنا بإذن الله في ما ليزياء <<<<<بعد ما أخطب الرجال مطول هههه

لان فيه واحد من اصابي شهر العسل قضاه في ماليزيا يمدحها وينصحني فيها . . .




أكرر شكري لك إشراقه

جواد [/align]

[N n y ~]

يا بشر تبووون عاداتي ولا بلاش خخخخخخ

ايه عاداتي غير يعني مني تابعة للغربية أنا غير هماني احب جده .. اجل غير ههههههههههههه

بصراحة هالخرابيط كلها تبع الزواج واللي قبلها من زيارة ودية في البداية من قبل أهل العريس وبعدها زيارة خطبة وبعدها زياة الشوفة ويمكن يدمجوها مع بعض على حسب :مزون: وبعدها زيارة من قبل اهل العريس رجال فقط عشان يتكلموا في أمور الملكة ويأكدوا الموعد ومتى يروحوا المحكمة واللزي منوه وممكن يكون بعد التمليك على طوول استلام المهر او قبلها على حسب مابدهم وبعدها يجي شغل الحريم تبع العروس يجهزوا للملكة وفين يسووها لأنوه صاير عندنا هون بالغربية الملكة ع العروس والزواج ع العريس " تخلف " الموهيم تتجهز العروس ليوم الملكة من إلى واهل العريس يجهزوا نفسهم حق الشبكة من ذهب وعربية وهايدي الحركات مشان يجوا يسلموها بيوم الملكة للعروس .. ويعدي ذاك اليوم على خير " مع إنه ماصار على خير ببيتنا :خجل: " ايوة وفي شيء ضحكني أوي انوه الملكة لما تصير بالقصر او المكان المراد بعد ماتخلص الزفة يروح العريس مع عروسته بالغرفة فوووق خخخ ويجلسوا مع بعض لين يقول أبو العروس بس يلا بنروح البيت هههههههههههههه الموهيمز نكمل مشوار الرجة بعد الملكة بتكون هناك زيارات وحركات من قبل العريس بمفرده ولا اول مايسترجي يجي لوحده خخخ لين يطفش الأبو كمان وينادي على أهل العريس عشان يحددوا يوم الزواج خلاص هههههههههههههههه ويتم تحديد يوم الزواج وتصير مخاصمات وبلاهة من قبل أهل العريس مانقدر نسوي الزواج كله علينا لازم تشاركونا واللزي منوه لين يتم الاتفاق .. على كل شيء وبعدها تبدأ استعدادات العروس تروح وتجي من مركز تجميل لسوق لأشيا مال أمها داعي بدل ما تصير حلوة واش زينها تصير مريضة ومرهقة ع الآخر خخخخخ ويتم ترتيب الدبش والعوايز كل حاجة على حده في شنطة أو صناديق ويتم تغليفها بحركات واشكال كنها هدايا خخخخ ويلا بأ حتى الأغراض هذي يزفوها لين عش الزوجية اذا كان بنفس المدينة أو ببيت أهل العريس ويكونوا باستقبالهم ويجلسوا ساعة أو أقل أهل العروس هناك يشربوا قهوة شاي ويرجعوا :مزون: ويجي بعدها يوم الحنا وما أدراك ماهذا اليوم المنحووس مدري الجميل خخخخ يتم الاتفاق مع الحناية أو النقاشة ويحطوا العروس بغرفة لوحدها محد يشوفها غير أهلها ويجوا الناس عاد على حسب اذا كانوا بسوي يوم الغمرة بصالة افراح او بالبيت الموهيم يجوا الناس ويتضيفوا طبعا والاغاني او الاناشيد على حسب بتكون شغالة والرقص ماشي والسواليف ماتخلص والعروس في محنتها مع النقاشات متصلبة ماتتحرك أبدن واخواتها يجو ويروحو لين تخلص وبعدها يلبسوها اللبس ذاك لين يخلوها مغلفة زي الحلاوة مو باين منها غير يدينها ورجلينها .. عشان المعازيم يشوفوا نقشتها :مزون: ووجها لأ عيب هههههههههه الموهيم تصير زفة كمان