شاعر وحبك الشعر بالوزن والقاف
وليه مع الشعار صوله وجوله
اعيش متواضع على نهج الاسلاف
ونفسي لفعل الخير تبقى عجوله
الحمد لله طيب ومابي خلاف
مااسمع كلام اللاش واللي يقوله
مسلم بربي كافر بكل عراف
والغيث مايدرون ساعه هطوله
اللي عصى ربه من القلب ينعاف
واللي يطيع الله يلقى قبوله
اسرفت في حبك ليا حد الاسراف
يابوعيون وساع ماهي بطوله
تعرف متى توكل من وين الاكتاف
وسهم الفرح عقبك تكاثر نزوله