آخر اليوح أتمنى أن يستحق إستحسانكم ..
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
انا الظمأ وعنوان دربي خَسَاَرَة=ياما انطعـن قلبـي بسكيـن غـدّار
اسـوق رجلـي للقمـم والـصـداره=واصبر على المقسوم والوقت لو جار
ابـوي وعمـي للمـكـارم مـنـاره=وخالي بفعل الطيب والجـود جسّـار
عدّيـت للقمـه بفـعـل وجــداره=وصلـت لمـرادي بعـزم ٍ وإصـرار
عايـش بوقـت الثعلبـه والحضـاره=وشفت البشر وسطه غريبين الأطوار
هذاك عشر سنيـن ماشـاف جـاره=واكبر مصيبـه خلّـت البـال محتـار
ان آخر اسمـه حافـظ ٍ لـه وقـاره=ياحيف ياعيـال القبايـل والاحـرار
وهـذا بـدأ بتأجيـر ثالـث عمـاره=واكبر عياله يشحذ النـاس الإيجـار
ينعـاف درب خطـاه وينعـاف داره=وش ينفعه لا ولّـوا النـاس الأدبـار
شومي يانفسي عـن دروب الحقـاره=واجمد ياقلبي من صواديـف الاقـدار
الوقـت ملعـب والنتيجـة شـطـاره=والشـر مثـل الخيـر فينـا بمقـدار
مـن حـب بيـت الله وبالحـج زاره=عز الله ان صفه من صفوف الأخيار
ومن باع دينـه وانشغـل بالتجـاره=فاقـد بركـة الله .. بالمـال والكـار
البارحـه نومـي تـعـدى قـطـاره=وانا على كرسي الحزن .. انشد المار
من يسعف الملهـوف قبـل انهيـاره=ومن هو يجيب العلم ويـرد الاخبـار
ياليلـة الشـوّال قلـبـي وعــواره=من رحلة الغربه ومن كثـر الاسفـار
غصيت صبـح العيـد هـم ومـراره=والحان حزني أشتكت منهـا الاوتـار
هذي مشاعـر عيـد ٍ أقفـى نهـاره=هو رابع اعيادي بعيـد ٍ عـن الـدار
أقفي ياغربـه .. وأسدلـي ياستـاره=ولهـت لـحـرف الS والA والR
هـذا شطـر عشريـن وأوّل زقـاره=كنيتهـا لعيونهـا ســر الاســرار
القلب مـن عاميـن صـدّر قـراره=يعشق ويزرع في اراضيـه الاشجـار
وساعة سألته والشجـر فـي ديـاره=مغروس وحوله ورد من شوق وازهار
هذا الجمـال اللـي بـدى والنظـاره=من وين منبعها وياقلب وش صار .!؟
بـاح بحقايـق مـن مغيّـر مسـاره=بأوصاف منها فاضت بحور وانهـار
بنت الشرف بنـت الفخـر والأمـاره=ضاق الشجر بشموخها وانحنى وخار
مثـل بـدويٍ راس مالـه إبـكـاره=يحتل الارض من اجلها وقت الامطـار
يرحـل بهـا لآخـر حـدود اقتـداره=وماينثني لـو ينعمـي بعـج وغبـار
أحبهـا واكثـر بعـد .. وبـغـزاره=والهف لها لهف العطاشـى للأبيـار
ريم ٍ تلـم الزيـن وتعلـن حصـاره=فيها .. ومن دونه طويلات الأسـوار
فتنـة جمـال ٍ كامـلـه بالإيـثـاره=المهره اللـي تسبـق بكـل مضمـار
عيونهـا فيهـا معـانـي البـطـاره=عيون شيهانـه علـى كـف صقّـار
والرمش لاسلهم يبـي يشـن غـاره=يقصف ويعصف ويتهـدد بالأخطـار
والصدر حـظ اللـي حكـم بإحتكـاره=مركوز ومتهندس بمرسـم وفرجـار
وايمن ظهرها مختبـي مـع يسـاره=مزّملين بشعـر ٍ أظلـم مـن الغـار
والقـد لـو هـو ينتقـل بالإعـاره=ضاق الرياض بكثر مـن جـاه زوّار
يابهجـة الأبيـات بحـروف سـاره=ويالوعة المشتاق بأوقـات الاسحـار
السين : سـم الشـوق زاد انتشـاره=اخـاف يتمكـن وتـزداد الاضـرار
وألـف : أمانـه بشرونـي بشـاره=بسطوع شمسي مشغلة كـل الأفكـار
والراء : رقيق القلب أشعـل وجـاره=واركى مباهيره علـى واهـج النـار
والهاء : هلا باللي عـذاب إنتظـاره=مدقوق فـي قلبـي ثلاثيـن مسمـار
ذا بوحي اللـي نـاوي ٍ بإختصـاره=جاني مثل جيش ٍ من الشـوق جـرّار
يانـوري الدايـم وشمـس الطهـاره=تقبلـي منـي وفـيّـات الأعــذار [/poem]
عبدالعزيز القثامي
الظمأ