لين توصل العروس عند الأوادم وطبعا اللي يكونوا معزومين الأقربا والناس القريبين أوي والصويحبات واللزي منوه يعني مافي رجة بالدعوة ومو كل من هب ودب جا وأحلى شيء أهل العريس سواء حريم رجال مايحضروا طبعا هاليوم يكون للحريم بس والرجال مالهم داعي غير أنوه يجيبوا العشا ويرتبوه :نأ: وبس ينتهي اليوم لا لأ لسه بعدها يروحوا الناس ويجلسوا بس البنات واللي يبى يتنقش طبعا بعد العروس تجي الأم بالمرتبة الثانية وبعدها الأخوات .. الخ وينتهي اليوم وننام هههههههه اليوم اللي بعدو أو يومين بعدها بيكون الفرح " الزواج " وياله من يوم العروس من صباح الله مهي في البيت فينها ؟ راحت الصالون وكذلك العريس " أنا ما أسهبت في الكلام عن العريس لأنوه مافيش تجربة صارت بالبيت غير مع الأخت المصونة عاد لما تصير تجربة برجع أحكيكم وش صار خخخ " الموهيم يجي الظهر يروحوا خوات العروس والأم هم بعد للصالون وينتهوا وعلى طووول للقصر أو أنهم من الظهر بالقصر ويجيبوا الكوافيره هناك على حسب الرغبة :مزون: ويتم تجهيز القصر من كوشة وحركات اللي مجهزينها ومفكرين فيها من زمان من إلى ويبدأوا المعازيم يجو من بعد 9 لين الفجر هههههههههههههه يبدأو يروحوا وفي تمام الساعة الثانية عشر صباحا" مدري لي هالوقت بالذات :بفكر: " تأتي العروس اش تسوي أكثر من 12 ساعة عند الكوافيرة مدري الا أدري والله اشيا بلهة وغبية بقوة الموهيم تجي العروس ويتم تجهيزها بغرفتها يلبسوها خواتها فستانها والحركات وبعدها ينادوا ع المصورة ويتصوروا كل من له شأن وبعدها ينادوا ع العريس وتصير حركات في التصوير لين ينتهوا وبعدها تبدأ الزفة وتتسكر الأنوار في القصر وتدخل العروس مع عريسها أو بدونه على حسب :مزون: مع زفة هادئة أو مزعجة أو أبيات أو أو .. كل عروس وذوقها في أنوه كيف تكون زفتها لين توصل للكوشة وبعدها يبدأ الازعاج من جد ويتزاحمو ع العروس البشر عشان يسلمو وفي هاللحظه تمسك المكرفون الأم تنادي ع العشا بأنه ينتظر الجمهور عشان تنقذ بنتها و موشرط الأم وبس لين تفضى الصالة ويرجعوا ينادوا ع المصورة أصلا هي معاهم في كل وقت وهي تنزف العروس أوتضحك وتشرب .. الخ مغير تصور الحورمة وبعدها يجو أخوان العروس ويتصور كمان مع أختهم وكمان الأبو واللي يبوه يصير ممكن يدخل أبو العريس بس ويتصور هو كمان هههههههههه الموهيم بعد الزحمة هذي كلها يستلم العريس عروسته ويركبها في السيارة المعدة ويخلو بها بس في السيارة ولا حوالينه مسوين صجة حتى في الشوراع تصير زفة أخيرة خخخخخ مع البواري والأغاني وممكن واحد من اللي معاهم يوقف سيارته عرض ويتعطل السير ويقوموا ينزلوا كلهم ويرقصوا وهذا كله العريس والعروس معصبين خخخخخخ لين يتم توصيلهم لعش الزوجية هون عاد العريس بكيفه يبى زوجته تدخل بنفسها ولا يشيلها ويدخلها خخخخ وبكذا انتهينا من الخرابيط لا لسه في يوم الصبحية والعزايم اللي بتصير في اليوم الثاني والثالث وبعدها سفر المعرسين .. الخ كل هالخرابيط ماتعجبنيش ولا تدخل مزاجي

^
^
كل ما ذكر أعلاه بـ اذن الله لن ولن يكون من عادتي ..

عادتي هيا .. مو لازم تعرفوها :نأ:

بس حاجات بسيطة وتفي بالغرض بعيدا عن الرجة والتعب والارهاق وسلامتكم

أدري أنه محد قرى ردي غير صاحبة الموضوع هههههههههههه


شروووقة ,,

طبعا ماتكلمت في الأشياء اللي ذكرتيها لأني مدري غير اللي كتبته فوق :مزون:

الله يعطيك العافية

بجد موضوع خطنطيييييييير أوي

ويلا عقبال مانفرح فيك ونكتب بالتفصيل الممل وش صار بيوم عرسك :مزون:

[دفء البوح]

طريقة الزواج يتم خطوبة الرجل للمرأه

عن طريق الخطيب نفسه او من احد اقاربه من ولي امرها


وبعد ذهابه وطلب يدها فقد يجد الرد من ولي الامر سواء

كان بالرفض او الموافقة.

واذا ماتمت الموافقه بينهما يحددان يوم لزيارة اسرة

العريس لاسرة العروس لاتمام الخطبه بشكل رسمي

وقد يتخلل هذه الزياره الرؤيه الشرعيه للطرفين ان احبا

ذلك وقد تكون الملكه في نفس يوم الخطوبه

وقد تكون في يوم اخر حسب مايراه العريس

طبعا المهر في حد اقصى لايتجاوز 20 الف وقد يزيد والد

العروس على هذا المبلغ مساعدة للعريس

اما مايختص بالامور الاخرى من تكاليف من القصر وعشاء

الضيوف فكلها على العريس

وربما تخلل الزواج اقامة حفل بعد الانتهاء من مراسم

الزواج وهذا الامر ليس اجباريا . ولكن يقع تحت حرية

العريس نفسه


هذا الحفل يقوم به العريس باحضار مجموعه من الشعراء

يتخللها رقصات شعبيه تنم عن موروث هذه القبيله

وربما كانت عاداتنا قريبه جدا من اهل مكه بحكم اغلب

الزواجات التي نحضرها تكون في مكه


اما مايختص بالنساء فهن اعلم بذلك وليس عندي الدرايه

الكافيه لما يحصل بداخل قاعات النساء :مزون:

,

شكرا لك اشراقه على اتاحة هذه الفرصه لمعرفة العادات

لدى بعض القبائل وكذلك بعض الاسر السعوديه

احييك على ابداعك المتواصل

ولك مني وافر التقدير

[عاشقة الفردوس الأعلى]

أدري أنه محد قرى ردي غير صاحبة الموضوع هههههههههههه

Ńαηηу

حتى صاحبة الموضوع أظنها بتتعب من قراءته .:مزون:

صدقاً حاولت أكمل بس عيوني آلمتني

صاحبة الموضوع

إشراقة أمل

سلمت غاليتي على هذا الطرح الرائع و الجميل

عني أنا استمتعت كثيراً بمطالعة ما كتب من عادات

شكراً جزيلاً لكم هذا المتصفح الثري

و دمتم بسرور

[إشراقـ أمل ـة]

أخوي جواد الحب

رحلة رااائعة لعاداتكم أخوي جواد ...

يقول المثل

(لاوجع إلا وجع الضرس ولاهم إلا هم العرس )

سم الله وابدأ على بركة الله فالزواج هين إذا فكرة الزواج حانت عندها توكل على الله فسوف تهون الصعاب بإذن الله ..

في الحقيقة والواقع عاداتكم بعيدة قليلا عن العادات التي قرأتها ، المهر مافيه أي إشكالية ...

لكن الإختلاف هو العروسةغريبة ماتتزف أمام النساء !!!!!

تقريبا الزفه عندنا تبدأ الساعة الثانية للساعة

الثالثة ويستمر الحفل لصلاة الفجر ...

و سيارة العريس تكون مزينة بأجمل الحلل ، وتنتظر العريس والعروسة والسائق طبعا أخو العروسة ...

والفاصل كان طريفا جدا جدا ، فحرق الأعصاب شيء صعب بالنسبة للعريس ...

ماليزيا جميلة جدا لقضاء شهر العسل ...

أتمنى أن يسخر الله لك الزوجه الصالحة التي تعينك على الحياة الزوجية السعيدة اللهم اميييييييييين

ودمت برعاية الله وحفظه ..